ꓣ-ꓫꓸ ꓕꓲ ꓛꓱꓽ ꓗꓪ ꓚꓳꓸ ꓟꓯꓼ ꓓꓶꓽ ꓙ ꓢꓴ ꓔꓯ ꓘꓴ ꓣꓴˍ ꓡꓳ

ꓟꓵ ꓗꓳ ꓓꓵ ꓓꓵ ꓗꓪ ꓐꓰ ꓣ-ꓫꓸ ꓕꓲ ꓛꓱꓽ ꓗꓪ ꓦꓰꓼ ꓢꓲꓸ ꓟꓯꓼ ꓓꓶꓽ ꓙ ꓠꓲꓹ ꓫꓵ ꓢꓴ ꓐꓴ ꓔꓯ ꓘꓴ ꓣꓴˍ ꓡꓳ꓾ ꓐꓰ ꓣ-ꓫ ꓗꓴꓷꓼ ꓙꓵꓽ ꓒ ꓑꓴ-ꓔꓲ ꓡꓰ 2022 ꓘꓳꓼ 3 ꓦ 11 ꓠꓬꓲ ꓕꓯꓽ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿

“ꓟꓲ ꓠꓯ ꓠꓲꓹ ꓟ (ꓐꓶꓽ ꓓꓳ ꓔꓱꓹ ꓫꓵ) ꓟꓵꓽ ꓗꓪ ꓐꓰ ꓟꓯꓼ 16ꓹ000 ꓣꓳ ꓠꓬ ꓡ ꓓꓴ ꓕꓵꓼ ꓡꓵꓸ ꓬꓰ ꓔꓬꓳ” ꓐꓰ ꓑꓴ-ꓔꓲ ꓡꓰ ꓐꓯˍ ꓡꓳ꓿

ꓑꓴ-ꓔꓲ ꓐꓯˍ ꓟ ꓟꓯꓼ ꓖꓳ ꓟ ꓠꓬ ꓢꓰ-ꓣꓲꓸ-ꓬꓸ ꓟꓯꓼ ꓐꓴ ꓥ ꓡꓲꓸ ꓟꓽ ꓢꓷꓸ ꓐꓰ ꓴꓢꓮ ꓐꓴ ꓢꓪꓼ ꓔꓬ ꓡꓳ꓿ ꓮ ꓫꓵ ꓔꓸ ꓠꓰ ꓐꓯ ꓠꓬ ꓣ-ꓫꓸ ꓐꓰ ꓢꓰ-ꓣꓲꓸ-ꓬꓸ ꓠꓬ ꓛꓳ ꓒꓯꓹ ꓗꓴꓷꓼ ꓥꓳ꓿ ꓣ-ꓫ ꓡꓰ ꓢꓰ-ꓣꓲ-ꓬ ꓗꓴꓷꓼ ꓙꓵꓽ ꓢꓴ ꓮ-ꓢꓼ ꓔꓯ ꓟꓯꓼ ꓶ ꓤ ꓐꓰ ꓢꓷ ꓠꓲꓹ ꓔꓳꓹ ꓙ ꓔꓬ ꓟ ꓥꓳ꓿

ꓬꓴ-ꓗ-ꓣꓲꓸ ꓗꓴꓷꓼ ꓙꓵ ꓢꓴ ꓜꓲ-ꓡ ꓢ-ꓗꓲ ꓠꓬ “ꓢꓰ-ꓣꓲ-ꓬ ꓗꓪ ꓚꓳꓸ ꓟꓸ ꓟꓼ ꓠꓻ ꓢꓴ ꓞꓳ ꓘꓴꓽ ꓞꓳ ꓥꓶ ꓐꓴ ꓕꓱ ꓗꓪ ꓡ ꓢꓲꓸ ꓞꓳ ꓤ ꓢꓰꓼ ꓓꓴ ꓬꓰ ꓔꓬ ꓟ ꓥꓳ” ꓐꓰ ꓡꓯꓽ ꓔꓯꓽ ꓩꓴ ꓡ ꓡꓳ꓿

ꓬꓴ-ꓗ-ꓣꓲꓸ ꓕꓲ ꓛꓱꓽ ꓗꓪ ꓚꓳꓸ ꓥ ꓟꓲ ꓚꓲ ꓛꓬ ꓠꓲꓹ ꓡꓶꓽ ꓗꓪ ꓐꓰ ꓠꓲꓹ ꓡꓱ ꓡꓱ ꓟꓯꓼ ꓓꓶꓽ ꓙ ꓢꓴ ꓮ ꓟꓬꓹ ꓛꓲ ꓡ ꓔꓬ ꓡꓳ꓿

ꓬꓲ ꓚꓰ꓾ ꓐꓐꓚ