ꓧꓶꓽ ꓗꓴꓷꓼ ꓐꓶ ꓗꓴꓷꓼ ꓔꓯ ꓟꓳꓸ ꓢꓲꓽ ꓒꓽ ꓪ-ꓬꓲꓼ ꓟꓬ-ꓟ ꓗꓪ ꓡ ꓓꓴ ꓥꓳ꓾ ꓐꓰ ꓟꓯꓼ ꓜꓲꓽ ꓜꓳ-ꓟꓰꓹ-ꓕꓴꓸ ꓡꓰ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
ꓗꓴꓸ ꓓꓴꓽ ꓠꓯ ꓬꓲꓻ (ꓡꓲ-ꓛꓸ ~ꓟꓯꓹꓘꓳꓽ) ꓑꓯꓹ ꓔꓺ ꓡꓯ ꓘꓳˍ ꓟ ꓗ-ꓐꓳ-ꓓꓲ-ꓬ꓾ꓡ-ꓳ꓾ ꓟꓬ-ꓟ꓾ ꓐꓲ-ꓬꓯꓼ-ꓠ꓾ ꓕꓮꓲꓹ ꓐꓰ ꓧꓶꓽ ꓗꓴꓷꓼ ꓐꓴ ꓝꓸ ꓡꓯ ꓘꓳ ꓚꓱꓹ ꓖꓪ ꓙꓱ ꓜꓲꓼ ꓓꓴ ꓔꓯ 2022 ꓘꓳꓼ 7 ꓦ 2-5 ꓠꓬꓲ ꓗꓪ ꓬꓰ ꓠꓹ ꓟ ꓙ ꓖꓶ ꓔꓬ ꓟ ꓥ ꓡꓳ꓿
ꓢꓲꓽ ꓒ ꓪ-ꓬꓲꓼ ꓠꓬ 2021 ꓘꓳꓼ 1 ꓦ 11 ꓠꓬꓲ ꓕꓯꓽ ꓟꓬ-ꓟ ꓗꓴꓷꓼ ꓗꓪ ꓕꓲꓽ ꓧꓪꓹ ꓡ ꓛꓲ ꓡ ꓠꓬꓲ ꓢꓲ꓾ ꓬꓲꓸ ꓡꓽ ꓬꓰ ꓗꓪ ꓐꓰ ꓦ ꓐ 1 ꓟ ꓘꓴꓽ ꓗꓪ ꓟꓬ-ꓟ ꓟꓯꓼ ꓠꓰ ꓗꓴꓷꓼ ꓙꓵꓽ ꓪ ꓣꓴ ꓔꓯꓹ ꓙꓰ ꓟ ꓥ ꓡꓲ꓿
ꓧꓶꓽ ꓗꓴꓷꓼ ꓙꓵꓽ ꓜꓴ ꓠꓬ ꓟꓬ-ꓟ ꓑ ꓫꓬ ꓠꓲꓹ ꓡꓶꓽ ꓕꓯꓽ ꓢꓲ ꓟꓬ-ꓟ ꓟꓯꓼ ꓐꓴ ꓔꓯ ꓒꓴ ꓒꓴ ꓡꓯꓽ ꓡꓯꓽ ꓥ ꓟꓲ꓾ ꓗꓴ ꓗꓴ ꓢꓲ ꓥ ꓟꓲ ꓖꓪ ꓙꓱ ꓜꓲꓽ ꓓꓴ ꓗꓪ꓾ ꓟꓯꓼ ꓶ ꓤ ꓚꓱꓹ ꓗꓪ꓾ ꓶ ꓡꓯꓼ ꓚꓱꓹ ꓗꓪ ꓔꓳꓹ ꓙ ꓔꓬ ꓡꓳ꓾ ꓐꓰ ꓕꓲ ꓟꓲ ꓠꓯ ꓮ ꓙꓵꓽ ꓢꓴ ꓢꓷꓸˍ ꓡꓳ꓿