ꓢꓴ-ꓟ-ꓡꓲ-ꓬ ꓗꓪ ꓙꓱ ꓦꓲ ꓡꓯꓼ ꓥꓪꓺ ꓞꓰ ꓓꓳꓽ ꓬꓰ꓾ ꓜꓶꓽ ꓢꓴ ꓕꓲ ꓣꓳ ꓡꓰꓸ ꓟꓽ ꓫꓵꓻ

2022 ꓘꓳꓼ 7 ꓦ 18 ꓠꓬꓲ꓾ ꓢꓴ-ꓟ-ꓡꓲ-ꓬ ꓗꓴꓷꓼ꓾ ꓟꓴ-ꓖ-ꓓꓲꓼ-ꓫꓴꓸ ꓡꓳ ꓒꓱ ꓗꓪ ꓙꓱ ꓦꓲ ꓕꓲ ꓦꓲ ꓥꓪꓽ ꓡ ꓟ ꓗꓪ ꓡꓯꓼ ꓥꓪꓺ ꓞꓰ ꓓꓳꓽ ꓬꓰ ꓥ ꓟꓲ꓾ ꓜꓶꓽ ꓡ ꓢꓴ (36) ꓣꓳ ꓠꓬ ꓕꓲ ꓣꓳ ꓡꓰꓸ ꓟꓽ ꓫꓵꓻ꓿

ꓞꓰ ꓬꓰˍ ꓟ ꓙꓱ ꓦꓲ ꓠꓬ ꓐꓮꓲ-ꓓꓳ-ꓧ (Baidoa) ꓡꓳ ꓒꓱ ꓗꓪ ꓐꓰ ꓟꓴ-ꓖ-ꓓꓲꓼ-ꓫꓴꓸ ꓡꓳ ꓒꓱ ꓗꓪ ꓡˍ ꓟ Fokker 50 ꓕꓲꓽ ꓩꓴꓸ ꓟ ꓥ ꓢꓲ꓾ Jubba Airways ꓔꓯꓸ ꓟ ꓥ ꓡꓳ꓿

ꓢꓯꓸ ꓐꓬꓱꓽ ꓗꓪ ꓙꓱ ꓦꓲ ꓥꓪꓽ ꓡ ꓟꓶꓼ ꓕꓱꓼ ꓡꓯꓽ ꓟꓰꓹ ꓡꓱꓸ ꓓꓳꓽ ꓡ ꓢꓲꓸ ꓮ ꓔꓳꓸ ꓒꓳꓹ ꓓꓳꓼ ꓡ ꓥ ꓟꓲ꓾ ꓮ ꓔꓳꓸ ꓢꓰꓼ ꓙ ꓢꓴ ꓐꓴ ꓠꓲꓹ ꓞ ꓠꓲꓹ ꓧꓳꓽ ꓔꓷꓹ ꓡ ꓢꓲꓸ ꓙꓱ ꓦꓲ ꓘꓴꓽ ꓗꓪ ꓟ ꓡ ꓞꓳ ꓐꓴ ꓔꓯ ꓚꓬꓴꓹ ꓙ ꓗꓷ ꓟ ꓥ ꓡꓳ꓿ ꓖꓳ ꓗꓸ ꓠꓯꓸ ꓠꓬ ꓮ ꓔꓳꓸ ꓙꓬ ꓖꓪꓽ ꓬꓰ ꓡꓳ꓿

ꓮ ꓡꓲ ꓡꓲ ꓗ ꓬꓰˍ ꓟ ꓔꓯ ꓚꓲꓸ ꓚ ꓓꓳ ꓡꓰ ꓠꓬ ꓓꓳꓽ ꓢꓷꓸ ꓖꓶꓽ ꓓꓴ ꓥꓳ ꓐꓰ ꓙꓱ ꓦꓲ ꓢꓲꓺ ꓒꓽ ꓗꓳ-ꓑꓶ-ꓠꓰ Jubba Airways ꓡꓰꓽ ꓐꓯ ꓔꓸ ꓡꓳ꓿

ꓬꓲꓸ ꓚꓰ꓾ Reuters