ꓧꓶ ꓗꓴꓷꓼ ꓗꓪ ꓐꓰ ꓣ‐ꓫ ꓗꓴꓷꓼ ꓔꓯ ꓟꓯꓼ ꓶ ꓤ ꓬꓰ ꓙ ꓔꓬ ꓐꓯ ꓟ ꓐꓯ ꓘꓶ ꓔꓯ ꓟꓽ ꓘꓳ ꓣꓴ

Ukraine Kꓴꓷꓼ ꓙꓵꓽ ꓢꓴ ꓜ‐ꓡꓼ‐ꓢ‐ꓗꓰꓼ ꓗꓪ ꓐꓰ 4 ꓦ 17 ꓠꓬꓲ ꓕꓯ ꓐꓯ ꓔ ꓟ ꓐꓯ ꓘꓶ ꓾ ꓧꓶ ꓗꓴꓷꓼ ꓗꓪ ꓐꓰ ꓣ‐ꓫ ꓗꓴꓷꓼ ꓔꓯ ꓟꓯꓼ ꓶ ꓤ ꓬꓰ ꓙ ꓔꓬ ꓐꓯ ꓟ ꓐꓯ ꓘꓶ ꓔꓯ ꓟꓽ ꓘꓳ ꓣꓴ ꓐꓰ ꓧꓶ ꓗꓴꓷꓼ ꓐꓶ ꓗꓴꓷꓼ ꓔꓯ ꓟꓳ. ꓢꓲꓽ ꓒ ꓓ ꓟ ꓗꓪ ꓐꓰ 4 ꓦ 18 ꓠꓬꓲ ꓕꓯ ꓓ ꓔꓳ, ꓩꓴ ꓡ ꓡꓳ꓿

ꓣ‐ꓫ ꓐꓰ ꓴꓗꓣꓮꓲꓠꓰ ꓐꓴ ꓟꓯꓼ ꓓꓶ ꓡꓯ ꓘꓳ_ ꓟ 3 ꓘꓳꓼ ꓙꓳ ꓡ ꓔꓬ ꓟ ꓥꓳ꓿3 ꓘꓳꓼ ꓘꓴ ꓗꓪ ꓠꓬ ꓧꓶ ꓗꓴꓷꓼ ꓐꓰ ꓣ‐ꓫ ꓠꓬ ꓶ ꓡꓯ ꓚꓱ, ꓔꓯ.ꓟꓳ. ꓢꓲ. ꓮ ꓘꓶ, ꓢꓯꓼ ꓕꓵ, ꓔꓬ ꓟ ꓥꓳ ꓐꓰ ꓐꓯ ꓔ ꓡꓳ꓿ ꓖꓳ ꓡꓱ ꓥ_ ꓟꓲ ꓴꓗꓣꓮꓲꓠꓰ ꓐꓴ ꓠꓬ ꓣ‐ꓫ ꓗꓴꓷꓼ ꓟꓯꓼ ꓔꓯ ꓔ ꓙ ꓔꓬ ꓟ ꓧꓶ ꓒ ꓟꓯꓼ 2 ꓣꓳ ꓴꓗꓣꓮꓲꓠꓰ ꓟꓯꓼ ꓐꓴ ꓡꓰ ꓣꓴ ꓟꓶ ꓔ ꓟ ꓥ ꓡꓳ꓿

ꓝ ꓵ ꓠꓬꓲ ꓓꓴ꓾