ꓣ-ꓘꓮꓲ ꓟꓯꓼ ꓐꓴ ꓡꓰ ꓑ ꓫꓬ ꓙꓵꓽ ꓪ ꓦꓴ ꓟꓯꓼ ꓗꓪ ꓐꓰ ꓡ ꓛꓴꓸ 20 ꓗꓸ ꓦꓴ ꓔꓯꓹ ꓙꓰꓳ

2021 ꓘꓳꓼ 6 ꓦ 26 ꓠꓬꓲ ꓢ ꓘꓪ ꓔꓱꓹ ꓫꓵ ꓕꓲ ꓙꓵꓹ ꓗꓪ꓾ ꓣ-ꓘꓮꓲ ꓟꓵꓽ꓾ ꓚꓮꓳꓼ-ꓓꓳ ꓡꓳ ꓒꓱ꓾ ꓟ-ꓧ-ꓟꓴꓼ-ꓠꓰꓼ ꓢꓲꓺ ꓐꓬꓱꓽ ꓔꓯ ꓡꓳꓸ ꓔꓬ ꓟ ꓑ ꓫꓬ ꓙꓵꓽ ꓪ ꓦꓴ ꓟꓯꓼ ꓐꓴ ꓔꓯ ꓣ-ꓘꓮꓲ ꓟꓯꓼ ꓜꓴ ꓡꓰ ꓚꓳꓸ ꓕꓲ ꓡꓰ ꓢꓲ꓾ ꓡ ꓛꓴꓸ 20 ꓗꓸ ꓦꓴ ꓔꓯꓹ ꓙꓰꓳ ꓐꓰ ꓓꓳꓽ ꓜꓳ ꓡ ꓡꓳ= ꓣ-ꓘꓮꓲ ꓟꓯꓼ ꓜꓴ ꓐꓱ ꓶ ꓫꓸ ꓕꓱ ꓙꓵꓽ ꓪ ꓙꓳ ꓢꓴ ꓘꓮꓲ-ꓔꓴꓼ-ꓘꓼ ꓡꓰ꓾ ” ꓞꓳ ꓡꓯꓸ ꓐꓴ ꓢꓯꓼ ꓠꓵꓹ ꓠꓬꓲ ꓟ ꓥꓳ= ꓥꓪ ꓠꓴ ꓖꓪ ꓙꓱ ꓪꓽ ꓡꓰꓳ= ꓮ ꓫꓵꓽ ꓟꓽ ꓛꓲ ꓡꓰꓳ” ꓐꓯ ꓡꓳ= ꓖꓳ ꓡꓱ ꓥ ꓟꓲ ꓦꓴ ꓟꓶ ꓔꓸ ꓟ ꓡ ꓛꓴꓸ ꓡꓲꓸ ꓖꓶ ꓟꓽ ꓡꓲꓸ ꓖꓶ ꓠꓬ ꓟꓽ ꓚꓹ ꓪ ꓢꓰ= 2021 ꓘꓳꓼ 6 ꓦ 27 ꓠꓬꓲ ꓟꓶꓼ ꓡꓳ 1 ꓙꓵꓹ ꓗꓪ ꓐꓰ ꓑ ꓫꓬ ꓙꓵꓽ ꓪ ꓦꓴ ꓢꓴ ꓟꓯꓼ ꓐꓴ ꓟꓳ ꓓꓳ 7 ꓦꓲ ꓗꓪ ꓐꓰ ꓟ-ꓧ-ꓟꓴꓼ-ꓠꓰꓼ ꓢꓲꓺ ꓐꓬꓱꓽ ꓗꓪ ꓜꓯꓼ ꓡ ꓡꓳ꓾ ꓐꓰ ꓖꓳ ꓕꓲ ꓟꓵꓽ ꓗꓪ ꓟ ꓡ ꓞꓳ ꓐꓴ ꓡꓰ ꓡꓳꓸ ꓟꓳ ꓡꓳ= ꓮ ꓠꓲꓹ ꓕꓲ ꓘꓳꓼ ꓗꓪ ꓛꓲ ꓣ-ꓘꓮꓲ ꓟꓵꓽ ꓗꓪ ꓢꓰꓼ ꓡꓯ ꓘꓳ ꓟ ꓟꓯꓼ ꓘꓶꓽ ꓮ ꓘꓶꓸ ꓙꓳ ꓡꓳ= ꓣ-ꓘꓮꓲ ꓟꓯꓼ (ꓮꓮ) ꓐꓰ꓾ ꓑ ꓫꓬ ꓙꓵꓽ ꓪ ꓦꓴ ꓟꓯꓼ ꓟꓽ ꓢꓰꓼ ꓡꓯ ꓘꓳ ꓟ ꓦ ꓐ 8 ꓟ ꓖꓼ ꓡꓯꓼ ꓖꓼ ꓙꓲ ꓡꓳꓼ ꓡ ꓟ ꓥꓳ=