ꓧꓶꓽ ꓗꓴꓷꓼ ꓗꓪ ꓐꓰ ꓟꓴꓽ ꓪꓴꓽ ꓗꓪ ꓙꓰ ꓢꓴ 3 ꓣꓳ ꓠꓬ ꓟꓴꓽ ꓪꓴꓽ ꓗꓪ 183 ꓠꓬꓲ ꓔꓬ ꓗꓷ ꓗꓸ ꓠꓯꓸ 2022 ꓘꓳꓼ 4 ꓦ 16 ꓠꓬꓲ ꓕꓯꓽ ꓟꓲ ꓠꓯ ꓗꓪ ꓫꓶꓸ ꓡꓽ ꓛꓲ ꓡꓻꓳ꓿
ꓟꓴꓽ ꓪꓴꓽ ꓐꓬꓱ ꓦꓲ ꓬꓲꓸ ꓟꓬꓱꓺ Shenzhou 13 ꓥ ꓢꓲꓸ ꓟꓳ-ꓖꓳ-ꓡꓲ-ꓬ ꓧꓶꓽ ꓛꓲ ꓐꓬꓼ ꓟꓵꓽ ꓖꓳ-ꓓꓲ ꓪ ꓫꓶꓸ ꓞꓰ ꓡ ꓟ ꓥ ꓡꓳ꓿
ꓖꓳ ꓗꓪ ꓙꓰ ꓗꓷ ꓢꓴ ꓠꓬ ꓟꓴꓽ ꓪꓴꓽ ꓙꓰ ꓢꓴ ꓢꓷꓸ ꓠꓲꓹ ꓙꓳ ꓟ ꓪ-ꓬ-ꓑꓲ (Wang Yaping)꓾ ꓜ-ꓜꓲ-ꓖ (Zhai Zhigang) ꓐꓰ꓾ ꓬꓯ-ꓖꓪ-ꓩꓴ (Ye Guangfu) ꓕꓱ 3 ꓣꓳ ꓥ ꓡꓳ꓿
2003 ꓘꓳꓼ ꓗꓪ ꓐꓰ ꓟꓴꓽ ꓪꓴꓽ ꓗꓪ ꓙꓰ ꓪꓴꓸ ꓔꓴ ꓡ ꓟ ꓧꓶꓽ ꓗꓴꓷꓼ ꓠꓬ꓾꓾ 2013 ꓘꓳꓼ ꓕꓯꓽ ꓦ ꓐ ꓗꓪˍ ꓟꓲ ꓛꓲ ꓬꓰꓳ꓿ ꓮ ꓟꓶ ꓥ ꓟꓲ ꓟꓴꓽ ꓪꓴꓽ ꓗꓪ 183 ꓠꓬꓲ ꓔꓬ ꓙꓷ ꓢꓲꓸ ꓫꓶꓸ ꓬꓯꓼ ꓡ ꓟ ꓥ ꓡꓳ꓿