ꓧꓳ-ꓓꓳ-ꓬꓼ ꓗꓴꓷꓼ ꓙꓵꓽ ꓢꓴ ꓬꓲꓸ ꓡꓵ ꓔꓯ ꓴꓢꓮ ꓡꓰ ꓞꓳꓹ ꓧꓳꓽ ꓙꓰꓳ

ꓴꓢꓮ ꓗꓴꓷꓼ ꓗꓪ ꓬꓯ (cocaine) ꓔꓯꓹ ꓓꓵꓽ ꓚꓱꓹ ꓗꓪ ꓢꓯꓼ ꓕꓵꓼ ꓙ ꓢꓴ ꓥ ꓡꓳ ꓐꓯ ꓢꓲꓸ ꓧꓳ-ꓓꓳ-ꓬꓼ ꓗꓴꓷꓼ ꓙꓵꓽ ꓢꓴ ꓬꓲꓸ ꓡꓵꓺ ꓧ-ꓠ-ꓓꓯꓼ (Juan Orlando Hernández) ꓔꓯ ꓴꓢꓮ ꓡꓰ 2022 ꓘꓳꓼ 4 ꓦ 21 ꓠꓬꓲ ꓕꓯꓽ ꓞꓳꓹ ꓧꓳꓽ ꓡ ꓢꓲ ꓠꓰ-ꓬꓴ-ꓬꓳꓼ ꓗꓪ ꓧꓳꓽ ꓛꓲ ꓡ ꓡꓳ꓿

ꓬꓲꓸ ꓠꓬ 2018-2022 ꓘꓳꓼ ꓗꓪ ꓛꓲ ꓧꓳ-ꓓꓳ-ꓬꓼ ꓗꓴꓷꓼ ꓙꓵꓽ ꓢꓴ ꓬꓰ ꓗꓷ ꓢꓴ ꓥ ꓢꓲ꓾ ꓬꓯ ꓶ ꓡꓯꓼ ꓬꓰ ꓢꓴ ꓐꓴ ꓗꓪ ꓐꓰ ꓘꓶꓽ ꓕꓴꓸ ꓜꓽ ꓢꓴ ꓥ ꓡꓳ ꓐꓰ ꓡꓲꓺ ꓔꓸ ꓡꓳ꓿

” ꓬꓲꓸ ꓗꓴꓷꓼ ꓙꓵꓽ ꓢꓴ ꓬꓰˍ ꓟ 2018-2022 ꓕꓲ ꓙ ꓖꓴ ꓡꓱꓸꓼ ꓗꓪ ꓙꓵꓽ ꓪ ꓔꓯ ꓟꓽ ꓜꓳ ꓟꓽ ꓔꓱꓹ ꓣꓱꓽ ꓢꓲꓸ ꓧꓳ-ꓓꓳ-ꓬꓼ ꓗꓴꓷꓼ ꓬꓯꓻ ꓗꓴꓷꓼ ꓒꓬꓱꓼ ꓡ ꓝꓲꓳ꓿” ꓐꓰ ꓴꓢꓮ ꓐꓯ ꓟꓴ ꓒꓽ Merrick Garland ꓡꓰ ꓐꓯˍ ꓡꓳ꓿

ꓧꓶꓸ ꓕꓯ ꓴꓢꓮ ꓗꓪ ꓛꓳꓽ ꓠꓬ ꓮ ꓟꓶ ꓬꓯ ꓶ ꓡꓯꓼ ꓬꓰ ꓢꓴ ꓔꓯ ꓡꓳꓸ ꓙ ꓗꓽ ꓙ ꓢꓴ꓾ ꓘꓶꓽ ꓕꓴꓸ ꓜꓽ ꓢꓴ ꓥ ꓠꓬꓲ ꓞꓳꓹ ꓧꓳꓽ ꓡ ꓠ ꓗꓷ ꓡꓰꓳ꓿ ꓖꓳ ꓡꓱ ꓥ ꓟꓲ ꓬꓲꓸ ꓝꓴꓲꓸ ꓔꓯ ꓬꓲꓸ ꓟꓽ ꓣꓷꓠꓸ꓿

“ꓬꓯ ꓶ ꓡꓯꓼ ꓬꓰ ꓢꓴ ꓐꓴ ꓠꓰ ꓮ ꓔꓳ ꓔꓳ ꓡꓲꓺ ꓡꓻꓳ ꓫꓵꓽ ꓥ꓿” ꓐꓰ ꓧꓳ-ꓓꓳ-ꓬꓼ ꓗꓴꓷꓼ ꓙꓵꓽ ꓢꓴ ꓬꓲꓸ ꓡꓵꓺ ꓧ-ꓠ-ꓓꓯꓼ ꓡꓰ ꓐꓯ ꓡꓳ꓿

Source: ReutersPhoto: REUTERS/Jonathan Lazo