ꓧꓪ ꓒꓴ(ꓴꓢꓮ) ꓗꓴꓷꓼ ꓙꓵꓽ ꓪ ꓔꓲꓸ ꓬꓲꓸ ꓫꓵꓼ

ꓴꓢꓮ ꓗꓪ ꓪ ꓔꓲꓸ ꓢꓲ_ ꓟ (Election) ꓦꓬꓼ ꓠꓬꓲ ꓠꓬ 11 ꓦ꓾ 3 ꓠꓬꓲ꓾ 2020 ꓘꓳꓼ ꓗꓪ ꓣꓱꓽ ꓬꓰ ꓗꓷꓳ= ꓗꓴꓷꓼ ꓙꓵ ꓪ ꓔꓲ ꓬꓲꓸ ꓘꓳꓼ ꓠꓬ  4 ꓘꓳꓼ ꓕꓲ ꓧꓪꓹ ꓣꓱꓽ ꓬꓰ_ ꓡꓳ=Trump ꓐꓰ Joe Biden ꓐꓴ (2) ꓣꓳ ꓔꓯ ꓡꓯ ꓘꓳ_ ꓟ ꓗꓪ ꓠꓬ 

Joel Biden ꓠꓬ 81283485  ꓣꓳ (  51ꓸ4%)

Trump  ꓠꓬ 74223744. ꓣꓳ ( 46ꓸ9%) ꓧꓶ ꓥ ꓢꓲ꓾ Joe Biden ꓧꓪꓹ ꓡꓰ ꓪ= ꓢꓰꓠꓮꓔꓰ ꓗꓪ ꓠꓬ  ꓣꓰꓑꓴꓐꓡꓲꓚꓮꓠ ꓑꓮꓣꓔꓬ 50 ꓣꓳ ꓾ ꓓꓰꓟꓳꓚꓣꓮꓔꓲꓚ ꓑꓮꓣꓔꓬ 50 ꓣꓳ ꓥ ꓡꓳ= ꓧꓳꓴꓢꓰ ꓗꓪ ꓠꓬ Republican party 211 ꓣꓳ ꓾Democratic Party 222 ꓣꓳ ꓥ ꓡꓳ= 

2020 ꓘꓳꓼ ꓟꓯꓼ ꓘꓳ_ ꓟ ꓠꓬ ꓖꓳꓼ ꓠꓲꓼ꓾ ꓟꓯꓼ ꓘꓴ ꓢꓴ ꓮ ꓟꓬ ꓙꓳ ꓡꓳ ꓐꓰ Trump ꓗꓪ ꓐꓰ ꓐꓯ ꓔꓬ ꓟ ꓑꓶ ꓓꓴ꓾ ꓫꓵꓽ ꓪꓴ ꓔꓲ ꓟ ꓔꓯ ꓠꓬ ꓬꓲꓸ ꓙꓵꓽ ꓮ ꓟꓬ ꓣꓴ ꓢꓲ꓾ ꓬꓲꓸ ꓒꓳꓹ ꓒꓳꓹ ꓗꓪ ꓮ ꓟꓬ ꓢꓪꓹ ꓠꓬꓲ ꓢꓲ ꓠꓬꓲ꓾ 1 ꓦ꓾ 6 ꓠꓬꓲ ꓗꓪ ꓠꓬ Electoral Votes ꓐꓯ_ ꓟ ꓔꓯ ꓛꓳꓽ ꓢꓲꓸ Congress ꓗꓪ ꓖꓪ ꓙꓱ_ ꓕꓯ Joel Biden ꓧꓪꓹ ꓡꓰ ꓐꓰ ꓮ ꓙꓵꓽ ꓢꓴ ꓠꓲꓹ ꓧꓳꓹꓢꓲꓸ  2021-2024 ꓘꓳꓼ  ꓴꓢꓮ ꓗꓴꓷꓼ ꓙꓵꓽ ꓪ ꓔꓲ ꓒꓬꓱꓹ ꓡ  ꓟ ꓥꓳ=ꓖꓳ ꓕꓲ ꓠꓬꓲ ꓗꓪ ꓠꓬ Trump ꓔꓯ ꓔꓳꓹ ꓙ ꓔꓬ ꓟ ꓴꓢꓮ ꓑ ꓫꓬ ꓕꓱ ꓐꓱ ꓠꓬ ꓴꓢꓮ Congress ꓬꓲꓸ ꓘꓴ ꓗꓪ ꓓꓵꓽ ꓡ ꓢꓲꓸ  ꓢꓴ ꓓꓴ ꓙꓴꓽ ꓓꓴ ꓮ ꓟꓬ ꓗꓷ_ ꓡꓰ ꓟ ꓔꓯꓸ ꓢꓷꓸ ꓪ ꓡꓳ=

ꓕꓱ ꓡꓱ ꓗꓷ ꓡꓰ_ ꓟ ꓑꓶ ꓓꓴ ꓮ ꓟꓶ ꓠꓬ House ꓗꓪ ꓔꓬ ꓟ ꓧꓳꓽ ꓢꓴ Nancy Pelosi ꓐꓰ ꓬꓲꓸ ꓔꓯꓸ ꓛꓳ ꓢꓴ ꓕꓲ ꓐꓱ ꓠꓬ Trump ꓔꓯ ꓮ ꓟꓲꓸ ꓞ ꓞ ꓗꓴꓷꓼ ꓙꓵꓽ ꓪ ꓔꓲꓸꓹ ꓗꓪ ꓐꓰ ꓓꓳꓹ ꓙꓰ ꓠꓹ ꓟ ꓖꓪ ꓙꓱ ꓡꓳ= ꓡ ꓹꓠ ꓟ ꓠꓽ ꓢ ꓠꓬꓲ ꓗꓪ ꓖꓪ ꓙꓱ ꓓꓴ ꓥꓳ ꓐꓰ ꓢꓷꓸ ꓪ ꓡꓳ= Vice President ꓗꓪ ꓐꓰ ꓓꓳꓹ ꓙꓰ ꓠꓹ ꓟ ꓕꓵꓽ ꓪ ꓖꓶ꓾ ꓟ ꓥ ꓠꓬ 25 Amendment ꓗꓴꓷꓼ ꓙꓵꓽ ꓚꓱꓹ ꓔꓯꓸ ꓛꓳ ꓢꓲꓸ ꓖꓪ ꓙꓱ  ꓓꓴ ꓥꓳ ꓐꓰ ꓢꓷꓸ ꓪ ꓡꓳ=

Resource: https://apple.news/AWhomBTBMSb6KZCNCi4dzWQ

ꓴꓢꓮ ꓗꓴꓷꓼ ꓙꓵ: ꓢꓴ ꓠꓬ Democratic Party ꓗꓪ ꓐꓰ ꓧꓪꓹ ꓡꓰꓳ= ꓗꓴꓷꓼ ꓙꓵꓽ ꓪ ꓔꓲ 1 Joe Biden 2ꓸ Kamala Harris ꓐꓴ ꓥ ꓡꓳ= ꓬꓲꓸ ꓪ ꓠꓬ ꓴꓢꓮ ꓗꓪ 46 ꓣꓳ ꓟ ꓗꓴꓷꓼ ꓙꓵ ꓢꓴ ꓒꓬꓱꓹ ꓡ ꓥꓳ= 1 ꓦ꓾ 20 ꓠꓬꓲ ꓗꓪ ꓠꓬ ꓬꓲꓸ ꓪ ꓔꓯ ꓗꓴꓷꓼ ꓙꓵꓽ ꓪ ꓖꓶ_ ꓟ ꓪ ꓘꓴ ꓜꓲꓼ ꓓꓴ ꓓꓹ ꓟ ꓣꓱꓽ ꓬꓰ ꓓꓴ ꓥꓳ ꓐꓰ ꓢꓷꓸ ꓪ ꓡꓳ=