ꓩꓴꓸ ꓢꓲꓟ ꓕꓲꓽ ꓟ 20000 ꓒꓯꓼ ꓝꓲꓸ ꓖꓼ ꓠꓹ ꓟ 2022 ꓘꓳꓼ 1 ꓦ 6 ꓠꓬꓲ ꓕꓯꓽ ꓙꓵꓽ ꓪ ꓣꓴ ꓔꓸ ꓟ ꓟꓯꓼ ꓡꓰ ꓝꓲꓸ ꓖꓳꓻ ꓫꓺ ꓙꓵꓽ ꓗ ꓡꓶꓸ ꓗꓷꓳ꓿
“ꓶ ꓡꓯꓼ ꓚꓱꓹ ꓬꓰ ꓢꓴ ꓐꓴ ꓗꓪ ꓐꓰ ꓝꓲꓸ ꓖꓳꓻ ꓫꓺ ꓠꓹ ꓟ ꓙꓵꓽ ꓗ ꓗꓪ ꓮ ꓡꓲꓳ ꓫꓵꓽ ꓐꓯ ꓔꓸ ꓥ ꓟꓲ꓾ Phone Sim Card ꓕꓲ ꓟ ꓪꓴꓻ ꓣꓱꓽ ꓠꓬ ꓝꓲꓸ ꓒꓴ 20000 ꓒꓯꓼ ꓕꓲ ꓧꓪꓹ ꓖꓼ ꓠꓯˍ ꓡꓳ” ꓐꓰ ꓫꓬꓹ ꓡꓶꓸ ꓗꓷ ꓟ ꓝꓲꓸ ꓖꓳꓻ ꓙꓵꓽ ꓗ ꓗꓪ ꓐꓯ ꓔ ꓡꓳ꓿
ꓙꓵꓽ ꓗ ꓫꓵꓼ ꓕꓱ ꓟ ꓔꓯ 2022 ꓘꓳꓼ 1 ꓦ 8 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓣꓱꓽ ꓓꓴ ꓥꓳ ꓐꓯ ꓔ ꓡꓳ꓿
ꓮ ꓟꓶ ꓓꓰ-ꓟꓳ-ꓗꓯ-ꓢꓰ ꓗꓴꓷꓼ ꓠꓳ-ꓪꓯꓹ ꓗꓪ ꓐꓰ ꓓꓳ ꓡˍ Telenor ꓩꓴꓸ ꓐꓰ ꓙ ꓡꓯ ꓘꓳ ꓚꓱꓹ ꓙꓼ ꓢꓷ ꓠꓲꓹ ꓶ ꓡꓯꓼ ꓜꓴ ꓥ ꓟꓲ ꓟꓯꓼ ꓡꓰ ꓟꓽ ꓓ ꓟꓽ ꓢ ꓬꓰ ꓙꓲꓽ ꓟꓽ ꓙꓳˍ ꓟ꓾ ꓞꓳ ꓤ ꓐꓴ ꓟꓶ ꓙꓲꓽ ꓙꓳˍ ꓟ ꓶꓽ ꓔꓯ ꓗꓽ ꓔꓸ ꓟ꓾ ꓩꓴꓸ ꓣꓱꓽ ꓢꓴ ꓔꓯ ꓛꓽ ꓟꓬꓱꓽ ꓬꓰ ꓝꓲ ꓡ ꓟ ꓔꓯ ꓬꓰ ꓠꓲꓹ ꓟꓽ ꓫꓵ ꓠꓬꓲ ꓟꓬ-ꓟ ꓗꓴꓷꓼ ꓗꓪ ꓐꓰ ꓓꓳ ꓙꓰ ꓓꓴ ꓢꓯꓼ ꓕꓵꓼ ꓔꓬ ꓟ ꓥ ꓡꓳ꓿
ꓧꓶꓸ ꓕꓯꓽ ꓟꓯꓼ ꓙꓵꓽˍ ꓟ ꓦꓬꓼ ꓠꓬꓲ ꓗꓪ ꓩꓴꓸ ꓠꓬ ꓟꓬ-ꓟ ꓑ ꓫꓬ ꓐꓴ ꓜꓱꓽ ꓟꓽ ꓐ ꓡ ꓗꓪ ꓛꓲ ꓬꓲꓸ ꓚꓱꓹ ꓮ ꓙꓵꓽ ꓑꓲꓸ ꓞꓲꓽ꓾ ꓑ ꓫꓬ ꓔꓯ ꓠꓸ ꓑꓳ ꓐꓰ ꓟꓬ ꓢꓶꓽ ꓮ ꓙꓵꓽ ꓑꓲꓸ ꓞꓲꓽ ꓔꓸ ꓡꓳ꓿ ꓑꓧꓳꓠꓰ ꓢꓲꓟ ꓚꓮꓣꓓ ꓕꓲꓽ ꓟ ꓠꓬ 45 ꓢꓯꓹ ꓗꓪ ꓛꓲ ꓬꓲꓸ ꓒꓵꓽ ꓙꓳˍ ꓟ ꓥ ꓡꓳ꓿ ꓖꓳ ꓦꓬꓼ ꓠꓬꓲ ꓗꓪ ꓟꓯꓼ ꓜꓲꓽ ꓐꓴ ꓐꓰ꓾ ꓟꓯꓼ ꓔꓯ ꓛꓳ ꓢꓴ ꓡꓳ ꓑꓺ ꓓꓽ ꓟ ꓐꓴˍ ꓡꓰꓽ ꓩꓴꓸ ꓜꓱꓽ ꓐ ꓡ ꓟ ꓦꓬꓼ ꓠꓬꓲ ꓥ ꓢꓲ꓾ 2013 ꓕꓻ ꓑꓳꓸ ꓗꓪ ꓐꓰ ꓑ ꓫꓬ ꓐꓴ ꓩꓴꓸ ꓔꓯ ꓢ ꓢꓹ ꓤꓼ ꓜꓱꓽ ꓪ ꓡ ꓟ ꓥ ꓡꓳ꓿