ꓪꓽ ꓔꓲꓺˍ ꓟ ꓗꓳ ꓗꓪ ꓞꓰ ꓫꓵꓻ ꓢꓴ ꓟꓼ-ꓢꓰꓼ-ꓕꓯꓼ ꓫꓵꓽ ꓪꓴ ꓑꓴ-ꓔ-ꓳ ꓗꓪ ꓟꓲꓸ ꓟꓲ ꓫꓵꓽ ꓘꓶꓽ ꓓꓴ ꓥꓳ

ꓑꓴ-ꓔ-ꓳ ꓟꓵꓽ꓾ ꓪꓽ ꓔꓲˍ ꓟ ꓗꓳ ꓪꓽ ꓚꓲ ꓗꓪ ꓞꓰ ꓫꓵꓻ ꓢꓴ ꓟꓼ-ꓢꓰꓼ-ꓕꓯꓼ ꓚꓱꓹ ꓔꓯꓸ ꓟꓳꓸ ꓬꓲꓸ ꓪ ꓜꓴ ꓧꓳꓽ ꓢꓴ ꓠꓬꓲꓽ ꓣꓳ ꓔꓯ ꓠꓬꓲꓸ ꓠꓬꓲ ꓑꓴ-ꓔ-ꓳ ꓫꓵꓽ ꓘꓶꓽ ꓔꓶꓸ ꓗꓪ ꓐꓰ ꓫꓵꓽ ꓘꓶꓽ ꓞꓰꓹ ꓓꓴ ꓥꓳ ꓐꓰ ꓓꓳꓽ ꓜꓳˍ ꓡꓳ꓿

“ꓟꓲꓸ ꓟꓲ ꓫꓵꓽ ꓘꓶꓽ ꓞꓰꓹ ꓓꓴ ꓢꓪꓼ ꓔꓸ ꓥ” ꓐꓰ ꓫꓵ ꓘꓶꓽ ꓖꓴ ꓗꓪ ꓟ ꓕꓲ ꓣꓳ ꓡꓰꓽ ꓐꓯ ꓡꓳ꓿

ꓟꓼ-ꓢꓰ-ꓕꓯꓼ ꓠꓬ ꓐꓶꓽ ꓟꓵꓽ ꓗꓪ ꓕꓳ ꓶ ꓢꓳ ꓔꓬ ꓟ ꓤ ꓟꓶꓸ ꓡꓯꓸ ꓤ ꓕꓲ ꓣꓳ ꓥ ꓢꓲ꓾ ꓟꓬ-ꓟ ꓗꓴꓷꓼ ꓗꓪ ꓡꓽ ꓡ ꓕꓲ ꓑꓹ ꓑꓴ-ꓔ-ꓳ ꓪꓽ ꓔꓲꓺˍ ꓟ ꓪꓽ ꓚꓲ ꓗꓪ ꓓꓯꓻ ꓙꓰ ꓢꓲꓸ 2019 ꓘꓳꓼ 4 ꓦ 12 ꓠꓬꓲ ꓕꓯꓽ ꓞꓰ ꓫꓵꓻ ꓟ ꓥ ꓡꓳ꓿

ꓖꓳ ꓟ ꓑꓶꓸ ꓓꓴ ꓗꓳ ꓓꓯꓻ ꓚꓱꓹ ꓗꓪ ꓧꓳꓽ ꓪꓴꓸ ꓟꓴ ꓢꓴ 2 ꓣꓳ ꓔꓯ ꓐꓯ ꓟꓴ ꓩꓴ ꓔꓸ ꓟ ꓠꓬꓲꓸ ꓠꓬꓲ 2022 ꓘꓳꓼ 4 ꓦ 18 ꓠꓬꓲ ꓕꓯꓽ ꓑꓴ-ꓔ-ꓳ ꓟꓵꓽ ꓫꓵꓽ ꓘꓶꓽ ꓖꓴ ꓗꓪ ꓐꓰ ꓫꓵꓽ ꓘꓶꓽ ꓓꓴ ꓥꓳ꓾ ꓐꓯˍ ꓟ ꓥ ꓡꓳ꓿