ꓩꓱ-ꓡꓲ-ꓫꓵ ꓗꓴꓷꓼ ꓔꓶ ꓠꓹ ꓟ ꓗꓴꓷꓼ ꓜꓴ ꓗꓪ ꓐꓯ ꓞꓷꓹ ꓩꓴꓳ

ꓬꓲ-ꓢꓷ-ꓡꓰ ꓗꓴꓷꓼ ꓒ ꓕꓲ ꓗꓪ ꓩꓱ-ꓡꓲ-ꓫꓵ ꓗꓴꓷꓼ ꓕꓲꓽ ꓟ ꓔꓶ ꓠꓹ ꓟ ꓙ ꓖꓴ ꓔꓯ ꓟꓲ ꓠꓯ ꓗꓴꓷꓼ ꓜꓴ ꓴꓠ ꓗꓪ 2025 ꓘꓳꓼ 9 ꓦ 12 ꓠꓬꓲ ꓕꓯꓽ ꓟꓯꓹ ꓗꓶ ꓡꓯ ꓘꓳ ꓢꓲꓸ ꓐꓯ ꓞꓷꓹ ꓩꓴꓳ꓿

ꓟꓯꓹ ꓗꓶ ꓡꓯ ꓘꓳ ꓟ ꓗꓪ ꓩꓱ-ꓡꓲ-ꓫꓵ ꓗꓴꓷꓼ ꓙꓳ ꓠ ꓡꓳꓼ ꓥ ꓐꓰ ꓐꓯ ꓢꓲꓸ ꓔꓳꓹ ꓙ ꓢꓴ 142 ꓗꓴꓷꓼ꓾ ꓟꓽ ꓔꓳꓹ ꓙ ꓢꓴ 10 ꓗꓴꓷꓼ꓾ ꓟꓯꓹ ꓟꓽ ꓗꓶ ꓢꓴ 12 ꓗꓴꓷꓼ ꓙꓳˍ ꓥ꓿ ꓟꓽ ꓔꓳꓹ ꓙ ꓢꓴ 10 ꓗꓴꓷꓼ ꓗꓪ ꓠꓬ ꓴꓢꓮ ꓗꓴꓷꓼ ꓖꓶ ꓐ ꓞˍ ꓥ꓿

ꓜꓲꓽ ꓜꓲ ꓑꓰꓹ ꓑꓰꓹ ꓬꓰ ꓢꓴ ꓧꓮꓟꓮꓢ ꓜꓴ ꓠꓬ ꓩꓱ-ꓡꓲ-ꓫꓵ ꓗꓴꓷꓼ ꓔꓶ ꓟ ꓗꓪ ꓔꓺ ꓟꓽ ꓓ꓾ ꓝꓮꓲ 2023 ꓘꓳꓼ 10 ꓦ ꓕꓯꓽ ꓬꓲ-ꓢꓷ-ꓡꓰ ꓞꓳ ꓤ ꓡꓳꓽ ꓔꓯꓹ ꓙꓰ ꓢꓴ ꓐꓴ ꓔꓯ ꓥ ꓟꓲ ꓡꓲꓹ ꓖꓶ ꓠ ꓔꓸ ꓥ ꓐꓰ ꓴꓠ ꓡꓰ  ꓐꓯ ꓔ ꓥ꓿

ꓬꓲ-ꓢꓷ-ꓡꓰ ꓠꓬ ꓬꓲꓸ ꓔꓯ ꓔꓳꓹ ꓢꓴ ꓗꓴꓷꓼ ꓐꓴ ꓔꓯ ꓐ ꓡ ꓟ ꓕꓲ ꓚꓱꓹ ꓗꓪ ꓐꓰ ꓔꓳꓼ ꓡꓯ ꓘꓳ ꓓꓴ ꓥꓳ꓾ ꓐꓰ ꓐꓯ ꓔꓸ ꓟ ꓙꓳˍ ꓥ꓿ ꓟꓲ ꓠꓯ ꓗꓴꓷꓼ ꓜꓴ ꓠꓬ ꓢꓲ ꓡꓲꓹ ꓟ ꓙꓳ ꓡ ꓠꓹ ꓟ ꓐꓱ ꓶ ꓕꓱ ꓡꓱ ꓬꓰꓳ ꓫꓵꓽ ꓥꓳ꓾ ꓐꓯ ꓔꓬ ꓥ꓿