2022 ꓘꓳꓼ 3 ꓦ 9 ꓠꓬꓲ ꓕꓯꓽ ꓣ-ꓫꓸ ꓟꓯꓼ ꓡꓰ ꓬꓴ-ꓗ-ꓣꓲꓸ ꓐꓶꓽ ꓓꓳ ꓗꓪ ꓙꓳˍ ꓟ Mariupol ꓠꓯ ꓞꓲꓼ ꓦꓲ ꓔꓯ ꓐꓶ ꓩꓴ ꓡ ꓟ ꓑꓶꓸ ꓓꓴ ꓤ ꓠꓱ ꓐꓰ ꓤ ꓟꓶꓼ ꓤ 17 ꓣꓳ ꓠꓻ ꓓꓴ ꓡꓰˍ ꓠꓬꓲ꓾ ꓬꓴ-ꓗ-ꓣꓲꓸ ꓗꓴꓷꓼ ꓙꓵꓽ ꓢꓴ ꓜꓲ-ꓡ ꓢꓲ-ꓗꓲ ꓡꓰ “ꓣ-ꓫꓸ ꓠꓽ ꓠꓯ ꓞꓲꓼ ꓦꓲ ꓔꓯ ꓖꓶ ꓙꓳꓺ ꓔꓬ ꓥꓻꓰ?” ꓐꓰ ꓠꓺ ꓠꓬꓲ ꓩꓴ ꓡ ꓡꓳ꓿
“ꓠꓯ ꓞꓲꓼ ꓦꓲ ꓗꓪ ꓔꓬ ꓢꓴ ꓤ ꓠꓱ ꓐꓰ ꓤ ꓟꓶꓼ ꓤꓼ ꓐꓴ ꓠꓬ ꓣ-ꓫꓸ ꓥꓳꓽ ꓫꓸ ꓕꓱ ꓢꓴ ꓕꓲ ꓣꓳ ꓣꓳ ꓔꓯ ꓫꓸ ꓟꓴ ꓫꓸ ꓚꓬ ꓬꓰ ꓔꓬ ꓡ? ꓣ-ꓫꓸ ꓐꓴ ꓬꓲꓸ ꓡꓲꓽ ꓟꓽ ꓛꓳ ꓞꓳ ꓢꓰꓼ ꓪ ꓢꓰꓼ ꓟ ꓔꓯ ꓣꓳ ꓮ ꓙꓵꓽ ꓕꓼ ꓙꓵꓹ ꓛꓲꓳ” ꓐꓰ ꓐꓯ ꓝꓸ ꓩꓴ ꓡ ꓡꓳ꓿
ꓣ-ꓫꓸ ꓐꓰ ꓬꓴ-ꓗ-ꓣꓲꓸ ꓟꓯꓼ ꓠꓬꓲꓽ ꓛꓱꓽ ꓖꓪ ꓙꓱ ꓡꓯ ꓘꓳˍ ꓟ 3 ꓧꓪꓹ ꓙꓳ ꓗꓷ ꓥ ꓟꓲ ꓠꓬꓲꓸ ꓠꓬꓲ ꓗꓪ ꓛꓲ ꓟꓯꓼ ꓘꓶꓽ ꓠꓬ ꓡꓲꓽ ꓡꓲꓽ ꓙꓳ ꓔꓬ ꓢꓰꓽ ꓡꓳ꓿ ꓬꓴ-ꓗ-ꓣꓲꓸ ꓗꓴꓷꓼ ꓗꓪ ꓐꓰ ꓟꓯꓼ ꓛꓰꓹ ꓙꓰ ꓢꓴ 2 ꓪꓹ ꓛꓲ ꓙꓳ ꓡꓰꓳ ꓐꓰ ꓫꓱꓸ ꓤꓼ ꓟꓬꓱꓽ ꓬꓰ ꓙ ꓜꓴ ꓡꓰ ꓐꓯ ꓔꓸ ꓡꓳ꓿