ꓣ-ꓫꓸ ꓠꓬ ꓟꓬ-ꓟ ꓟꓯꓼ ꓬꓰ ꓔꓬ ꓟ ꓚꓱꓹ ꓔꓯ ꓔꓺ ꓙ ꓔꓳꓹ ꓙ

ꓣ-ꓫꓸ ꓐꓶ ꓗꓴꓷꓼ ꓔꓯ ꓟꓳꓸ ꓢꓲꓽ ꓒꓽ ꓢ-ꓙꓬ-ꓡꓼ-ꓬꓳꓼ (Sergey Lavrov) ꓠꓬ ꓠꓬꓲꓸ ꓠꓬꓲ 2022 ꓘꓳꓼ 8 ꓦ 3 ꓠꓬꓲ ꓕꓯꓽ ꓠꓯ-ꓑꓲ-ꓓꓳ ꓗꓪ ꓟꓬ-ꓟ ꓟꓯꓼ ꓗꓳ-ꓢꓰ ꓢꓽ ꓡ ꓙꓵꓽ ꓟꓰꓹ-ꓮꓳ-ꓡꓮꓲꓽ ꓔꓯ ꓜꓲ ꓡꓯ ꓘꓳ ꓢꓲ꓾ ꓣ-ꓫꓸ ꓠꓬ ꓟꓬ-ꓟ ꓟꓯꓼ ꓬꓰ ꓔꓬ ꓟ ꓙ ꓖꓴ ꓔꓯ ꓔꓺ ꓙ ꓔꓳꓹ ꓙ ꓡꓳ꓾ ꓐꓰ ꓣ-ꓫꓸ ꓫꓵꓽ ꓓꓳ ꓗꓪ ꓐꓳ ꓔꓬ ꓡꓳ꓿

“ꓗꓴꓷꓼ ꓢꓲ ꓡꓲꓹ ꓡꓰ ꓠꓹ ꓟ ꓟꓬ-ꓟ ꓟꓯꓼ ꓢꓯꓼ ꓕꓵꓼ ꓔꓬ ꓟ ꓗꓪ ꓥꓪ ꓠꓴ ꓠꓬ ꓕꓲꓽ ꓔꓺ ꓔꓬ ꓥꓳ” ꓐꓰ ꓣ-ꓫꓸ ꓐꓶ ꓗꓴꓷꓼ ꓔꓯ ꓟꓳꓸ ꓢꓲꓽ ꓒꓽ ꓢ-ꓙꓬ-ꓡꓼ-ꓬꓳꓼ (Sergey Lavrov) ꓡꓰ ꓐꓯˍ ꓡꓳ꓿

2021 ꓘꓳꓼ 2 ꓦ 1 ꓠꓬꓲ ꓕ ꓑꓳꓸ ꓟꓯꓼ ꓗꓳ-ꓢꓰ ꓧꓳꓽ ꓢꓴ ꓟꓰꓹ-ꓮꓳ-ꓡꓮꓲꓽ ꓠꓬ ꓣ-ꓫꓸ ꓗꓴꓷꓼ ꓗꓪ 2 ꓧꓪꓹ ꓙꓰ ꓛꓲ ꓟ ꓥ ꓡꓳ꓿

ꓮ ꓟꓶ ꓡˍ ꓟ ꓚꓱꓹ ꓔꓯ ꓟꓳꓸ ꓶ ꓡꓯꓼ ꓔꓯꓸ ꓡ ꓐꓰ꓾ ꓟꓯꓼ ꓶ ꓤ ꓪꓴꓽ ꓠꓹ ꓟ ꓡˍ ꓟ ꓥ ꓡꓳ꓾ ꓐꓰ ꓢꓪꓼ ꓢꓴ ꓐꓴ ꓡꓰ ꓐꓯ ꓔꓬ ꓟ ꓙꓳ ꓡꓳ꓿