“ꓥ ꓠꓽ ꓟꓬ-ꓟ ꓐꓱ ꓶ ꓮ-ꓢꓰ-ꓬ ꓝꓲ ꓓꓴ ꓥꓳ꓿ ꓥꓳꓹ ꓒꓽ ꓠꓽ ꓟꓽ ꓥ꓿ ꓥꓳꓹ ꓒꓽ ꓡꓲꓸ ꓟꓬ-ꓟ ꓫꓵꓽ ꓪꓴ ꓫꓬ ꓡꓰ ꓝꓲ ꓟꓽ ꓐ ꓡ ꓐꓰ ꓥ ꓓꓵꓽ ꓙ ꓥ” ꓐꓰ ꓟꓬ-ꓟ ꓐꓱ ꓶ ꓮ-ꓢꓰ-ꓬ ꓝꓲ ꓓꓴ ꓓꓽ ꓟ ꓑ-ꓬꓯꓼ-ꓢꓴ-ꓘꓴꓸ ꓡꓰ 2022 ꓘꓳꓼ 8 ꓦ 6 ꓠꓬꓲ ꓕꓯ꓾ ꓗ-ꓐꓳ-ꓓꓲ-ꓬ꓾ ꓒ-ꓠꓪꓮꓹ-ꓑꓲ ꓗꓪ ꓓꓳꓽ ꓐꓳ ꓢꓴ ꓐꓴ ꓔꓯ ꓐꓯ ꓡꓳ꓿
ꓬꓲꓸ ꓠꓬ ꓟꓬ-ꓟ ꓗꓪ 2 ꓧꓪꓹ ꓛꓲ ꓡ ꓥ ꓟꓲ꓾ ꓮꓳ-ꓢ-ꓢꓴ-ꓚꓰꓽ ꓔꓯ ꓟꓽ ꓜꓲ ꓪ ꓟˍ ꓡꓰꓽ ꓟꓽ ꓞꓲ꓾ ꓐꓱ ꓓꓴꓽ ꓗꓪ ꓡꓴꓽ ꓔꓸ ꓢꓴ ꓐꓴ ꓔꓯ ꓕꓽ ꓢꓰꓼ ꓐꓰ ꓖꓶ ꓬꓲꓽ ꓔꓸ ꓟ ꓔꓯˍ ꓟꓲ ꓟꓬ-ꓟ ꓟꓯꓼ ꓡꓰ ꓢꓰꓼ ꓩꓴ ꓡ ꓠꓬꓲ ꓠꓲꓹ ꓟ ꓒ ꓙꓬ ꓗꓷ ꓡꓰ ꓢꓴ ꓥ ꓡꓳ꓿
ꓮ-ꓢꓰ-ꓬ ꓗꓴꓷꓼ ꓜꓴ ꓐꓴ ꓡꓰ ꓧꓶꓸ ꓕꓯ ꓖꓪ ꓙꓱ ꓪꓽ ꓔꓸ ꓟ ꓟꓬ-ꓟ ꓐꓱ ꓶ ꓫꓬꓹ ꓑꓱ ꓙ ꓓꓴ 5 ꓘꓶꓽ ꓠꓬ ꓮ ꓟꓶ ꓗꓪ ꓛꓲ ꓮ ꓫꓵꓽ ꓥ ꓟꓲ ꓟꓽ ꓬꓰ ꓓꓳ ꓡ ꓟ ꓡꓰ ꓟꓽ ꓞꓲ꓾ ꓟꓬ-ꓟ ꓐꓱ ꓶ ꓠꓱꓸ ꓐꓯꓼ ꓮ ꓫꓵꓽ ꓖꓪ ꓙꓱ ꓘꓶꓽ ꓠꓽ ꓙꓳ ꓙꓳ꓾ ꓮ-ꓢꓰ-ꓬ ꓗꓴꓷꓼ ꓜꓴ ꓢꓲꓽ ꓒꓽ ꓐꓴ ꓜꓲꓼ ꓓꓴ ꓠꓽ ꓩꓴ ꓗꓷ ꓟ ꓥ ꓡꓳ꓿
ꓢꓰ-ꓖ-ꓑꓴ ꓐꓶ ꓗꓴꓷꓼ ꓔꓯ ꓟꓳꓸ ꓢꓲꓽ ꓒ ꓡꓰ ꓐꓯˍ ꓟ ꓠꓬ꓾ ꓟꓬ-ꓟ ꓗꓴꓷꓼ ꓔꓯ ꓟꓯꓼ ꓡꓰ ꓙꓵˍ ꓟ ꓠꓬ 4 ꓘꓳꓼ ꓗꓪ ꓐꓰ 20 ꓘꓳꓼ ꓗꓪ ꓛꓲ ꓗ ꓬꓰ ꓡ ꓥꓳ ꓐꓰ ꓢꓪꓼ ꓔꓸ ꓡꓳ꓿
ꓟꓶ-ꓡꓯꓹ-ꓫ ꓐꓶ ꓗꓴꓷꓼ ꓔꓯ ꓟꓳꓸ ꓢꓲꓽ ꓒꓽ ꓠꓬ ꓟꓬ-ꓟ ꓟꓯꓼ ꓠ ꓠꓹ ꓟꓽ ꓫꓳ ꓠꓬ ꓮ-ꓢꓰ-ꓬ ꓗꓴꓷꓼ ꓜꓴ ꓗꓪ ꓐꓰ ꓠꓽ ꓬꓰ ꓝꓲ ꓠꓹ ꓟ ꓗꓪ ꓛꓲ ꓐꓯ ꓓꓳ ꓔꓸ ꓡꓳ꓿