ꓢꓴ-ꓠꓲ-ꓢ-ꓡꓰꓹ ꓦꓬꓼ ꓠꓬꓲ

ꓙ-ꓑ ꓟꓵ꓾ ꓔꓳ-ꓚꓳ ꓡꓳ ꓒꓱ ꓗꓪ ꓣꓱꓽ ꓬꓰ ꓔꓬ ꓟ ꓳ-ꓡ-ꓑꓲꓼ ꓡꓳ ꓖꓪ ꓑꓮꓲ ꓗꓪ ꓴꓢꓮ ꓗꓴꓷꓼ ꓐꓱ ꓶ ꓫꓵꓺ ꓘꓪꓸ ꓧꓪꓸ ꓡꓰ ꓢꓴ꓾ ꓴꓢꓮ ꓟꓲ-ꓠꓲ-ꓢꓳꓸ-ꓔ ꓗꓪ ꓔꓬ ꓢꓴ꓾ ꓟꓳꓠꓖ ꓞꓳ ꓫꓵꓽ ꓢꓴ-ꓠꓲ-ꓢ-ꓡꓰꓹ ꓔꓯ ꓟꓬꓱꓽ ꓓꓳꓽ ꓓꓽ ꓟ ꓖꓶ ꓢꓲ꓾ ꓠꓬꓲꓸ ꓠꓬꓲ ꓠꓽ ꓥꓪꓽ ꓠꓬꓲ ꓔꓯ “ꓢꓴ-ꓠꓲ-ꓢ-ꓡꓰꓹ ꓦꓬꓼ ꓠꓬꓲ” ꓥ ꓡꓳ ꓐꓰ꓾ ꓟꓲ-ꓠꓲ-ꓢꓳꓸ-ꓔ ꓟꓵꓽ ꓫꓴ ꓙꓵꓽ ꓢꓲꓽ ꓒ ꓐꓴ ꓡꓰ ꓐꓯ ꓒꓬꓱ ꓩꓴ ꓡ ꓡꓳ꓿

“ꓥꓪ ꓠꓴ ꓮ ꓘꓶꓸ ꓟꓬꓱ ꓓꓳ ꓖꓶ ꓔꓬ ꓥꓳ꓿ ꓟꓬꓱ ꓓꓳꓽ ꓫꓵꓺ ꓘꓪꓸ ꓔꓯꓹ ꓢꓲꓸ ꓦꓲ ꓗꓪ ꓧꓪꓸ ꓧꓪꓸꓼ ꓬꓲꓼ ꓛꓲ ꓡ ꓝꓯ” ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓢꓴ-ꓢ-ꓠ-ꓡꓰꓹ ꓔꓯ ꓟꓬꓱ ꓓꓳꓽ ꓖꓶ ꓘꓳ ꓣꓴ ꓘꓶꓽ ꓫꓸ ꓕꓱ ꓩꓴ ꓡ ꓡꓳ꓿

Ref: USA Today