ꓣ-ꓫꓸ ꓙꓼ ꓞꓶ ꓪꓴ ꓗꓳ-ꓟꓲ-ꓔꓲ

ꓟꓬ-ꓟ ꓟꓯꓼ ꓗꓳ-ꓢꓰ ꓡꓰ ꓣ-ꓫꓸ ꓙꓼ ꓞꓶ ꓪꓴꓻ ꓠꓹ ꓟ ꓗꓳ-ꓟꓲ-ꓔꓲ ꓕꓲꓽ ꓟ ꓒꓴ ꓗꓷꓳ꓾ ꓐꓰ ꓟꓯꓼ ꓔꓯ ꓟꓳꓸ ꓫꓸ ꓕꓱ ꓢꓴ ꓜꓳ-ꓟꓰꓹ-ꓕꓴꓸ ꓡꓰ ꓐꓯ ꓡꓳ꓿

ꓖꓳꓗꓪ ꓟꓯꓼ ꓜꓲꓽ ꓗꓽ ꓟꓰꓹ-ꓮꓳ-ꓡꓮꓲꓽ ꓤꓽ ꓗꓳ-ꓑꓶ-ꓠꓲ Yetagon Energy Trading꓾ ꓗꓐꓜ꓾ ꓢꓔꓮꓣ ꓧꓲꓖꓧ꓾ ꓐꓳꓚ꓾ ꓟꓰꓚ ꓜꓴ ꓐꓴ ꓚꓬꓼ ꓔꓺ ꓔꓬ ꓡꓳ꓿

ꓙꓼ ꓧꓪ ꓞꓶ ꓪꓴꓻ ꓗꓳ-ꓟꓲ-ꓔꓲ ꓗꓪ (10) ꓣꓳ ꓔꓺ ꓔꓬ ꓢꓲ꓾ ꓗꓳ-ꓟꓲ-ꓔꓲ ꓜꓴ ꓢꓽ ꓡ ꓙꓵꓽ ꓠꓬ ꓟꓰꓚ ꓢꓽ ꓡ ꓙꓵꓽ ꓟꓯꓼ ꓜꓲꓽ ꓠꓬꓳ-ꓢꓳꓸ ꓥ ꓡꓳ꓿ ꓮ ꓙꓵꓽ ꓠꓬ ꓟꓯꓼ ꓐꓰ ꓟꓯꓼ ꓔꓯ ꓔꓺ ꓢꓴ ꓗꓳ-ꓑꓶ-ꓠꓲ ꓶ ꓡꓯꓼ ꓜꓴ ꓢꓲꓺ ꓒꓽ ꓐꓴ ꓥ ꓡꓳ꓿

ꓗꓳ-ꓟꓲ-ꓔꓲ ꓕꓱ ꓟ ꓠꓬ ꓣ-ꓫꓸ ꓗꓪ ꓐꓰ ꓙꓼ ꓞꓶ ꓪꓴꓻ ꓢꓲꓸ ꓟꓬ-ꓟ ꓕꓲ ꓗꓴꓷꓼ ꓡꓱꓸꓼ ꓔꓱꓽ ꓩꓴ ꓠꓹ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓮ ꓡꓲ ꓕꓲ ꓠꓬꓲ ꓗꓪ ꓐꓰ ꓣ-ꓫꓸ ꓙꓼ ꓞꓶ ꓪꓴꓻ ꓠꓹ ꓟ ꓟꓽ ꓐꓯ ꓔꓸ꓿

ꓟꓬ-ꓟ ꓗꓴꓷꓼ ꓡꓳ ꓒꓱ ꓮ ꓟꓬꓹ ꓗꓪ ꓙꓼ ꓞꓶ ꓪꓴꓻ ꓪ ꓟꓽ ꓓ ꓗꓷ ꓡꓰˍ ꓟ ꓙꓳ ꓔꓬ ꓡꓳ꓿