ꓢꓷꓸ ꓠꓲꓹ ꓕꓳ ꓶ ꓟꓸ ꓒ꓾ ꓗꓴꓷꓼ ꓟꓬꓱꓽ ꓬꓰ ꓒ꓾ ꓡꓽ ꓛꓴꓸ ꓔꓯꓹ ꓢꓲ ꓒꓳꓹ ꓔꓳꓹ ꓒꓽ ꓟꓹ-ꓙꓳ-ꓠꓰ

ꓧꓶꓸ ꓕꓯ ꓢꓷꓸ ꓠꓲꓹ ꓕꓳ ꓶ ꓟꓸ ꓒ꓾ ꓗꓴꓷꓼ ꓟꓬꓱꓽ ꓬꓰ ꓒ ꓟꓹ-ꓙꓳ-ꓠꓰ ꓠꓬ ꓟꓬ-ꓟ ꓗꓴꓷꓼ ꓙꓵꓽ ꓪ ꓦꓴ ꓢꓴ ꓟꓯꓼ ꓐꓴ ꓔꓯ ꓡꓽ ꓛꓴꓸ ꓔꓯꓹ ꓢꓲꓸ ꓒꓳꓹ ꓔꓳꓹ ꓢꓴ ꓒꓬꓱꓼ ꓡ ꓡꓳ꓿

ꓞꓳ ꓪꓴꓽ ꓟꓹ-ꓙꓳ-ꓠꓰ ꓠꓬ 1990 ꓘꓳꓼ꓾ 2012ꓘꓳꓼ꓾ 2015 ꓘꓳꓼ ꓐꓰ꓾ 2020 ꓘꓳꓼ ꓑ ꓫꓬ ꓝꓲ ꓓꓴ ꓢꓲꓻ ꓣꓴ ꓑꓮꓲ ꓗꓪ ꓧꓪꓸ ꓡꓰ ꓔꓸ ꓢꓴ꓾ ꓑ ꓫꓬ ꓐꓴ ꓠꓲꓹ ꓠꓵ ꓟ ꓞꓳ ꓪꓴꓽ ꓕꓲ ꓣꓳ ꓥ ꓡꓳ꓿

ꓬꓲ ꓠꓬ 2016 ꓘꓳꓼ 3 ꓦ 30 ꓠꓬꓲ ꓗꓪ ꓐꓰ 2018 ꓘꓳꓼ 1 ꓦ 9 ꓠꓬꓲ ꓗꓪ ꓛꓲ ꓲ-ꓬ-ꓪ-ꓓꓲ ꓟꓵꓽ ꓫꓴ ꓙꓵꓽ ꓢꓲꓽ ꓒꓽ ꓓꓽ ꓟ ꓟꓬꓱꓽ ꓬꓰ ꓗꓷ ꓢꓴ ꓥ ꓢꓲ꓾ ꓮ ꓟꓶ ꓬꓲ ꓡ ꓛꓴꓸ ꓔꓯꓹ ꓢꓲ ꓑ ꓫꓬ ꓐꓱ ꓶ ꓦꓰꓼ ꓔꓴ ꓡ ꓟ ꓦꓬꓼ ꓠꓬꓲ ꓗꓪ ꓠꓬ ꓬꓲ ꓞꓲꓼ 79 ꓘꓳꓼ ꓙꓳ ꓡꓳ꓿

Photo – Dawkalu Network