ꓧꓶꓽ ꓗꓴꓷꓼ ꓐꓰ ꓲ-ꓓꓲ-ꓬ ꓗꓴꓷꓼ ꓡ ꓞꓳ ꓐꓴ ꓟꓬ-ꓟ ꓗꓪ ꓗꓹ ꓚꓳ ꓡ ꓠꓬ Visa On Arrival ꓖꓶ ꓓꓴ ꓥꓳ꓾ ꓐꓰ MoHT ꓡꓰ 2023 ꓘꓳꓼ 9 ꓦ 12 ꓠꓬꓲ ꓕꓯꓽ ꓐꓯ ꓩꓴ ꓡ ꓡꓳ꓿
ꓟꓽ ꓡ ꓢꓰꓽ ꓕꓯꓽ ꓗꓴꓷꓼ ꓓꓵꓽ ꓙꓵꓽ ꓪ (ꓦꓲꓢꓮ) ꓓꓰꓽ ꓟꓽ ꓛꓲ ꓛꓲ꓾ ꓟꓬ-ꓟ ꓗꓴꓷꓼ ꓙꓱ ꓦꓲ ꓠꓽ ꓔꓶꓸ ꓗꓪ ꓛꓲ ꓡ ꓕꓯꓽ Tourist Visa ꓖꓶ ꓓꓴ ꓥꓳ꓿ ꓕꓱ ꓕꓲ ꓚꓱꓹ ꓟ (1) ꓘꓳꓼ ꓤꓹ ꓠꓬꓲ ꓓꓴ ꓐꓯ ꓔꓸ ꓡꓳ꓿
ꓙꓱ ꓦꓲ ꓠꓽ ꓔꓶꓸ ꓗꓪ 1.2×1.5 ꓐꓬꓱꓽ 2 ꓟ ꓐꓰ ꓕꓳ ꓶ ꓬꓲꓸ ꓝꓲꓸ ꓬꓲ ꓟꓲ ꓮ ꓔꓲꓸ ꓐꓳ ꓗꓶ ꓓꓳ ꓡꓰ ꓠꓬ ꓗꓴꓷꓼ ꓗꓪ ꓟ ꓙꓵꓽ ꓗ ꓛꓳ ꓢꓲꓸ ꓗꓹ ꓚꓳ ꓐ ꓡ ꓡꓳ꓾ ꓐꓯ ꓔꓸ ꓡꓳ꓿ ꓖꓳ ꓡꓱ ꓥ ꓟꓲ ꓬꓲꓸ ꓠꓬꓲ ꓔꓳꓼ ꓠꓬ ꓟꓽ ꓐꓳ ꓔꓸ꓿
ꓟꓬ-ꓟ ꓗꓴꓷꓼ ꓗꓪ ꓐꓶꓽ ꓗꓴꓷꓼ ꓗꓪ ꓐꓰ ꓡꓹ ꓚꓳ ꓡ ꓢꓴ ꓮ ꓟꓬꓹ ꓟꓽ ꓙꓳ ꓬꓰ ꓠꓬꓲ꓾ ꓮ ꓟꓶ ꓪꓰ ꓤ ꓓꓵꓽ ꓡ ꓚꓱꓹ꓾ ꓒꓴ ꓓꓵꓽ ꓡ ꓚꓱꓹ ꓬꓲꓸ ꓫꓵꓼ ꓧꓪ ꓔꓬ ꓟ ꓥ ꓡꓳ꓿
ꓓꓳꓽ ꓚꓰ꓾ MoHT