ꓟꓬ-ꓟ ꓗꓴꓷꓼ ꓗꓪ 3 ꓡꓵꓹ ꓕꓲ ꓡꓵꓹ ꓟ ꓚꓳꓦꓲꓓ-19 ꓠꓺ ꓓꓱꓽ ꓮ ꓘꓶꓸ ꓬꓼ ꓡ ꓔꓬ ꓠꓬꓲ꓾ 36 ꓡꓳ ꓒꓱ ꓗꓪ ꓔꓬ ꓟ ꓡ ꓞꓳ ꓐꓴ ꓦꓲ ꓘꓴꓽ ꓗꓪ ꓡꓴꓽ ꓔꓬ ꓠꓹ ꓟ ꓕꓵꓼ ꓪ (Stay at home order) ꓐꓯ ꓒꓬꓱꓺ ꓩꓴ ꓡ ꓡꓳ=
ꓬꓥ-ꓖꓳꓥ ꓗꓪ ꓠꓬ ꓟꓲ-ꓖ-ꓡ-ꓓꓳ꓾ ꓟꓳ-ꓐꓲ꓾ ꓡꓮꓲ-ꓔ-ꓬ꓾ ꓫꓱ-ꓑꓲ-ꓔ꓾ ꓲ-ꓢꓰ꓾ ꓟ-ꓬ-ꓖꓳꓸ꓾ ꓔꓮꓳ-ꓳꓼ-ꓗ-ꓡ꓾ ꓟꓮꓳꓼ-ꓳꓼ-ꓗ-ꓡ꓾ ꓟꓲ-ꓖ-ꓡ-ꓔꓮꓳ-ꓠꓬꓴꓼ꓾ ꓐ-ꓧꓸ ꓡꓳ ꓒꓱ (10) ꓟ ꓗꓪ ꓟ ꓡ ꓞꓳ ꓐꓴ ꓦꓲ ꓗꓪ ꓡꓴꓽ ꓔꓬ ꓠꓹ ꓟ ꓥ ꓡꓳ= ꓠꓱꓸ ꓐꓯꓼ ꓛꓰꓸ ꓒꓽ ꓟꓵꓽ꓾ ꓟꓳ ꓒꓽ ꓟꓵꓽ꓾ ꓟ-ꓖꓪꓯꓸ꓾ ꓢꓲ-ꓗꓮꓲꓸ ꓕꓱ ꓡꓱꓳ ꓫꓵꓽ ꓟꓵꓽ ꓫꓴ ꓐꓴ ꓗꓪ ꓥ ꓟꓲ ꓦꓲ ꓗꓪ ꓡꓴꓽ ꓔꓬ ꓠꓹ ꓟ ꓕꓵꓼ ꓪ ꓓꓳ ꓔꓸ ꓡꓳ= ꓕꓲ ꓗꓴꓷꓼ ꓡꓱꓸꓼ ꓮ ꓙꓵꓽ ꓠꓬ 36 ꓡꓳ ꓒꓱ ꓥ ꓡꓳ= ꓚꓳꓦꓲꓓ-19 ꓠꓬ ꓕꓲ ꓠꓬꓲ ꓟ ꓠꓯꓸꓼ ꓗꓪ ꓚꓹ ꓟꓶ ꓡꓰ ꓢꓴ ꓬꓲꓸ ꓔꓴ ꓟꓽ ꓞꓲ ꓙꓳ ꓢꓲ꓾ ꓫꓵꓻ ꓢꓴ ꓥ ꓟꓲ 40-50 ꓕꓯ ꓢꓲ ꓟꓬꓽ ꓡ ꓔꓬ ꓟ ꓦꓬꓼ ꓠꓬꓲ ꓥ ꓡꓳ= ꓡꓲ-ꓢꓴ ꓐꓴ ꓮ ꓟꓬꓹ ꓔꓬ ꓟ ꓖ-ꓟꓶ-ꓓꓰ (ꓑꓴ-ꓔ-ꓳ) ꓗꓪ ꓥ ꓟꓲ ꓚꓳꓦꓲꓓ-19 ꓙꓳ ꓢꓴ ꓚꓲꓸ ꓚ ꓟꓶ ꓔꓸ ꓡꓳ= ꓦꓲ ꓗꓪ ꓡꓴꓽ ꓔꓬ ꓠꓹ ꓟ ꓕꓵꓼ ꓪ ꓓꓳ ꓗꓷ ꓥ ꓟꓲ꓾ ꓢꓷꓸ ꓠꓲꓹ ꓙꓳꓥꓽ ꓦꓲ ꓐꓰ ꓠꓱꓸ ꓐꓯꓼ ꓬꓳꓹ ꓦꓲ ꓐꓴ ꓠꓬ ꓒꓴ ꓔꓸ ꓢꓰꓽ ꓠꓬꓲ ꓮ ꓡꓲꓳ ꓫꓵꓽ ꓕꓵꓼ ꓪ ꓥ ꓟ ꓓꓵꓽ ꓙ ꓟꓽ ꓗꓴꓸ ꓐꓯ ꓢꓴ ꓮ ꓟꓬꓹ ꓙꓳ ꓡꓳ= ꓕꓵꓼ ꓪ ꓕꓱ ꓟ ꓠꓬ 7 ꓦ 8 ꓠꓬꓲ ꓠꓯꓼ 8 ꓙꓵꓹ ꓗꓪ ꓐꓰ ꓪꓴꓸ ꓔꓴ ꓡꓳ ꓐꓰ ꓐꓯ ꓔꓸ ꓥ ꓟꓲ ꓓꓵꓽ ꓓꓵꓽ ꓓꓳ ꓓꓳ ꓬꓰ ꓔꓬ ꓢꓴ ꓙꓳ ꓢꓰꓽ ꓡꓳ= ꓟꓬꓽ ꓠꓬꓲ ꓠꓬ ꓢꓲꓽ ꓒꓽ ꓟꓬꓱꓽ ꓟꓯꓻ ꓢꓴ ꓐꓴ꓾ ꓢꓷꓸ ꓠꓲꓹ ꓟꓸ ꓒ ꓟꓸ ꓟ ꓐꓰ ꓢꓳ ꓒ ꓢꓳ ꓟ ꓐꓴ ꓥ ꓡꓳ= ꓠꓻ ꓘꓴ ꓐꓰ ꓟꓶ ꓠꓶꓹ ꓕꓽ (ꓑꓴꓔ ꓳꓠ ꓟꓮꓢꓗ)꓾ ꓡꓯ ꓒꓯꓹ ꓞꓲꓽ (ꓪꓮꓢꓧ ꓧꓮꓠꓓꓢ)꓾ ꓕꓲ ꓣꓳ ꓛꓳ ꓕꓲ ꓣꓳ 6 ꓑꓯꓸ ꓗꓪ ꓛꓲ ꓶꓽ ꓤ ꓔꓬ (ꓢꓔꓮꓬ 6 ꓝꓰꓰꓔ ꓮꓪꓮꓬ)꓾ ꓢꓯꓼ ꓙꓳ ꓡ ꓟ ꓠꓯ ꓞꓲꓼ ꓐꓰ ꓜꓽ ꓓꓴ ꓜꓽ (ꓔꓮꓗꓰ ꓟꓰꓓꓲꓚꓲꓠꓰꓢ ꓮꓠꓓ ꓝꓳꓳꓓ ꓔꓳ ꓧꓰꓡꓑ ꓬꓳꓴꓣ ꓲꓟꓟꓴnꓰ ꓢꓬꓢꓔꓰꓟ)꓾ ꓟꓽ ꓛꓲ ꓟꓽ ꓡꓳꓼ ꓢꓴ ꓐꓴ ꓔꓯ ꓬꓰ ꓙ ꓡꓯ ꓘꓳ (ꓧꓰꓡꓑ ꓔꓧꓰ ꓠꓰꓰꓓꓬ ꓳꓠꓰꓢ)= ꓮ ꓙꓵꓽ ꓢꓴ ꓧꓪ ꓖꓳ ꓓꓱꓽ ꓔꓬ ꓢ ꓙꓳ ꓢ ꓢꓷꓸ ꓠꓲꓹ ꓔꓯ ꓖꓼ ꓛꓳ ꓢꓲ꓾ ꓠꓻ ꓓꓱꓽ ꓗꓪ ꓐꓰ ꓡꓲꓹ ꓙꓰ ꓟꓶ ꓠꓹ ꓟ ꓢꓯꓼ ꓕꓵꓼ ꓡꓯ=