ꓣꓳ-ꓦꓲ-ꓙ ꓞꓳ ꓫꓵꓽ ꓐꓰ ꓕꓲ ꓛꓳ ꓠꓱꓸ ꓐꓯꓼ ꓮ ꓙꓵꓽ ꓢꓴ ꓪ ꓙꓲꓽ ꓙꓳ- ꓟ ꓶꓽ ꓐꓱ ꓶ ꓪꓴꓸ ꓓꓵ ꓠꓬꓲꓽ ꓐꓶ ꓢꓯꓼ ꓕꓵꓼ ꓓꓴ ꓥꓳ ꓐꓰ꓾ ꓠꓴꓖ ꓗꓴꓷꓼ ꓙꓵꓽ ꓜꓴ꓾ ꓤ ꓟꓶꓼ ꓤ꓾ ꓞꓳ ꓡꓱ ꓐꓰ ꓤ ꓠꓱ ꓜꓴ ꓟꓬꓱꓽ ꓢꓲꓽ ꓟ ꓓ ꓟ ꓠꓬꓲ ꓣꓳ ꓕꓲ ꓣꓳ ꓡꓰ ꓠꓬꓲꓸ ꓠꓬꓲ 2021 ꓘꓳꓼ 8 ꓦ 25 ꓠꓬꓲ ꓗꓪ ꓢꓷ ꓙ ꓟꓴ ꓙ ꓩꓴ ꓡ ꓡꓳ꓿
2017 ꓘꓳꓼ 8 ꓦ 25 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓟꓬ-ꓟ ꓟꓯꓼ ꓡꓰ ꓧꓪꓸ ꓛꓲ ꓧꓪꓸ ꓠꓬꓲ ꓜꓲ ꓜꓲ ꓑꓰꓹ ꓑꓰꓹ ꓢꓰꓼ ꓡ ꓟ ꓑꓶꓸ ꓓꓴ ꓣꓳ-ꓦꓲ-ꓙ 6 ꓢꓯꓹ ꓣꓳ ꓟꓽ ꓞꓲ ꓐꓲ-ꓖ-ꓡ-ꓓꓯ-ꓫꓲ ꓗꓴꓷꓼ ꓗꓪ ꓔꓷꓹ ꓓꓵꓽ ꓚꓬ ꓔꓬ ꓟ ꓠꓬꓲꓸ ꓠꓬꓲ ꓗꓪ ꓛꓲ ꓥ ꓡꓳ꓿
ꓠꓬꓲ ꓠꓬꓲ ꓖꓳ ꓡꓱ ꓛꓰꓹ ꓙꓰ ꓟ 4 ꓘꓳꓼ ꓐꓲ ꓡ ꓟ ꓦꓬꓼ ꓠꓬꓲ ꓗꓪ꓾ ꓣꓳ-ꓦꓲ-ꓙ ꓐꓴ ꓐꓱ ꓶ ꓦꓰꓼ ꓔꓴ ꓫꓸ ꓕꓱ ꓙ ꓢꓴ ꓕꓱ ꓡꓱ ꓓꓳ ꓡ ꓟ ꓐꓰ꓾ ‘ꓖꓶ ꓬꓲꓽ ꓦꓬꓼ ꓠꓬꓲ ꓬꓰ ꓡꓯ” ꓐꓯ ꓢꓲ ꓖꓶ ꓬꓲꓽ ꓔꓬ ꓢꓴ ꓙꓳ ꓡꓳ꓿