ꓧꓶ ꓗꓴꓷꓽ ꓗꓪ 18 ꓘꓳꓼ ꓙꓱ ꓘꓪ ꓗꓪ ꓟ ꓤ ꓠꓱ ꓐꓴ ꓮ ꓙꓵꓽ ꓠꓬ ꓕꓲ ꓫꓵꓽ ꓠꓽ ꓗꓪ 3 ꓠꓬꓲ꓾ ꓕꓲ ꓠꓬꓲ ꓗꓪ ꓠ ꓡꓲ 1 ꓙꓵꓹ ꓡꓰꓽ Online Game ꓡꓳ ꓖꓪ ꓠꓹ ꓟ ꓕꓵꓼ ꓪ ꓔꓯ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓧꓶ ꓗꓴꓷꓼ ꓗꓪ Game ꓡꓳ ꓖꓪ ꓟ ꓑꓶꓸ ꓓꓴ ꓤ ꓠꓱ ꓐꓴ ꓞꓳ ꓚꓱꓹ ꓪ ꓚꓱꓹ ꓙ ꓡꓯ ꓘꓳ ꓟ ꓗꓪ ꓢꓯꓼ ꓐꓽ ꓡ ꓟ꓾ ꓢꓷ ꓠꓲꓹ ꓢꓳ ꓚꓱꓹ ꓗꓪ ꓢꓰꓸ ꓮ ꓢꓸ ꓟ ꓠꓲꓹ ꓟ ꓟꓶꓽ ꓡꓰ ꓔꓬ ꓟ ꓑꓶꓸ ꓓꓴ ꓕꓱ ꓡꓱ ꓙꓵꓽ ꓗ ꓬꓰ ꓩꓴ ꓡ ꓟ ꓥ ꓡꓳ ꓐꓰ ꓧꓶꓽ ꓗꓴꓷꓼ ꓓꓳꓽ ꓬꓲ ꓫꓵ ꓬꓲ ꓙꓰꓽ ꓫꓬꓹ ꓑꓶ ꓚꓱꓹ ꓗꓪꓽ ꓫꓵꓽ ꓜꓴ ꓡꓰ ꓫꓲ-ꓪ (Xinwha) ꓓꓳꓽ ꓗꓪ ꓕꓱ ꓩꓴ ꓡ ꓡꓳ꓿
Online Game ꓡꓳ ꓖꓪ ꓢꓴ ꓤ ꓠꓱ ꓕꓲ ꓣꓳ ꓡꓲ ꓕꓲ ꓣꓳ ꓒꓬꓱꓽ ꓟꓬ ꓔꓯ ꓢꓷꓸ ꓢꓲ꓾ ꓬꓲꓸ ꓡꓳ ꓖꓪ ꓙꓵꓹ ꓐꓲ ꓡꓰ ꓠꓬ꓾ ꓡꓳ ꓖꓪ ꓝꓸ ꓟꓽ ꓙꓲ ꓡꓰ ꓠ ꓬꓰ ꓩꓴ ꓠꓹ ꓟ Game Application ꓗꓺ ꓘꓶꓽ ꓙꓵꓽ ꓓꓴ ꓗꓶ ꓝꓲ ꓔꓬ ꓡꓳ꓿ ꓡꓳ ꓖꓪ ꓙꓵꓹ ꓔꓯ ꓥ ꓟꓲ ꓟꓶ ꓘꓶꓼ 8-9 ꓙꓵꓹ ꓗꓪ ꓡꓰ ꓡꓳ ꓖꓪ ꓠꓹ ꓟ ꓐꓯ ꓔꓸ ꓡꓳ꓿ ꓖꓳ ꓟ ꓑꓶꓸ ꓓꓴ ꓧꓶꓽ ꓗꓴꓷꓼ Online Game ꓫꓬꓹ ꓪꓴꓽ ꓢꓴ ꓶ ꓡꓯꓼ ꓜꓴ ꓐꓴ ꓥ ꓟꓲ ꓶ ꓡꓯꓼ ꓚꓱꓹ ꓐꓬ ꓡꓰ ꓡ ꓔꓬꓳ ꓐꓯ ꓢꓲꓸ ꓠꓲꓹ ꓟ ꓫꓸ ꓔꓬ ꓡꓳ꓿
ꓧꓶ ꓗꓴꓷꓼ ꓗꓪ ꓧꓶꓸ ꓕꓯˍ ꓡꓰ ꓴꓢꓮ ꓐꓰ ꓶ ꓡꓯꓼ ꓚꓱꓹ ꓔꓯꓺ ꓡꓯ ꓘꓳ ꓔꓬ ꓟ ꓑꓶꓸ ꓓꓴ꓾ ꓝꓮꓲ ꓓꓳꓽ ꓬꓲ ꓫꓵ ꓬꓲ ꓙꓰ ꓑꓲꓸ ꓠꓲꓹ ꓫꓵ ꓟ ꓑꓶꓸ ꓓꓴ꓾ Google, YouTube, Facebook ꓐꓴ ꓣꓱꓽ ꓟꓽ ꓙꓲ ꓟ ꓥ ꓡꓳ꓿