ꓗꓳ-ꓪꓰꓼ ꓐꓶꓹ ꓔꓶꓼ (zero covid) ꓙꓵꓽ ꓚꓱꓹ ꓑꓶꓸ ꓓꓴ ꓑ ꓫꓬ ꓐꓴ ꓡꓰꓽ ꓧꓶꓽ ꓗꓴꓷꓼ ꓙꓵꓽ ꓢꓴ ꓔꓯ ꓒꓴ ꓒꓴ ꓡꓯꓽ ꓡꓯꓽ ꓒꓳꓹ ꓔꓳꓹ ꓟ ꓗꓴꓷꓼ ꓬꓲꓸ ꓘꓴꓽ ꓐꓰ ꓬꓲꓸ ꓐꓽ ꓢꓲ ꓗꓪ ꓙꓳ ꓡ ꓔꓬ ꓡꓳ꓿
ꓡ-ꓓ꓾ ꓑꓯꓸ-ꓬꓲꓼ꓾ ꓔꓳ-ꓚꓳ꓾ ꓢꓰꓼ-ꓠꓰ (London, Paris, Tokyo, Sidney) ꓡꓰ ꓐꓰ ꓗꓴꓷꓼ ꓓꓽ ꓟ ꓗꓪ ꓙꓳˍ ꓟ ꓡꓳ ꓒꓱ ꓓꓽ ꓟ 10 ꓟ ꓕꓯꓽ ꓢꓲ ꓗꓪ ꓧꓶꓽ ꓗꓴꓷꓼ ꓙꓵꓽ ꓢꓴ ꓐꓴ ꓔꓯ ꓒꓳꓹ ꓔꓳꓹ ꓟ ꓬꓰ ꓔꓬ ꓡꓳ꓾ ꓐꓰ Reuters ꓡꓰ ꓐꓳˍ ꓡꓳ꓿
ꓕꓱ ꓡꓱ ꓗꓴꓷꓼ ꓘꓴꓽ ꓐꓰ꓾ ꓬꓲꓸ ꓐꓽ ꓢꓲ ꓗꓪ ꓧꓶꓽ ꓗꓴꓷꓼ ꓙꓵꓽ ꓓꓴ ꓐꓴ ꓔꓯ ꓠꓲꓹ ꓢꓲꓼ ꓘꓴ ꓔꓴˍ ꓟ ꓠꓬ ꓬꓲꓸ ꓪꓴꓸ ꓕꓲꓽ ꓧꓪꓹ ꓥ ꓡꓳ꓿
ꓗꓳꓸ ꓗꓷ ꓟ ꓕꓲꓽ ꓫꓵꓽ ꓠꓽ ꓗꓪ ꓫꓲ-ꓚꓸ ꓡꓳ ꓒꓱ ꓦꓲ ꓕꓲ ꓦꓲ ꓗꓪ ꓡ ꓞꓳ (10) ꓣꓳ ꓮ ꓔꓳꓸ ꓙꓬ ꓢꓰꓼ ꓟ ꓠꓬ ꓗꓳ-ꓪꓰꓼ-19 ꓔꓯ ꓟꓳꓸ ꓬꓲꓸ ꓥꓳꓽ ꓟꓽ ꓜꓯꓼ ꓠꓯꓸ ꓟ ꓙꓵꓽ ꓚꓱꓹ ꓑꓶꓸ ꓓꓴ ꓥ ꓡꓳ ꓐꓯ ꓢꓲ꓾ ꓧꓶꓽ ꓒꓽ ꓑ ꓫꓬ ꓐꓴ ꓠꓲꓹ ꓢꓲꓼ ꓢꓴꓺ ꓔꓴ ꓡ ꓔꓬ ꓟ ꓥ ꓡꓳ꓿
ꓧꓶꓽ ꓗꓴꓷꓼ ꓘꓴꓽ ꓗꓪ ꓟ ꓫ-ꓧꓼ ꓡꓳ ꓒꓱ ꓐꓰ ꓠꓱꓸ ꓐꓯꓼ ꓡꓳ ꓒꓱ ꓗꓪ ꓘꓴ ꓔꓴˍ ꓕꓯꓽ꓾ ꓧꓶꓽ ꓗꓴꓷꓼ ꓪꓴꓸ ꓓꓵ ꓫꓲ-ꓚꓲꓸ-ꓒꓲꓽ ꓙꓵꓽ ꓪ ꓗꓪ ꓐꓰ ꓓꓳ ꓙꓰ꓾ ꓐꓯ ꓗꓪ ꓛꓲ ꓘꓴ ꓔꓴˍ ꓟ ꓙꓳ ꓡꓳ꓾ ꓐꓰ ꓓꓳꓽ ꓐꓳ ꓔꓬ ꓡꓳ꓿
ꓧꓶꓽ ꓗꓴꓷꓼ ꓗꓪ ꓔꓬ ꓢꓴ ꓴꓢꓮ ꓡ ꓞꓳ ꓐꓴ 14 ꓦꓬꓼ ꓐꓱ ꓶ ꓜꓽ ꓓꓴ꓾ ꓬꓲ ꓙꓬ꓾ꓠꓯꓺ ꓞꓲꓼ ꓙꓽ ꓖꓶ ꓠꓹ ꓟ US Embassy in China ꓡꓰ ꓢꓷꓸ ꓙ ꓟꓴ ꓙ ꓔꓸ ꓡꓳ꓿ ꓐꓬꓱꓽ – EPA/ EFE