ꓟꓬꓱ ꓓꓳꓽ ꓙꓳˍ ꓟ ꓡꓲ-ꓢꓴ ꓟꓴ ꓖꓪ ꓖꓪ ꓒꓽ ꓪ-ꓠꓬꓹ-ꓮ-ꓪꓴꓽ ꓡꓰꓽ ꓬꓲꓸ ꓕꓲꓸ ꓬꓲꓸ ꓙꓶ ꓟꓴˍ ꓟ ꓟꓴ ꓖꓪꓽ ꓫꓬꓹ ꓢꓲꓸ KPay ꓗꓪ ꓐꓰ ꓪꓴꓽ ꓓꓴ ꓥꓳ ꓐꓰ 2022 ꓘꓳꓼ 7 ꓦ 16 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
“ꓟꓴ ꓖꓪ ꓬꓲꓸ ꓕꓲꓸ ꓙꓳˍ ꓟ ꓫꓬꓹ ꓐ ꓡ ꓠꓹ ꓟ ꓢꓷꓸ ꓠꓲꓹ ꓒꓴ ꓫꓵꓺ꓾ ꓬꓲꓸ ꓙꓵꓹ ꓮ ꓟꓬꓹ ꓣꓱꓽ ꓬꓯꓼ ꓡꓳ꓿ ꓮ ꓙꓵꓽ ꓢꓴ ꓢꓯꓼ ꓕꓵꓼ ꓙ ꓡ ꓕꓯꓽ ꓢꓲꓸ ꓟꓽ ꓥ ꓠꓬ꓾ ꓟꓴ ꓖꓪ ꓙꓲ ꓙꓲ ꓡꓰꓽ ꓫꓬꓹ ꓒꓬꓱꓼ ꓡ ꓠꓹ ꓟ ꓬꓲꓸ ꓚꓱꓹ ꓟꓽ ꓙꓳ꓿ ꓖꓳ ꓟ ꓑꓶꓸ ꓓꓴ ꓬꓲꓼ ꓠꓬꓲ ꓐꓴꓳ꓾ ꓟꓴ ꓖꓪ ꓔꓯ ꓫꓬꓹ ꓢꓲꓸ ꓪꓴꓽ ꓩꓴ ꓡ ꓥꓳ ꓐꓯ ꓕꓯꓽ ꓠꓬ꓾ ꓮ ꓙꓵꓽ ꓢꓴ ꓠꓬ ꓒꓴ ꓓꓳ ꓢꓲꓸ ꓠꓬꓲ꓾ ꓪꓴꓻ ꓢꓲꓸ ꓠ ꓡꓳꓸ ꓢꓯꓼ ꓖꓶꓽ ꓗꓹ ꓡꓯ” ꓐꓰ ꓐꓯ ꓔꓸ ꓡꓳ꓿
ꓮ ꓡꓲ ꓡꓲ ꓪꓴꓻ ꓠꓹ ꓟ ꓚꓱꓹ ꓐꓰ ꓟꓴ ꓖꓪ ꓫꓵꓼ ꓮ ꓕꓯꓽ ꓓꓳ ꓡ ꓠꓹ ꓟ ꓔꓯ ꓟꓳꓸ ꓠꓬ WaNya AhWu Music FB page ꓗꓪ like ꓬꓰ ꓔꓸ ꓡꓯ꓾ ꓡꓯ ꓫꓵ ꓟꓳꓸ ꓖꓶꓽ ꓩꓴ ꓡ ꓓꓴ ꓥꓳ ꓐꓯ ꓩꓴ ꓡ ꓡꓳ꓿
“ꓟꓴ ꓖꓪ ꓬꓲꓸ ꓫꓵꓼ ꓕꓲꓽ ꓟꓴꓽ ꓠꓬ ‘ꓪꓴꓽ ꓬꓲꓻ ꓖꓳꓽ’ ꓐꓯ ꓔꓸ ꓡꓳ꓿ ꓟꓬꓱꓽ ꓟꓽ ꓒꓬꓱꓼ ꓟ ꓗꓪ ꓢꓯꓼ ꓕꓵꓼ ꓔꓬ ꓟ ꓔꓯ ꓐꓯˍ ꓟ ꓥ ꓡꓳ” ꓐꓰ ꓟꓴ ꓖꓪ ꓖꓪ ꓒꓽ ꓡꓰ ꓬꓲꓸ ꓬꓲꓹ ꓢꓶ ꓒꓳꓹ ꓟꓸ ꓖꓶ ꓔ ꓡꓳ꓿
“KPay ꓗꓪ ꓐꓰ ꓟꓴ ꓖꓪ ꓪꓴꓽ ꓠꓹ ꓟ ꓬꓲꓸ ꓪꓴꓸ ꓢꓯꓼ ꓕꓵꓼ ꓢꓴ꓾ ꓟꓬꓱ ꓓꓳꓽ ꓐꓰ ꓚ ꓟꓲꓽ ꓙꓳˍ ꓟ ꓟꓴ ꓖꓪ ꓖꓪ ꓒꓽ ꓪ-ꓠꓬꓹ-ꓮ-ꓪꓴ ꓥ ꓡꓳ” ꓐꓰ ꓡꓯ-ꓟꓯ ꓮ-ꓔ ꓡꓰ ꓬꓲꓸ Facebook account ꓗꓪ ꓐꓰ ꓢꓯꓼ ꓖꓶꓽ ꓢꓲꓸ share ꓬꓰ ꓔꓸ ꓡꓳ꓿