“ꓪꓴ-ꓢ ꓔꓯ ꓫ ꓟꓳ”

2021 ꓘꓳꓼ 10 ꓦ 29 ꓠꓬꓲ ꓕ-ꓔ-ꓡ ꓡꓳ ꓒꓱ ꓔꓯ ꓟꓬ-ꓟ ꓟꓯꓼ ꓡꓰ ꓮ ꓔꓳꓸ ꓛꓴ ꓡ ꓟ ꓗꓪ ꓐ ꓡꓰˍ ꓟ 3 ꓝꓸ ꓦꓲ ꓕꓲ ꓦꓲ ꓬꓲꓸ ꓢꓲꓺ ꓒꓽ Hniar Te ꓕꓱ ꓡꓱ ꓗꓷ ꓡꓰ ꓥ ꓟꓲ ꓪꓴꓽ ꓔꓯ ꓫꓸ ꓟꓳ ꓐꓰ Facebook ꓗꓪ ꓐꓳ ꓔ ꓡꓳ꓿

“ꓦꓲ ꓕꓱ ꓟ ꓔꓯ 2002 ꓘꓳꓼ ꓕꓯꓽ ꓪꓴ-ꓢ ꓡꓰ ꓖꓶ ꓡꓻꓳ꓿ 2021 ꓘꓳꓼ ꓗꓪ ꓬꓲꓸ ꓡꓰ ꓣꓴ ꓡꓲꓸ ꓙꓰꓳ꓿ 20 ꓘꓳꓼ ꓦꓲ ꓙꓳ ꓗꓪ ꓙꓳ ꓝꓲ ꓡ ꓠꓬꓲ ꓪꓴ-ꓢ ꓔꓯ ꓫꓸ ꓟꓳ” ꓐꓰ Hniar The ꓡꓰ ꓐꓳ ꓔ ꓡꓳ꓿

ꓕꓱ ꓡꓱꓳ ꓫꓵꓽ ꓙꓵꓻ ꓠꓲꓹ ꓑꓶꓸ ꓓꓴ ꓡ ꓞꓳ ꓐꓴ ꓓꓵꓽ ꓙ ꓮ’ ꓡꓰ ꓔꓬ ꓟ ꓡꓰ ꓐꓰ꓾ ꓬꓲ ꓪ ꓑꓶꓸ ꓓꓴ ꓟꓬ ꓐꓲ ꓓꓳ ꓢꓴ꓾ ꓫꓱꓸ ꓤꓼ ꓢꓴ ꓮ ꓟꓬꓹ ꓙꓳ ꓡꓳ꓿

ꓕ-ꓔ-ꓡ ꓡꓳ ꓒꓱ ꓔꓯ ꓟꓬ-ꓟ ꓟꓯꓼ ꓐꓴ ꓡꓰ ꓐꓳꓽ ꓒꓽ ꓐꓶ ꓡ ꓟ ꓗꓪ ꓐꓰ ꓮ ꓔꓳꓸ ꓐꓬ ꓪꓴꓸ ꓔꓴ ꓡ ꓢꓲ꓾ ꓡꓳ ꓒꓱ ꓗꓪ ꓑ ꓫꓬ ꓐꓴ ꓟꓯꓼ ꓛꓰꓹ ꓙꓰ ꓖꓴ ꓟ ꓑꓶꓸ ꓓꓴ ꓮ ꓔꓳꓸ ꓢꓰꓼ ꓢꓴ ꓟꓽ ꓙꓳ ꓠꓬꓲ꓾ ꓦꓲ 130 ꓦꓲ ꓟꓽ ꓞꓲ ꓐꓬ ꓡꓰꓳ꓿ (10 ꓦ 30 ꓠꓬꓲ ꓠꓯꓼ ꓗꓪ 270 ꓦꓲ ꓐꓬ ꓡꓰꓳ)

ꓕ-ꓔ-ꓡ ꓡꓳ ꓒꓱ ꓠꓬ ꓫꓸ ꓟ ꓗꓳ ꓟꓵꓽ ꓡꓳ ꓒꓱ ꓤ ꓕꓲ ꓟ ꓥ ꓢꓲ꓾ ꓦꓲ ꓕꓲ ꓦꓲ ꓫꓬꓹ ꓪ ꓠꓹ ꓟ ꓮ ꓘꓶꓸ ꓢꓯꓼ ꓕꓵꓼ ꓠ ꓔꓸ ꓟ꓾ ꓓꓰꓺ ꓟꓵꓽ ꓕꓯ ꓢꓲ ꓦꓲ ꓫꓬꓹ ꓶ ꓤ ꓶ ꓟꓲ ꓧꓪ ꓪ ꓫꓸ ꓟ ꓥ ꓡꓳ꓿

ꓕ-ꓔ-ꓡ ꓡꓳ ꓒꓱ ꓓꓵꓽ ꓒꓰꓼ ꓗꓰ “ꓟꓽ ꓐꓳˍ ꓥ ꓟꓲ ꓗꓹ ꓛꓲ ꓡꓳ” ꓐꓰ ꓛꓰꓸ ꓥꓳꓽ꓾ ꓟꓬ-ꓟ ꓥꓳꓽ ꓐꓰ꓾ ꓲ-ꓖ-ꓡꓲꓼ ꓥꓳꓽ ꓗꓪ ꓐꓰ ꓐꓲ ꓔꓸ ꓟ ꓡꓳ ꓒꓱ ꓥ ꓡꓳ꓿