ꓣ-ꓠꓲ-ꓬ ꓔꓯ ꓟ-ꓡꓲ-ꓗꓲ ꓠꓰ ꓧꓪꓸ ꓬꓰꓳ

2022 ꓘꓳꓼ 12 ꓦ 3 ꓠꓬꓲ꓾ ꓒꓲ-ꓡꓲ-ꓒꓲ ꓟꓵꓽ ꓗꓪ ꓬꓰ ꓔꓬ ꓟ ꓟꓟꓮ ꓓꓶꓽ ꓡꓯ ꓘꓳ ꓑꓮꓲ ꓗꓪ ꓣ-ꓠꓲ-ꓬ ꓔꓯ ꓟ-ꓡꓲ-ꓗꓲ ꓠꓰ ꓓꓶꓽ ꓓꓳꓽ ꓧꓪꓸ ꓡꓰꓳ꓿

ꓣ-ꓠꓲ-ꓬ ꓠꓬ ꓣꓴ ꓙꓲꓽ ꓟ ꓗꓪ ꓔꓯꓺ ꓡꓯ ꓘꓳ ꓢꓴ ꓟꓽ ꓙꓳ ꓐꓯ ꓗꓪ ꓛꓲ ꓓꓻ ꓢꓴ ꓕꓲ ꓣꓳ ꓥ ꓥ ꓟꓲ꓾ ꓟ-ꓡꓲ-ꓗꓲ ꓡꓰ ꓒꓻ ꓠꓻ ꓓꓶꓽ ꓧꓪꓸ ꓡꓰ ꓟ ꓥ ꓡꓳ꓿

ꓣ-ꓠꓲ-ꓬ ꓠꓬ ꓮꓳ-ꓡꓼ ꓔꓯ ꓓꓶꓽ ꓧꓪꓸ ꓡꓰ ꓕ ꓑꓳꓸ ꓮ ꓘꓶꓸ ꓖꓴ ꓘꓹ ꓖꓴꓽ ꓡꓲꓽ ꓟꓲ ꓠꓯ ꓠꓻ ꓒꓽ (ꓢꓯꓺ ꓢꓴ) ꓬꓰ ꓔꓬ ꓟ ꓥ ꓡꓳ꓿ “ꓥꓪ ꓠꓬ ꓟꓲ ꓠꓯ ꓗꓪ ꓮ ꓡꓲꓳ ꓫꓵꓽ ꓔꓯˍ ꓟꓲ ꓔꓯꓺ ꓡꓯ ꓘꓳ ꓐ ꓡ ꓡꓳ꓿ ꓟ-ꓡꓲ-ꓗꓲ ꓔꓯ ꓓꓶꓽ ꓡꓯ ꓘꓳ ꓢꓷꓸ ꓠꓲꓹ ꓬꓲꓸ ꓫꓵꓼ ꓗꓪ ꓐꓰ ꓧꓪꓸ ꓡꓰ ꓝꓲ ꓓꓴ ꓥꓳ” ꓐꓰ ꓢꓯꓺ ꓔꓸ ꓢꓴ ꓥ ꓡꓳ꓿

ꓟ-ꓡꓲ-ꓗꓲ ꓡꓰ “ꓠꓴ ꓮ ꓡꓲꓳ ꓫꓵꓽ ꓓꓶꓽ ꓡꓯ ꓘꓳ ꓓꓴ ꓢꓷꓸ ꓠꓲꓹ ꓙꓳ ꓡꓲꓸ ꓙꓳ꓾ ꓥ ꓡꓯ ꓒꓯꓹ ꓠꓰ ꓕꓲꓽ ꓕꓶꓹ ꓚꓴꓹ ꓜꓯꓼ ꓬꓰ ꓥꓳ ꓐꓯ ꓠꓴ ꓓꓵꓽ ꓙ ꓔꓸ ꓟ ꓮ ꓙꓵꓽ ꓟꓲꓺ ꓡꓰ ꓝꓲ ꓓꓴ ꓥꓳ” ꓐꓰ ꓐꓯ ꓔꓸ ꓟ ꓡꓰ ꓐꓰ ꓚꓴꓹ ꓓꓳꓽ ꓩꓴ ꓗꓷꓳ꓿

ꓟꓬ-ꓟ ꓗꓪ ꓐꓰ ꓟꓟꓮ ꓔꓯ ꓢꓯꓼ ꓖꓶ ꓔꓬ ꓢꓴ ꓠꓬ ꓮ ꓘꓶꓸ ꓠꓲꓹ ꓘꓪ ꓫꓵꓻ ꓔꓬ ꓡꓳ꓿ ꓮ ꓡꓲꓳ ꓐꓯ ꓠꓬ ꓟꓬ-ꓟ ꓐꓴ ꓢꓯꓼ ꓖꓶ ꓔꓬ ꓢꓴ ꓮꓳ-ꓡꓼ ꓔꓯ ꓚꓴꓹ ꓧꓪꓸ ꓡꓰ ꓢꓴ ꓔꓯ ꓧꓪꓸ ꓡꓰ ꓢꓴ ꓕꓲꓽ ꓣꓳ ꓓꓳ ꓡ ꓟ ꓑꓶꓸ ꓓꓴ ꓥ ꓡꓳ꓿