ꓪꓬ-ꓢ ꓟꓬꓱꓽ ꓬꓰ ꓢꓴ ꓔꓯ ꓡꓽ ꓛꓴꓸ ꓐꓶ ꓡ ꓢꓲꓸ ꓠꓻ ꓓꓴ ꓡꓰꓳ

2026 ꓘꓳꓼ 6 ꓦ 22 ꓠꓬꓲ꓾ ꓠꓯꓼ 10:30 ꓙꓵꓹ ꓕꓯꓽ ꓟꓶ-ꓚꓲ-ꓠ꓾ ꓣ-ꓑꓴ ꓟꓵꓽ 21 ꓗꓪ ꓛ-ꓖꓳ-ꓞꓲ ꓟꓬꓱꓺ ꓔꓸ ꓢꓴ ꓕꓲ ꓣꓳ ꓡꓰ ꓘꓹ ꓗꓪ ꓪꓴ-ꓢ ꓟꓬꓱꓽ ꓬꓰ ꓢꓴ 2 ꓣꓳ ꓔꓯ ꓡꓽ ꓛꓴꓸ ꓐꓶ ꓡ ꓢꓲꓸ ꓠꓻ ꓓꓴ ꓡꓰꓳ꓾ ꓐꓰ ꓓꓳꓽ ꓜꓳˍ ꓡꓳ꓿

“ꓟꓬꓱꓽ ꓡꓳꓸ ꓒꓽ ꓒꓴ-ꓬꓯꓼ-ꓓꓳ ꓐꓰ ꓟꓸ ꓟ ꓓ-ꓡꓲ-ꓪꓰꓸ ꓐꓴ ꓡꓯ ꓒꓯꓹ ꓗꓪ ꓠꓻ ꓓꓴ ꓡꓰꓳ꓿ ꓡꓯꓼ ꓥꓰ ꓓꓶꓺ ꓠ ꓗꓷ ꓡꓰꓳ꓿ ꓡꓯ ꓒꓯꓹ ꓧꓪꓸ ꓡꓯ ꓘꓳ ꓔꓬꓹ ꓟꓶꓽ ꓕꓱꓼ ꓘꓱꓹ ꓑꓳ ꓟ ꓠꓰ ꓐꓶ ꓡ ꓟ ꓥꓳ꓿ ꓡꓽ ꓛꓴꓸ ꓐꓶ ꓢꓴ ꓔꓯ ꓥ ꓟꓲ ꓟꓯꓼ ꓠꓰ ꓣꓴ ꓟꓶ ꓔꓸꓳ” ꓐꓰ ꓓꓳꓽ ꓜꓳ ꓢꓴ ꓡꓰ ꓐꓯˍ ꓡꓳ꓿

ꓕꓱ ꓟ ꓠꓬ ꓟꓶ-ꓚꓲ-ꓠ ꓟꓵꓽ ꓗꓪ꓾ ꓘꓴ ꓜꓲꓼ ꓞꓳ ꓟꓬꓱꓽ ꓬꓰ ꓢꓴ ꓔꓯ ꓗꓸ ꓧꓪ ꓢꓲꓸ ꓡꓽ ꓛꓴꓸ ꓐꓶ ꓡ ꓟ ꓬꓲꓸ ꓪꓴꓸ ꓕꓲꓽ ꓧꓪꓹ ꓥ ꓡꓳ꓿