ꓧꓶꓽ ꓗꓴꓷꓼ ꓬꓲ ꓙꓬ ꓟꓯꓼ ꓐꓰ꓾ ꓳ-ꓢꓲ-ꓔꓯ-ꓡꓲ-ꓬ ꓟꓵ ꓪꓴꓽ ꓟꓯꓼ ꓛꓲꓸ ꓡꓯ ꓘꓳ ꓔꓬ

ꓮ ꓟꓲ ꓕꓲ ꓠꓬꓲ ꓗꓪ꓾ ꓳ-ꓢꓲ-ꓔꓯ-ꓡꓲ-ꓬ ꓟꓵ ꓪꓴꓽ ꓟꓯꓼ ꓐꓴ ꓠꓬ ꓙꓱ ꓦꓲ ꓗꓪ ꓐꓰ ꓬꓲꓸ ꓪ ꓬꓲ ꓡꓴꓽ ꓐꓱ ꓚꓱꓹ ꓗꓪ ꓟꓯꓼ ꓡꓳꓸ ꓗꓽ ꓔꓬ ꓕꓯꓽ ꓬꓲ ꓡꓴꓽ ꓐꓱ ꓗꓪ ꓚꓳꓻꓐꓔꓬ ꓟ ꓧꓶꓽ ꓒꓽ ꓬꓴ ꓙꓬ ꓟꓯꓼ ꓞꓽ ꓒꓳꓽ ꓕꓲ ꓦꓲ ꓡꓰ ꓮ ꓔꓳꓸ ꓛꓲ ꓡꓯꓼ ꓗꓸ ꓕꓲꓽ ꓩꓴ ꓡ ꓟ ꓠꓬ ꓟꓯꓼ ꓡꓲꓽ ꓟꓽ ꓛꓳ ꓛꓲꓸ ꓡ ꓔꓬ ꓟ ꓥ ꓡꓳ ꓐꓰ ꓳ-ꓢꓲ-ꓔꓯ-ꓡꓲ-ꓬ ꓡꓳꓸ ꓗꓽ ꓟꓯꓼ ꓙꓵꓽ ꓢꓴ Peter Dutton ꓡꓰ 2022 ꓘꓳꓼ 2 ꓦ 21 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿

ꓖꓳ ꓟ ꓑꓶꓸ ꓓꓴ ꓕꓱ ꓡꓱ ꓧꓪꓸ ꓛꓵ ꓧꓪ ꓠꓬꓲ ꓬꓰˍ ꓟ ꓔꓯ ꓘꓳ ꓣꓴ ꓟꓽ ꓐ ꓡ꓾ ꓮ ꓫꓵꓽ ꓑꓶꓸ ꓓꓴ ꓬꓰ ꓟ ꓚꓲꓸ ꓚ ꓢꓲꓸ ꓟꓳꓸ ꓖꓶ ꓡꓯ ꓐꓰ ꓠꓺ ꓠꓬꓲ ꓔ ꓡꓳ꓿

ꓧꓶꓽ ꓒ ꓡꓰ ꓐꓯ ꓠꓬ꓾ ꓕꓱ ꓟ ꓠꓬ ꓬꓰ ꓚꓰꓼ ꓟ ꓡꓲꓽ ꓒꓰꓼ ꓥꓳ꓿ ꓙꓱ ꓦꓲ ꓐꓰ ꓞꓽ ꓒꓳ ꓮ ꓟꓬ ꓛꓲ ꓶꓽ ꓤ ꓙꓳ ꓔꓬ ꓟ ꓚꓹ ꓠꓬꓲˍ ꓟ ꓥꓳ ꓐꓰ ꓐꓯ ꓡꓽ ꓔꓸ ꓡꓳ꓿

ꓣ-ꓫꓸ ꓐꓰ ꓮ-ꓟꓯ-ꓣꓲ-ꓗ ꓜꓲꓽ ꓡꓯ ꓘꓳ ꓔꓬ ꓟ ꓕꓲ ꓝꓲꓸ ꓗꓪ ꓧꓶꓽ ꓒ ꓐꓰ ꓳ-ꓢꓲ-ꓔꓯ-ꓡꓲ-ꓬ ꓥ ꓟꓲ ꓛꓲꓸ ꓡꓯ ꓘꓳ ꓡ ꓟ ꓥ ꓡꓳ꓿

ꓬꓲ ꓚꓰ꓾ ꓐꓠꓠ