ꓦ ꓐ ꓔꓯ ꓗꓳꓽ-ꓡꓳꓹ-ꓐꓰꓽ ꓜꓽ ꓔꓬ

ꓠꓬꓲꓸ ꓠꓬꓲ 2022 ꓘꓳꓼ 11 ꓦ 8 ꓠꓬꓲ ꓕꓯꓽ ꓟꓴ ꓗꓪ ꓦ ꓐ ꓡꓴꓸ ꓡꓴꓸ ꓔꓯ ꓗꓳꓽ-ꓡꓳꓹ-ꓐꓰꓽ ꓡꓰ ꓜꓽ ꓔꓬ ꓡꓳ꓿

ꓗꓳꓽ-ꓡꓳꓹ-ꓐꓰꓽ ꓠꓬ ꓮꓸ ꓠꓽ ꓫꓵꓽ ꓕꓲꓽ ꓫꓵꓽ ꓥ ꓡꓳ꓾ ꓐꓰ ꓡꓲ-ꓢꓴ ꓒꓵꓽ ꓒꓽ ꓙꓵꓻ ꓚꓱꓹ ꓗꓪ ꓢꓪꓼ ꓔꓸ ꓠꓬꓲ꓾ “ꓦ ꓐ ꓔꓯ ꓮ ꓠꓽ ꓘꓶꓽ ꓐꓰꓽ ꓠꓰ ꓜꓽ ꓔꓬ ꓡꓳ” ꓥ ꓟꓲ ꓐꓯ ꓚꓰꓼ ꓡꓳ꓿

ꓗꓳꓽ-ꓡꓳꓹ-ꓐꓰꓽ ꓡꓰ ꓦ ꓐ ꓔꓯ ꓜꓽ ꓡ ꓕꓯꓽ ꓡꓲ-ꓢꓴ ꓒꓵꓽ ꓒꓽ ꓐꓴ ꓠꓬ ꓮꓸ ꓠꓽ ꓗꓸ ꓡꓲꓸ ꓗꓸ ꓡꓲꓸ ꓔꓲꓸ ꓠꓰ꓾ ꓛꓲ ꓓꓴ ꓔꓲꓸ ꓠꓰ ꓬꓰ ꓚꓰꓼ ꓡꓳ꓿

ꓟꓲ ꓠꓯ ꓕꓲꓽ ꓡꓴꓸ ꓢꓴ ꓐꓴ ꓠꓬ ꓫꓸ ꓟ ꓟꓳꓽ ꓘꓳꓼ ꓓꓳ ꓡ ꓥꓳ ꓐꓯ ꓢꓲꓸ ꓦꓬꓼ ꓠꓬꓲ ꓕꓱ ꓟ ꓔꓯ ꓢꓰꓸ ꓮ ꓢꓸ ꓔꓬ ꓡꓳ꓿

ꓢꓷꓸ ꓠꓲꓹ ꓚꓱꓹ ꓡꓳ ꓚ ꓠꓬ꓾ ꓟꓲꓽ ꓟꓲ ꓐꓰ ꓦ ꓐ ꓠꓬꓲꓽ ꓗꓴꓸ ꓚꓸ ꓗꓪ ꓟꓲ ꓠꓯ ꓚꓳ ꓜꓯꓼ ꓡꓰ ꓕꓯꓽ ꓗꓳꓽ-ꓡꓳꓹ-ꓐꓰꓽ ꓜꓽ ꓙꓵꓹ ꓒꓬꓱꓼ ꓡ ꓡꓳ꓾ ꓐꓯ ꓡꓳ꓿ ꓖꓳ ꓟ ꓡꓰ ꓐꓰ ꓟꓲꓽ ꓟꓲ ꓐꓰ ꓟꓲ ꓠꓯ ꓠꓬꓲꓽ ꓗꓴꓸ ꓚꓸ ꓗꓪ ꓦ ꓐ ꓚꓳ ꓜꓯꓼ ꓬꓰ ꓠꓬ ꓟꓲꓽ ꓟꓲ ꓛꓲ ꓡꓯꓼ ꓟꓽ ꓙꓳ ꓠꓯꓺ ꓞꓲꓹ ꓡꓰ ꓥꓳ꓾ ꓐꓯ ꓡꓳ꓿