ꓮ ꓟꓶ ꓕꓳ ꓦꓲ ꓗꓪ ꓣꓴ ꓡꓴꓽ ꓔꓸ ꓢꓴ꓾ ꓐꓯ ꓟꓴ ꓚꓲꓸ ꓚ ꓔꓬ ꓟ ꓫꓵꓽ ꓪꓴ ꓕꓲ ꓐꓱ ꓔꓯ ꓫꓵꓽ ꓪꓴ ꓑꓲꓸ ꓩꓴ ꓢꓲꓸ ꓡꓲꓹ ꓖꓶ ꓓꓴ ꓥꓳ ꓐꓰ꓾ ꓑ ꓫꓬ ꓙꓵ ꓪ ꓦꓴ ꓢꓴ ꓐꓴ ꓡꓰ ꓠꓬꓲꓸ ꓠꓬꓲ 2021 ꓘꓳꓼ 7 ꓦ 20 ꓠꓬꓲ ꓕꓯ ꓕꓳ ꓶ ꓓꓳ ꓩꓴ ꓡ ꓡꓳ꓿
ꓫꓵꓽ ꓪꓴ ꓑꓲꓸ ꓖꓶ ꓓꓴ ꓐꓯ ꓟ ꓗꓪ ꓢꓲꓹ ꓘꓴꓽ ꓢꓴ꓾ ꓬꓲꓼ ꓡ ꓟ ꓶ ꓡꓯꓼ ꓬꓰ ꓢꓴ꓾ ꓖꓳ ꓪꓴꓽ ꓟ ꓟꓬꓱꓽ ꓬꓰ ꓢꓴ꓾ ꓚꓲꓸ ꓬꓯ ꓑꓶꓹ ꓢꓴ꓾ ꓡ ꓛꓴꓸ ꓑꓳ ꓧꓪ ꓟꓶ ꓢꓴ ꓕꓱ ꓡꓱꓳ ꓫꓵꓽ ꓬꓰ ꓢꓴ ꓐꓴ ꓔꓯ ꓡꓲꓹ ꓖꓶ ꓠꓹ ꓟ ꓐꓯ ꓔꓸ ꓡꓳ꓿
ꓝꓮꓲ ꓕꓲ ꓒꓳꓹ ꓗꓪ ꓠꓬ꓾ ꓗꓴꓷꓼ ꓐꓱ ꓶ ꓟꓬꓱꓽ ꓬꓰ ꓢꓴ ꓞꓳ ꓪꓴꓽ ꓞꓳ ꓔꓲ ꓮ ꓟꓬꓹ ꓔꓯ ꓣꓴ ꓡꓴꓽ ꓔꓸ ꓢꓲ꓾ ꓠꓬꓲꓸ ꓠꓬꓲ ꓠꓬ ꓠꓡꓓ ꓗꓪ ꓐꓰ ꓠꓬꓮꓽ-ꓪꓰꓸ (Nyan Win, 79 ꓘꓳꓼ) ꓠꓬ ꓐꓱ ꓓꓴꓽ ꓗꓪ ꓡꓴꓽ ꓔꓸ ꓕꓯ ꓚꓳꓦꓲꓓ-19 ꓚꓲꓸ ꓡꓰ ꓢꓲꓸ ꓫꓵꓻꓳ꓿ ꓮ ꓟꓶ ꓥ ꓟꓲ ꓑ ꓫꓬ ꓐꓴ ꓡꓰ ꓢꓲꓻ ꓔꓸ ꓟ ꓧꓳꓽ ꓪꓴ ꓟꓴ ꓢꓴ ꓐꓴ ꓗꓪ ꓐꓰ꓾ ꓧ-ꓔ-ꓟꓲꓼ (Han That Myint)꓾ ꓒꓬꓳꓹ-ꓟꓲꓸ-ꓔꓲ (Phyo Min Then)꓾ ꓠꓮꓲꓽ-ꓥ-ꓡꓲ (Naming Nga Lin)ꓹ ꓐꓴ ꓐꓱ ꓓꓴꓽ ꓗꓪ ꓚꓳꓦꓲꓓ-19 ꓠꓻ ꓔꓬ ꓡꓳ꓿