ꓥꓪꓸ-ꓜꓳ-ꓢ ꓐꓱ ꓶ ꓲ-ꓓꓲ-ꓬ ꓡꓲ-ꓢꓴ ꓐꓴ ꓓꓰꓽ ꓘꓶꓽ

ꓲ-ꓓꓲ-ꓬ ꓗꓪ ꓟ ꓬꓳ-ꓐꓲ (ꓡꓲ-ꓢꓴ) ꓜꓴ ꓐꓴ ꓠꓬ꓾ ꓐꓱ ꓓꓴꓽ ꓗꓪ ꓡꓴꓽ ꓔꓬ ꓢꓰꓽ ꓟ ꓬꓳ-ꓐꓲ ꓢꓳ ꓒ ꓢꓳ ꓟ ꓪꓴꓸ ꓓꓵ ꓣꓱꓽ ꓢꓴ ꓥꓪꓸ-ꓜꓳ-ꓢ ꓔꓯ ꓙꓵꓽ ꓪ ꓙꓳ ꓢꓴ ꓐꓴ ꓡꓰꓽ ꓡꓲꓹ ꓩꓴ ꓡ ꓠꓹ ꓟ ꓠꓬꓲꓸ ꓠꓬꓲ 2021 ꓘꓳꓼ 11 ꓦ 6 ꓠꓬꓲ ꓗꓪ ꓓꓰꓽ ꓘꓶꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿

“ꓡꓲꓹ ꓩꓴ ꓡ ꓢꓴ ꓐꓱ ꓶ ꓖꓶ ꓮ ꓘꓶꓸ ꓫꓸ ꓟꓳ ꓪ꓿ ꓮ ꓟꓶ 1 ꓣꓳ ꓜꓰ ꓞꓹ ꓢꓴ ꓟ ꓔꓯ ꓖꓶ ꓡꓲꓹ ꓩꓴ ꓡ ꓠꓹ ꓟ ꓓꓰꓽ ꓥꓳ” ꓐꓰ ꓟꓸ ꓒ ꓮ-ꓐꓲ-ꓬ ꓥꓪꓸ-ꓤ ꓡꓰ ꓧꓪꓽ ꓒꓴ ꓥꓳꓽ ꓗꓪ ꓐꓰ ꓐꓯ ꓡꓳ꓿

Video:

ꓮ-ꓣꓴ-ꓠ-ꓛ ꓑ-ꓣ-ꓓꓯ-ꓫꓲ ꓡꓲ-ꓢꓴ ꓐꓴ ꓔꓬ ꓟꓵꓽ ꓗꓪ ꓗꓴꓷꓼ ꓙꓵꓽ ꓢꓴ ꓐꓴ ꓡꓰ ꓧꓶꓸ ꓕꓯ 30 ꓘꓳꓼ ꓟꓽ ꓞꓲ ꓕꓯꓽ ꓚꓲꓸ ꓗꓶ ꓩꓴ ꓡ ꓟ Ex Assam Rifles ꓟꓯꓼ ꓡꓵꓺ ꓐꓴ ꓡꓰ ꓙꓵꓽ ꓗꓪꓼ ꓡ ꓔꓬ ꓟ ꓐꓰ꓾ ꓟꓵꓽ ꓚꓰ ꓡ ꓞꓳ ꓪ ꓙꓲꓽ ꓙꓳˍ ꓟ ꓙꓵꓽ ꓪ ꓔꓯ ꓬꓲꓸ ꓪ ꓡꓰ ꓣꓴ ꓔꓯꓹ ꓙꓰ ꓔꓬ ꓠꓬꓲ꓾ ꓡꓲ-ꓢꓴ ꓐꓴ ꓠꓲꓹ ꓘꓪ ꓟꓽ ꓫꓵ ꓘꓴ ꓔꓴ ꓢꓲꓸ ꓓꓰꓽ ꓩꓴ ꓡ ꓟ꓾ ꓬꓲꓸ ꓓꓽ ꓟ ꓞꓳ ꓜꓴ ꓞꓳ ꓟꓯꓼ ꓜꓲꓼ ꓢꓲ ꓘꓴ ꓔꓴ ꓟ 4 ꓧꓪꓸ ꓟꓽ ꓞꓲ ꓬꓰ ꓥ ꓟꓲ ꓢꓲꓽ ꓒ ꓐꓴ ꓡꓰ ꓙꓲ ꓙꓲ ꓟꓽ ꓓꓽ ꓔꓳꓹ ꓖꓶ ꓡ꓿

5 ꓧꓪꓹ ꓕꓲ ꓧꓪꓹ ꓘꓴ ꓔꓴ ꓟ ꓠꓬ ꓗꓳꓸ ꓗꓷ ꓟ 2020 ꓘꓳꓼ 12 ꓦ ꓗꓪ ꓬꓰ ꓗꓷ ꓢꓲ꓾ ꓡꓲ-ꓢꓴ ꓐꓴ ꓠꓲꓹ ꓢꓲꓼ ꓠꓲꓹ ꓞꓰꓹ ꓡ ꓢꓲ ꓙꓱ ꓦꓲ ꓠꓽ ꓔꓶꓸ ꓦꓲ ꓮ ꓟꓬꓹ ꓮ ꓔꓳꓸ ꓛꓴ ꓩꓴ ꓡ ꓟ ꓗꓪ ꓐꓰ ꓟꓯꓼ ꓡꓰ 23 ꓣꓳ ꓞꓳꓹ ꓧꓳꓽ ꓙꓰ ꓡꓳ꓿ ꓕꓲ ꓝꓸ ꓕꓲ ꓝꓸ ꓩꓴ ꓖꓶ ꓡ ꓥ ꓟꓲ ꓮ ꓟꓶ ꓗꓪ ꓛꓲ ꓢꓳ ꓤ ꓪꓴꓸ ꓓꓵ ꓧꓳꓽ ꓢꓴ 1 ꓣꓳ ꓔꓯ ꓡꓴꓽ ꓔꓸ ꓢꓰꓽ ꓟ ꓥ ꓡꓳ꓿