ꓪꓯꓼ-ꓠ ꓟꓯꓼ ꓔꓯ ꓣ-ꓫꓸ ꓑ ꓫꓬ ꓐꓴ ꓔꓺ ꓔꓬ ꓟ ꓓꓳꓽ

ꓣ-ꓫꓸ ꓗꓴꓷꓼ ꓧꓳꓽ ꓢꓴ ꓑꓴ-ꓔꓲ ꓠꓰ ꓗꓴꓷꓼ ꓔꓯ ꓔꓳꓹ ꓢꓴ ꓥꓳ ꓐꓯ ꓔꓸ ꓟ ꓪꓯꓼ-ꓠ ꓟꓯꓼ ꓐꓴ ꓔꓯ ꓣ-ꓫꓸ ꓑ ꓫꓬ ꓐꓴ ꓗꓹ ꓛꓲ ꓛꓲ ꓔꓺ ꓙ ꓔꓬ ꓟ ꓐꓬꓱꓽ ꓓꓳ ꓡ ꓡꓳ꓿

ꓡꓳ ꓒꓱ (3) ꓟ ꓔꓯ ꓚꓳꓸ ꓓꓳ ꓡꓰ ꓗꓪ ꓛꓲ ꓢꓰꓼ ꓡꓽ ꓡ ꓢꓴ ꓟꓽ ꓙꓳ ꓟ ꓡꓰꓽ ꓟꓽ ꓞꓲ꓾ ꓣ-ꓫꓸ ꓟꓯꓼ (180) ꓣꓳ ꓠꓬ ꓪꓯꓼ-ꓠ ꓟꓯꓼ ꓔꓯ ꓟꓯꓼ ꓶ ꓤ ꓡꓯꓼ ꓙꓱ ꓢꓲꓸ ꓪꓽ ꓡ ꓡꓳ꓿ ꓕꓱ ꓟ ꓔꓯ ꓡꓳꓸ ꓠꓬꓲ ꓠꓬ꓾ ꓑꓴ-ꓔꓲ ꓕꓲꓽ ꓛꓱꓽ ꓕꓯꓽ ꓢꓲ ꓪꓯꓼ-ꓠ ꓟꓯꓼ ꓕꓲ ꓛꓱꓽ ꓗꓪ ꓑ ꓫꓬꓽ ꓔꓺ ꓔꓬ ꓡꓳ꓾ ꓐꓰ ꓢꓷꓸ ꓡꓰ ꓓ ꓡꓳ꓿

ꓟꓳ-ꓢꓲ-ꓗꓳ ꓗꓪ ꓠꓬ ꓑꓴ-ꓔꓲ ꓟꓯꓼ ꓓꓼ ꓜꓶꓸ ꓜꓶꓸ ꓡꓳꓸ ꓔꓬ ꓠꓬꓲ꓾ ꓮ ꓡꓲ ꓜꓰ ꓡꓯ ꓘꓳ ꓡ ꓥ ꓢꓶ ꓐꓰ ꓢꓰꓸ ꓮ ꓢꓸ ꓔꓬ ꓡꓳ꓿

ꓟꓳ-ꓢꓲ-ꓗꓳ ꓗꓪ ꓐꓰ ꓙꓱ ꓦꓲ ꓙꓱ ꓓꓳ ꓙꓰ ꓟ ꓑꓶꓸ ꓓꓴ ꓑꓴ-ꓔꓲ ꓔꓶꓹ ꓛꓰꓹ ꓙꓰꓳ꓾ ꓐꓯ ꓢꓴˍ ꓟꓲ ꓙꓳ ꓡꓳ꓿

ꓪꓯꓼ-ꓠ ꓟꓯꓼ ꓠꓬ ꓑꓴ-ꓔꓲ ꓐꓰ ꓟꓯꓼ ꓜꓲꓽ ꓐꓴ ꓔꓯ ꓣꓴ ꓞꓰ ꓠꓹ ꓟ ꓟꓳ-ꓢꓲ-ꓗꓳ ꓡꓳ ꓒꓱ ꓔꓯꓸ ꓢꓲꓺ ꓓꓯ ꓙꓰ ꓔꓬ ꓡꓳ꓿

ꓕꓱ ꓟ ꓠꓬ ꓑꓴ-ꓔꓲ ꓡꓰ ꓣ-ꓫꓸ ꓗꓴꓷꓼ ꓔꓯ ꓙꓵꓽˍ ꓟ 29 ꓩꓳꓼ ꓟ ꓘꓴꓽ ꓗꓪ ꓪꓽ ꓠꓬꓲ ꓡꓳꓹ ꓬꓰ ꓟ ꓒꓳꓹ ꓔꓳꓹ ꓓꓴ ꓕꓲꓽ ꓟ ꓙꓳ ꓡ ꓔꓬ ꓟ ꓥ ꓡꓲ꓿