ꓧꓶꓽ ꓗꓴꓷꓼ ꓪꓴꓸ ꓓꓵ ꓡꓵꓺ ꓚ-ꓝꓲ-ꓟꓲꓽ (Jiang Zemin) ꓠꓬ ꓟꓲꓸ ꓟꓲ 2022 ꓘꓳꓼ 11 ꓦ 30 ꓠꓬꓲ꓾ ꓬꓲꓸ ꓞꓲꓼ 96 ꓘꓳꓼ ꓕꓯꓽ ꓫꓵꓻꓳ꓿
ꓬꓲꓸ ꓔꓯ 1926 ꓘꓳꓼ ꓕꓯꓽ ꓦꓵ ꓗꓷ ꓢꓲ꓾ 1989 ꓘꓳꓼ ꓔꓲ-ꓮ-ꓟꓲ ꓜꓲꓼ ꓖꓴ ꓡꓽ ꓙꓳ ꓓꓰ ꓗꓪ ꓞꓳ ꓤ ꓮ ꓟꓬꓹ ꓢꓰꓼ ꓗꓷ ꓗꓸ ꓠꓯꓸ ꓙꓵꓽ ꓪ ꓓꓯꓻ ꓡ ꓢꓴ ꓕꓲꓽ ꓣꓳ ꓥ ꓡꓳ꓿ ꓬꓲꓸ ꓠꓬ ꓧꓶꓽ ꓒ ꓗꓴꓷꓼ ꓗꓴ-ꓟꓴ-ꓠꓰꓼ ꓑ-ꓔꓲ ꓪꓴꓸ ꓓꓵ ꓐꓰ ꓗꓴꓷꓼ ꓪꓴꓸ ꓓꓵ ꓙꓵꓽ ꓪ ꓠꓬꓲ ꓖꓴ ꓗꓪ 1993-2003 ꓗꓪ ꓛꓲ ꓔꓬ ꓗꓷ ꓢꓴ ꓥ ꓡꓳ꓿
ꓬꓲꓸ ꓗꓸ ꓠꓯꓸ ꓢꓲꓺ ꓗꓪ ꓗꓴꓷꓼ ꓪꓴꓸ ꓓꓵ ꓒꓬꓱꓼ ꓡ ꓢꓴ ꓠꓬ ꓩꓴ-ꓚꓲ-ꓔꓮꓳ ꓐꓰ ꓮ ꓟꓶ ꓫꓵ-ꓚꓲ-ꓒꓲꓽ ꓐꓴ ꓥ ꓡꓳ꓿
2019 ꓘꓳꓼ ꓕ ꓑꓳꓸ ꓞꓳ ꓜꓲꓼ ꓪ ꓜꓲꓼ ꓖꓴ ꓗꓪ ꓬꓲꓸ ꓒꓬꓱꓽ ꓟꓽ ꓟꓳ ꓪ ꓟ ꓠꓬꓲꓸ ꓠꓬꓲ ꓬꓲꓸ ꓫꓵꓻ ꓕꓲꓽ ꓠꓬꓲ ꓗꓪ ꓛꓲ ꓥ ꓡꓳ꓿