ꓦꓲ ꓡꓳꓸ ꓗꓴꓷꓼ ꓙꓵꓽ ꓜꓴ ꓒꓴ ꓗꓷ ꓟ ꓠꓬ ꓗꓴꓷꓼ ꓜꓴ ꓡꓰ ꓓꓰꓽ ꓔꓬ ꓟ ꓚꓱꓹ ꓗꓪ ꓐꓰ ꓡꓯ ꓗꓸ ꓧꓶꓸ ꓙꓰꓳ

ꓟꓬ-ꓟ ꓗꓴꓷꓼ ꓗꓪ ꓟꓯꓼ ꓜꓲꓽ ꓐꓴ ꓡꓰ ꓦꓲ ꓡꓳꓸ ꓗꓴꓷꓼ ꓙꓵꓽ ꓜꓴ (caretaker government) ꓒꓴ ꓗꓷ ꓟ ꓠꓬ꓾ ꓟꓲ ꓠꓯ ꓗꓴꓷꓼ ꓜꓴ ꓗꓪ ꓐꓰ ꓓꓰꓽ ꓔꓬ ꓟ ꓚꓱꓹ ꓗꓪ ꓐꓰ ꓬꓲꓸ ꓐꓶꓹ ꓡꓯ ꓗꓸ ꓧꓶꓸ ꓙꓰꓳ ꓐꓰ ꓟꓲ ꓠꓯ ꓗꓴꓷꓼ ꓜꓴ ꓟꓬꓱꓽ ꓢꓲꓺ ꓐꓱ ꓶ ꓫꓸ ꓕꓱ ꓙ ꓢꓴ ꓢꓔꓰꓑꓧꓮꓠꓰ ꓓꓴꓙꓮꓣꓣꓲꓚ ꓡꓰꓽ 8 ꓦ 2 ꓠꓬꓲ ꓕꓯꓽ ꓐꓯ ꓩꓴ ꓡ ꓡꓳ= ” ꓕꓱ ꓡꓱ ꓬꓰ ꓟ ꓠꓬ ꓟꓬ-ꓟ ꓗꓴꓷꓼ ꓗꓪ ꓓꓰ-ꓟꓳ-ꓗꓯ-ꓢꓰ ꓙꓵꓽ ꓚꓱꓹ ꓫꓬꓹ ꓔꓶ ꓪ ꓠꓹ ꓟ꓾ ꓐꓱ ꓓꓴꓽ ꓗꓪ ꓡꓴꓽ ꓔꓸ ꓢꓴ ꓔꓯ ꓡꓲꓹ ꓖꓶ ꓠꓹ ꓟ꓾ ꓜꓲ ꓜꓲ ꓑꓰꓹ ꓑꓰꓹ ꓞꓳ ꓢꓰꓼ ꓪ ꓢꓰꓼ ꓟ ꓐꓰ꓾ ꓟꓯꓼ ꓙꓵꓽ ꓚꓱꓹ ꓮ ꓙꓵꓽ ꓠꓽ ꓩꓴ ꓗꓷ ꓠꓹ ꓟ ꓟꓲ ꓠꓯ ꓗꓴꓷꓼ ꓜꓴ ꓡꓰ ꓓꓰꓽ ꓘꓶꓽ ꓔꓯ ꓟꓽ ꓒꓵꓽ ꓟ ꓥꓳ= ꓟꓲ ꓠꓯ ꓗꓴꓷꓼ ꓜꓴ ꓓꓰꓽ ꓔꓬ ꓟ ꓚꓱꓹ ꓔꓯ ꓟꓽ ꓒꓵꓽ ꓟꓽ ꓚ ꓡꓯꓽ ꓗꓸ ꓮ ꓘꓶꓸ ꓧꓶꓸ ꓙꓰ ꓟ ꓚꓱꓹ ꓥꓳ= ꓟꓯꓼ ꓡꓰ ꓙꓵꓽ ꓔꓬ ꓟ ꓦ ꓐ 6 ꓟ ꓘꓴꓽ ꓗꓪ ꓟꓬ-ꓟ ꓠꓬ ꓮ ꓘꓶꓸ ꓐꓬ ꓡꓰꓳ= ꓝꓮꓲ ꓚꓳꓦꓲꓓ-19 ꓥ ꓟꓲ ꓓꓵꓽ ꓡ ꓢꓲ꓾ ꓟꓬꓽ ꓠꓬꓲ ꓬꓰ ꓫꓸ ꓔꓬ ꓫꓸ ꓡ ꓠꓬꓲ꓾ ꓮ ꓙꓵꓽ ꓢꓴ ꓔꓯ ꓘꓶꓽ ꓡꓶꓽ ꓡ ꓔꓬ ꓡꓳ= ꓓꓰ-ꓟꓳ-ꓗꓯ-ꓢꓰ ꓙꓵꓽ ꓚꓱꓹ ꓔꓯ ꓟꓬ-ꓟ ꓗꓪ ꓓꓳ ꓡ ꓝꓲ ꓠꓹ ꓟ ꓟꓬ-ꓟ ꓗꓴꓷꓼ ꓑ ꓫꓬ ꓐꓴ ꓐꓰ ꓗꓴꓷꓼ ꓜꓴ ꓥ ꓟꓲ ꓕꓲ ꓠꓲꓹ ꓕꓲ ꓪ ꓙꓳ ꓡꓳ= ꓖꓳ ꓟ ꓑꓶꓸ ꓓꓴ ꓟꓲ ꓠꓯ ꓗꓴꓷꓼ ꓮ ꓙꓵꓽ ꓟꓬ-ꓟ ꓚꓱꓹ ꓐꓱ ꓶ ꓕꓲ ꓠꓲꓹ ꓕꓲ ꓪ ꓠꓲꓹ ꓞ ꓟꓬꓱꓽ ꓬꓰ ꓙꓵꓹ ꓛꓲꓳ ” ꓐꓰ ꓓꓴ-ꓙ-ꓬꓲꓼ ꓡꓰ ꓐꓯ ꓡꓳ=

ꓴꓢꓮ ꓐꓶꓽ ꓗꓴꓷꓼ ꓙ ꓡꓯ ꓘꓳ ꓚꓱꓹ ꓢꓲꓽ ꓒꓽ ꓓꓽ ꓟ ꓐꓶ-ꓡꓲ-ꓗꓲ ꓥ ꓟꓲ ꓮ ꓟꓶ ꓳ-ꓡꓮꓲꓹ ꓗꓪ ꓐꓰ ꓖꓪ ꓙꓱ ꓜꓲꓼ ꓓꓴ ꓬꓰ ꓔꓬ ꓟ ꓮ-ꓢꓲ-ꓬ ꓗꓴꓷꓼ ꓜꓴ ꓖꓪ ꓙꓱ ꓜꓲꓼ ꓓꓴ ꓗꓪ ꓔꓺ ꓡ ꓢꓲ꓾ ꓟꓬ-ꓟ ꓗꓴꓷꓼ ꓐꓱ ꓶ ꓴꓢꓮ ꓓꓵꓽ ꓙ ꓚꓱꓹ ꓔꓯ ꓐꓯ ꓒꓴ ꓢꓷꓸ ꓡꓰ ꓝꓲ ꓓꓴ ꓥꓳ ꓐꓯ ꓩꓴ ꓡ ꓡꓳ=