2021 ꓘꓳꓼ 2 ꓦ 1 ꓠꓬꓲ ꓢ ꓘꓪ ꓕꓯꓽ ꓟꓯꓼ ꓜꓲꓽ ꓓꓽ ꓠꓬꓲꓽ ꓣꓳ ꓠꓬ ꓪ ꓔꓲꓸ ꓔꓬ ꓗꓳꓹ ꓗꓪ ꓓꓵꓽ ꓡ ꓢꓲ꓾ “ꓠꓻ ꓫꓵꓽ ꓙꓳ ꓠꓬꓲ ꓟꓬꓱꓽ ꓗꓪ ꓐꓰ ꓓꓳ ꓙꓰ ꓥꓳ” ꓐꓯ ꓢꓲ ꓕꓳ ꓶ ꓐꓳ꓾ ꓪ ꓔꓲꓸ ꓬꓲ ꓚꓲ ꓛꓬꓽ ꓡꓯꓼ ꓓꓴ ꓢꓽ ꓠꓹ ꓟ ꓐꓯ ꓡ ꓡꓳ ꓐꓰ꓾ ꓪ ꓔꓲꓸ ꓪꓰꓹ-ꓟꓲꓼ ꓡꓰ ꓠꓬꓲꓸ ꓠꓬꓲ 2021 ꓘꓳꓼ 10 ꓦ 12 ꓠꓬꓲ ꓐꓯ ꓟꓴ ꓚꓲꓸ ꓚ ꓔꓶꓸ ꓗꓪ ꓚ ꓓꓳ ꓩꓴ ꓡ ꓡꓳ꓿
“ꓠꓴ ꓪ ꓙꓵꓽ ꓪ ꓦꓴ ꓟꓬꓱꓽ ꓕꓱ ꓟ ꓠꓽ ꓩꓴ ꓗꓷ꓿ ꓙꓵꓽ ꓗ ꓡꓳ ꓚ ꓬꓰ꓿ ꓥꓪ ꓠꓬ ꓧꓪ ꓖꓳ ꓓꓱꓽ ꓔꓬ ꓢ ꓢꓴ ꓕꓲ ꓣꓳ꓾ ꓮ ꓡꓲ ꓐꓯ ꓢꓲꓸ ꓟꓬꓱꓽ ꓗꓪ ꓐꓰ ꓓꓳ ꓠꓹ ꓟ ꓠꓻ ꓗꓶꓸ ꓙꓲ꓿ ꓥꓪ ꓟꓬꓱꓽ ꓗꓪ ꓐꓰ ꓟꓽ ꓓꓳ ꓙꓰ” ꓐꓰ ꓪ ꓔꓲꓸ ꓡꓰ ꓕꓱ ꓡꓱ ꓐꓯ ꓗꓷ ꓠꓬ ꓟꓯꓼ ꓜꓲꓽ 2 ꓣꓳ ꓡꓰ꓾ “ꓮ ꓚꓲ ꓐꓲ ꓓꓵꓽ ꓙ ꓠꓬꓲ ꓢꓲꓽ꓿ ꓥꓪ ꓠꓴ ꓐꓯˍ ꓟ ꓡꓰ ꓐꓰ ꓟꓽ ꓬꓰ ꓐꓯ ꓠꓴ ꓖꓳ ꓓꓱꓽ ꓔꓯ ꓘꓶ ꓡꓶꓽ ꓓꓴ ꓙꓳ ꓡ ꓥ” ꓐꓯ ꓡꓳ꓿ ꓖꓳ ꓕꓯ ꓪ ꓔꓲ ꓡꓰ꓾ “ꓮ ꓡꓲ ꓔꓸ ꓡꓰ ꓥꓪ ꓟꓬꓱꓽ ꓗꓪ ꓐꓰ ꓓꓳ ꓕꓳ ꓶ ꓟꓽ ꓐꓳ꓿ ꓫꓵꓻ ꓖꓶ ꓫꓵꓻ ꓡ ꓝꓲ” ꓐꓯ ꓡꓽ ꓩꓴꓳ ꓐꓰ ꓖꓳ ꓕꓲ ꓠꓬꓲ ꓮ ꓡꓲ ꓗꓷ ꓡꓰ ꓟ ꓔꓯ ꓟꓳꓸ ꓠꓬꓲꓸ ꓠꓬꓲ ꓚ ꓓꓳ ꓩꓴ ꓡ ꓟ ꓥ ꓡꓳ꓿
ꓓꓳꓽ ꓕꓱ ꓟ ꓔꓯ ꓐꓯ ꓟꓴ ꓗꓪ ꓬꓰ ꓙ ꓔꓬ ꓟ ꓜꓲꓽ ꓟꓴꓽ ꓒꓽ ꓕꓲ ꓣꓳ ꓡꓰ news watch ꓗꓪ ꓢꓷ ꓙ ꓟꓴ ꓙ ꓩꓴ ꓡ ꓟ ꓥ ꓡꓳ꓿
ꓪ ꓔꓲꓸ ꓪꓰꓹ-ꓟꓲꓼ ꓠꓬ ꓟꓯꓼ ꓡꓰ ꓐꓯ ꓟꓴ ꓩꓴ ꓔꓸ ꓟ ꓫꓵꓽ ꓪꓴ 2 ꓫꓵꓽ ꓑꓶꓸ ꓓꓴ ꓚꓲꓸ ꓚ ꓟꓶ ꓔꓬ ꓟ ꓥ ꓢꓲ꓾ ꓠꓬꓲꓸ ꓠꓬꓲ ꓐꓯ ꓟꓴ ꓕꓲ ꓗꓪ ꓬꓲ ꓚꓲ ꓛꓬ ꓡ ꓢꓲ꓾ ꓫꓵꓽ ꓪꓴ ꓚ ꓟꓸ ꓖꓶ ꓡ ꓟ ꓥ ꓡꓳ꓿