2008 ꓘꓳꓼ ꓖꓼ ꓡꓯꓼ ꓖ ꓙꓲ ꓕꓯꓽ ꓞꓳ ꓤ ꓮ ꓘꓶꓸ ꓢꓷꓸ ꓡꓰ ꓟ “ꓗꓮꓳ ꓟꓼ ꓡꓯꓹ (ꓤ ꓟꓶꓼ ꓡꓯꓸ)” ꓟꓴ ꓖꓪꓽ ꓐꓳ ꓢꓴ ꓐꓯ ꓢꓲꓸ ꓖ ꓡꓮꓬ ꓐꓰ ꓜꓳ ꓟꓮꓠꓖ ꓕꓱ 2 ꓣꓳ ꓓꓳ ꓡ ꓡꓳ꓿
ꓖ ꓡꓮꓬ ꓠꓬ ꓬꓲꓸ ꓡꓰ 2007 ꓘꓳꓼ ꓕꓯꓽ ꓐꓳ ꓢꓲ꓾ ꓔꓮꓳ-ꓙꓲꓸ ꓗꓪ ꓢꓯꓼ ꓡꓴꓽ ꓔꓸ ꓟ ꓥꓳ꓾ ꓐꓰ ꓚꓰꓡꓰ ꓖꓮꓐꓮꓣ ꓟꓰꓓꓲꓮ ꓗꓪ ꓐꓯ ꓟꓸ ꓖꓶ ꓔꓸ ꓡꓳ꓿
“ꓦ ꓡꓱ ꓢꓴ ꓙꓳꓸ ꓙꓳꓽ ꓥꓳ꓿ ꓥꓳꓽ ꓬꓰ ꓠꓬ ꓠꓴ ꓝꓴꓲꓸ ꓣꓷꓠꓸ ꓓꓴ ꓬꓰ꓿ ꓜꓳ ꓟꓮꓠꓖ ꓠꓴ ꓔꓯ ꓢꓯꓼ ꓖꓶ ꓢꓴ꓾ ꓥꓪ ꓔꓯ ꓢꓯꓼ ꓖꓶ ꓢꓴ ꓮ ꓙꓵꓽ ꓬꓲꓸ ꓪ ꓠꓬ ꓮ ꓫꓵꓽ ꓟꓽ ꓢꓷꓸ ꓢꓷꓸ ꓐꓯ ꓔꓳꓹ ꓡꓯ ꓘꓳ ꓢꓲꓸ ꓝꓴꓲꓸ ꓒꓬꓱꓼ ꓡ ꓔꓬꓳ” ꓐꓰ ꓖ ꓡꓮꓬ ꓡꓰ ꓐꓯ ꓔꓸ ꓡꓳ꓿
ꓜꓳ ꓟꓮꓠꓖ ꓐꓯ ꓢꓴ ꓡꓰ ꓥ ꓟꓲ꓾ “ꓟꓴ ꓖꓪ ꓕꓱ ꓟ ꓥꓪ ꓠꓰ ꓐꓳ ꓔꓸ ꓟ 100% ꓚꓵ ꓚꓵ ꓥꓳ” ꓐꓰ Facebook ꓗꓪ ꓐꓳ ꓔꓸ ꓡꓳ꓿
ꓖ ꓡꓮꓬ ꓠꓬ ꓟꓬ-ꓟ ꓗꓴꓷꓼ ꓗꓪ ꓔꓬ ꓟ ꓡꓲ-ꓢꓴ ꓒꓽ ꓥ ꓢꓲ꓾ ꓜꓳ ꓟꓮꓠꓖ ꓠꓬ ꓴꓢꓮ ꓗꓪ ꓔꓬ ꓟ ꓛꓰꓸ ꓒꓽ ꓥ ꓡꓳ꓿