ꓣ-ꓫꓸ ꓗꓪ ꓟꓯꓼ 3 ꓢꓯꓹ ꓟꓽ ꓬꓰ ꓟꓽ ꓓ ꓕꓵꓼ ꓪ ꓑꓶꓸ ꓓꓴ ꓮ-ꓖꓴ-ꓢꓲ ꓟꓵꓽ (Irkutsk) ꓗꓪ ꓐꓰ ꓟꓯꓼ ꓗꓶ ꓠꓹ ꓟ ꓡ ꓔꓳꓼ ꓢꓴ ꓐꓴ ꓔꓯ ꓬꓲꓸ ꓪ ꓫꓵꓽ ꓪꓳꓼ ꓐꓴ ꓠꓰ ꓧꓪꓸ ꓧꓪꓸꓼ ꓐꓯ ꓩꓴ ꓡ ꓠꓬꓲ꓾ ꓟꓯꓹ ꓕꓸ ꓦꓲ ꓒ ꓕꓲ ꓗꓪ ꓞꓳ ꓤ ꓬꓲ ꓡꓴꓽ ꓐꓱ ꓡꓰ ꓐꓰ ꓗꓹ ꓡꓳ꓿
ꓮ-ꓖꓴ-ꓢꓲ ꓟꓵꓽ (Irkutsk) ꓠꓬ ꓟꓴ-ꓖꓴ-ꓡꓲ-ꓬ ꓗꓴꓷꓼ ꓒ ꓕꓲ ꓗꓪ ꓟ ꓣ-ꓫꓸ ꓗꓴꓷꓼ ꓟꓵꓽ ꓥ ꓡꓳ꓿
ꓣ-ꓫꓸ ꓠꓬ ꓬꓴ-ꓗ-ꓣꓲꓸ ꓟꓵꓽ ꓔꓯ ꓦꓴ ꓔꓬ ꓢꓲ꓾ ꓟꓯꓼ ꓬꓲꓸ ꓫꓵꓼ 3 ꓢꓯꓹ ꓣꓳ ꓤꓹ ꓠꓹ ꓟ ꓣ-ꓫꓸ ꓗꓴꓷꓼ ꓪꓴꓸ ꓓꓵ ꓑꓴ-ꓔꓲ ꓡꓰ ꓕꓵꓼ ꓪ ꓓꓳ ꓩꓴ ꓡ ꓟ ꓥ ꓡꓳ꓿
ꓕꓵꓼ ꓪ ꓕꓱ ꓟ ꓑꓶꓸ ꓓꓴ ꓗꓴꓷꓼ ꓗꓪ ꓐꓰ ꓔꓶꓹ ꓛꓰꓹ ꓙꓰ ꓢꓴ ꓙꓳˍ ꓟ ꓡꓰ ꓐꓰ꓾ ꓟꓯꓼ ꓬꓰ ꓠꓹ ꓟ ꓢꓯꓼ ꓕꓵꓼ ꓔꓬ ꓢꓴˍ ꓟꓲ ꓕꓱ ꓡꓱ ꓙꓳ ꓔꓬ ꓡꓳ꓿