ꓣꓳ-ꓦꓲ-ꓙ ꓐꓴ ꓟꓮꓳ-ꓔꓳꓸ ꓗꓪ ꓬꓲꓸ ꓪꓴꓸ ꓕꓲꓽ ꓧꓪꓹ ꓕꓻ ꓠꓬꓲ ꓡ

2017 ꓘꓳꓼ ꓕꓯ ꓐꓲ-ꓖ-ꓡ-ꓓꓯ-ꓫꓵ ꓗꓪ ꓛꓰꓹ ꓑꓬ ꓙꓰ ꓢꓴ ꓣꓳ-ꓦꓲ-ꓙ ꓐꓴ ꓟꓬ-ꓟ ꓗꓴꓷꓼ ꓗꓪ ꓡꓽ ꓡ ꓠꓹ ꓟ ꓬꓲꓸ ꓪ ꓐꓱ ꓶ ꓙ ꓖꓶ ꓔꓸ ꓟ ꓟꓵꓽ ꓗꓪ ꓮ ꓡꓲ ꓡꓲ ꓥ ꓟ 2023 ꓘꓳꓼ 5 ꓦ 5 ꓠꓬꓲ ꓕꓯꓽ ꓬꓲꓸ ꓪꓴꓸ ꓕꓲꓽ ꓧꓪꓸ ꓕꓻ ꓠꓬꓲ ꓡ ꓡꓳ꓿

ꓕꓱ ꓕꓲ ꓜꓴ ꓗꓪ ꓐꓲ-ꓖ-ꓡ-ꓗꓴꓷꓼ ꓟꓬꓱꓽ ꓟꓯꓻ ꓢꓴ (7) ꓣꓳˍ ꓐꓰ꓾ ꓣꓳ-ꓦꓲ-ꓙ ꓬꓯꓽ ꓐꓯꓽ ꓝꓲ ꓓꓴ (20) ꓣꓳ ꓠꓬ ꓟꓮꓳ-ꓔꓳꓸ ꓗꓪ ꓖꓼ ꓛꓳꓽ ꓔꓬ ꓡꓳ꓿

ꓔꓮꓳ-ꓑꓲꓳ꓾ ꓡꓯꓼ-ꓪꓯꓹ꓾ ꓥ-ꓘꓴ-ꓬꓼ꓾ ꓡꓼ-ꓒꓴꓸ-ꓘꓮꓳꓽ ꓔꓬ ꓖꓴ ꓟꓵꓽ ꓗꓪ ꓖꓼ ꓛꓳꓽ ꓚꓳꓻ ꓙꓰ ꓔꓬ ꓟ ꓥ ꓡꓳ꓿

ꓧꓶꓽ ꓗꓴꓷꓼ ꓝꓲ ꓓꓴ ꓟꓬ-ꓟ ꓗꓴꓷꓼ ꓗꓪ ꓡ ꓗꓸ ꓠꓯꓸ ꓗꓴꓷꓼ ꓟꓬꓱꓽ ꓑꓶꓸ ꓓꓴ ꓐꓱ ꓓꓴꓽ ꓗꓪ ꓡꓴꓽ ꓔꓸ ꓢꓴ ꓡꓲꓹ ꓩꓴ ꓡ ꓟ ꓐꓰ꓾ ꓮ ꓟꓶ ꓣꓳ-ꓦꓲ-ꓙ ꓐꓴ ꓔꓯ ꓘꓴ ꓣꓴ ꓡꓽ ꓠꓹ ꓟ ꓚꓱꓹ ꓬꓰ ꓓꓳ ꓡ ꓟ ꓥ ꓡꓳ꓿