(123) ꓕꓲ ꓙꓱꓼ ꓡꓱꓼ – ꓮ ꓘꓶꓸ ꓠꓬꓱˍ ꓟ꓾ ꓮ ꓘꓶꓸ ꓗꓳꓸˍ ꓟ꓾ ꓕꓶꓸ ꓥꓳꓽ ꓟꓽ ꓜꓯꓼ꓾ ꓬꓲꓸ ꓬꓯꓻ ꓓꓳ ꓠꓬꓹ ꓟ ꓗꓪ ꓬꓲꓸ ꓮ ꓬꓲꓼ ꓛꓲ ꓡ ꓕꓽ ꓕꓲ ꓙꓱꓼ ꓡꓱꓼ ꓔꓷꓹ ꓙꓰꓳ=(124) ꓕꓲ ꓛꓱꓸ ꓡꓱꓼ – ꓓꓵꓽ ꓙ ꓕꓲ ꓘꓴ ꓔꓯ ꓟꓽ ꓢ ꓟꓽ ꓢ ꓬꓰ ꓟ= ꓠꓬꓲꓽ ꓧꓪꓸ ꓟꓽ ꓓꓵꓽ ꓙ ꓢꓴ꓿ꓞꓳ ꓜꓴ ꓟꓬꓱꓽ ꓗꓪ ꓠꓽ ꓠꓲꓹ ꓟ ꓕꓲꓽ ꓛꓱꓸ ꓡꓱꓼ ꓬꓰ ꓟꓽ ꓓ= ꓖꓪ ꓙꓱ ꓖꓪ ꓟꓴ ꓠ ꓔꓸ ꓥ= ꓮ-ꓒꓴ ꓫꓶꓹ ꓟ ꓠꓽ ꓕꓲꓽ ꓛꓱꓸ ꓡꓱꓼ ꓬꓰ ꓚꓽ ꓥ= ꓬꓲꓸ ꓬꓰ ꓠꓲꓹ ꓫꓵˍ ꓟ ꓔꓯ ꓠꓽ ꓛꓱꓸ ꓡꓱꓼ ꓡꓱꓼ ꓡꓰ ꓡꓱꓼ ꓔꓸꓳ ꓫꓵꓽˍ ꓟꓼ=(125) ꓠꓬꓹ ꓟꓽ ꓟꓶ – ꓡꓯꓼ ꓟꓽ ꓕꓱꓼ꓾ ꓟꓽ ꓗꓸ ꓘꓳ꓾ ꓬꓰ ꓙꓵꓹ ꓟꓽ ꓙꓳ= ꓮ ꓠꓯ ꓞꓳ ꓤꓽ ꓬꓲꓸ ꓔꓴ ꓣꓳ ꓔꓯ ꓜ ꓚꓸ ꓠꓬꓹ ꓢꓲꓸ ꓫꓸ ꓪ ꓖꓶ ꓕꓱ ꓠꓬꓹ ꓟꓽ ꓟꓶ ꓟꓽ= ꓮ ꓠꓯꓺ ꓠꓴ ꓪ ꓖꓶ ꓫꓸ ꓪ ꓕꓱ ꓠꓬꓹ ꓟꓽ ꓟꓶ ꓔꓲꓸ ꓠꓽ꓾ ꓟꓶ ꓠꓷꓹ ꓟ ꓠꓰ ꓔꓲꓸ ꓠꓽ ꓟꓽ ꓚꓸ ꓔꓸ ꓓꓳ ꓥ ꓐꓳ=(126) ꓓꓰꓼ ꓖꓼ – ꓢ ꓢˍ ꓡꓰ ꓬꓰ ꓙꓲ ꓟ= ꓜꓽ ꓗꓹ ꓓꓳ ꓗꓹ ꓓꓴ ꓟ ꓠꓽ ꓟꓶ ꓠꓷꓹ ꓟ ꓡꓵꓺ ꓓꓰꓼ ꓖꓼ ꓥꓳ ꓓꓯꓽ= ꓳꓸ ꓐꓯ ꓖꓶ ꓧꓪ ꓗꓹ ꓓꓴ ꓟ ꓠꓽ ꓮ ꓘꓶꓸ ꓫꓸ ꓔꓸ ꓥ=(127) ꓦ ꓓꓰꓼ ꓖꓼ – ꓮ ꓡꓲ ꓜꓳꓽ ꓮ ꓡꓲ= ꓮ ꓔꓳ ꓔꓳ ꓦ ꓓꓰꓼ ꓖꓼ ꓕꓽ ꓕꓱ ꓚꓳ ꓐꓳ= (128) ꓡꓯꓽ ꓟꓰꓹ – ꓗꓸ ꓠꓯꓸ ꓢꓲꓺ ꓘꓱꓹ ꓡꓽ ꓡ ꓟ=ꓩꓴ ꓙꓱ ꓟ ꓔꓯ ꓬꓲꓸ ꓟꓶꓸ ꓗꓪ ꓜꓱꓽ ꓟꓽ ꓓ ꓟꓼ= ꓡꓯꓽ ꓟꓰꓹ ꓘꓱꓹ ꓡꓽ ꓡ ꓢꓲꓸ ꓕꓳꓹ ꓪ ꓬꓰ ꓡ ꓠꓰ=(129) ꓕꓲꓽ ꓗ ꓛꓲꓽ – ꓮ ꓫꓵꓽ ꓟꓽ ꓢꓷꓸ ꓢꓴ꓾ ꓮ ꓫꓵꓽ ꓖꓶ ꓟꓽ ꓒꓵꓽ ꓢꓴ=ꓠꓴ ꓕꓲꓽ ꓗ ꓛꓲꓽ ꓟ ꓔꓯ ꓥ ꓟꓽ ꓙꓴꓺ (ꓙꓳꓺ)=(130) ꓕꓲꓽ ꓟꓶꓼ ꓡꓶꓼ – ꓕꓲꓽ ꓧꓪꓸ ꓡꓰˍ ꓜꓽ ꓓꓴ ꓙꓳ ꓟ=ꓬꓲꓸ ꓠꓽ ꓮ ꓬꓸ ꓕꓲꓽ ꓘꓹ ꓕꓲ ꓟꓶꓼ ꓡꓶꓼ ꓜꓽ ꓖꓰꓼ ꓢꓴ ꓥꓳ= ꓯꓺ ꓐꓯ ꓗꓹ ꓠꓯꓸ꓾ ꓟꓸ ꓒ ꓐꓹ ꓐꓲꓽ ꓠꓰ ꓠꓽ ꓧꓪꓽ ꓕꓲꓽ ꓚ ꓖꓶ ꓕꓲꓽ ꓟꓶꓼ ꓡꓶꓼ ꓜꓽ ꓩꓴ ꓡ ꓠ ꓔꓸ ꓥ=(131) ꓢꓸ ꓝꓴꓸ – ꓖꓶ ꓬꓲꓽꓢꓴ ꓤ ꓟꓶꓼ ꓔꓯ ꓠꓴ ꓮ ꓔꓳ ꓔꓳ ꓡꓲꓽ ꓚꓳ ꓟ= ꓬꓲꓸ ꓢꓸ ꓝꓴꓸ ꓠ ꓗ ꓡ ꓚꓰꓼ ꓥ=(132) ꓳꓸ ꓞꓱ ꓕꓲꓽ ꓐꓴ – ꓮ ꓟꓬꓹ ꓤꓽ ꓔꓯ ꓠꓲꓹ ꓠꓵ ꓢꓲꓸ ꓔꓳꓹ ꓛꓲꓽ ꓡ ꓢꓴ ꓠꓽ ꓳꓸ ꓞꓱ ꓕꓲ ꓐꓴ ꓠꓬꓹ ꓥ=(133) ꓢꓲꓼ ꓘꓪꓽ ꓓꓰꓼ – ꓠꓲꓹ ꓘꓪ ꓫꓵ= ꓟꓶꓽ ꓡ ꓮ ꓙꓬ ꓟ ꓓꓳ ꓪ ꓐꓯ ꓠꓽ ꓢꓲꓼ ꓘꓪ ꓓꓰꓼ ꓬꓰ ꓡ ꓟꓽ= (134) ꓢ ꓞꓲꓼ ꓢ ꓘꓪ – ꓮ ꓕꓯˍ ꓟ ꓟꓽ ꓒꓬꓱꓼ ꓡ ꓚꓰꓼ ꓟ=ꓢ ꓞꓲꓼ ꓢ ꓘꓪ ꓔꓸ ꓖꓶ ꓔꓸ ꓟꓼ ꓠ꓾ ꓔꓸ ꓠ ꓡꓲꓸ ꓔꓸ ꓢꓴ ꓟꓽ ꓙꓳ꓾ ꓔꓸ ꓢꓴ ꓙꓳ ꓡꓲꓸ ꓔꓸ ꓟꓽ ꓚꓰꓼ=ꓠꓴ ꓖꓪꓽ ꓓꓴ ꓟ ꓖꓶ ꓢ ꓞꓲꓼ ꓢ ꓘꓪ꓾ ꓢꓴ ꓜꓲ ꓢꓴ ꓘꓪ ꓕꓽ ꓖꓪꓽ ꓚꓳ ꓐꓳ=(135) ꓢꓲꓽ ꓔꓯ – ꓐꓲ ꓬꓐꓵꓼ ꓐꓵꓼ ꓛꓲꓽ ꓛꓲꓽ ꓔꓸ ꓖꓶ꓾ ꓢꓲꓽ ꓔꓯꓺ ꓡˍ ꓕꓽ ꓐꓲˍ ꓚꓰꓼꓮꓼ=(136) ꓟꓲꓽ ꓕꓯꓽ ꓡꓯꓽ – ꓕꓲꓽ ꓢ ꓘꓪ ꓡꓯꓽ ꓡ ꓗꓪ ꓛꓲ=ꓟꓲꓸ ꓟꓲ ꓠꓽ ꓟꓲꓽ ꓕꓯꓽ ꓡꓯꓽ ꓮ ꓫꓸ ꓙꓶ ꓢꓯꓼ ꓙꓳꓸ ꓙꓳꓽ ꓗ ꓬꓰꓳ ꓟꓽ=(137) ꓐꓶꓹ ꓔꓶꓼ – ꓫꓬ ꓒꓰꓹꓮꓼ꓾ ꓮ ꓫꓵꓽ ꓡꓲꓸ ꓟꓽ ꓙꓳ=ꓕꓱ ꓕꓲ ꓝꓲꓸ ꓠꓽ ꓳꓽ ꓛꓬ ꓚꓸ ꓜꓽ ꓗꓹ ꓓꓴ ꓖꓶ ꓐꓶꓹ ꓔꓶꓼ= ꓠꓲꓹ ꓠꓵ ꓡ ꓢꓴ ꓖꓶ ꓫꓬ ꓒꓰꓹꓮꓼ= ꓠꓲꓹ ꓟ ꓫꓸ ꓠꓰ ꓫꓵꓺ ꓡ ꓠ ꓔꓸ ꓥ=(138) ꓗꓶꓸ ꓢꓰꓼ – ꓗꓶꓸ ꓖꓶˍ ꓟ=ꓗꓶꓸ ꓢꓰꓼ ꓥꓳ ꓐꓯ ꓚꓺ ꓫꓵ꓾ ꓚꓳꓹ ꓖꓴꓼ ꓥꓳ ꓐꓯ ꓙꓳꓺ ꓫꓵ=
(139) ꓓꓽ ꓖ ꓙꓳꓽ – ꓡꓸ ꓡꓴꓹ ꓝꓰꓺ ꓔꓸ ꓟ=ꓟꓸ ꓒ ꓐꓴ ꓐꓱ ꓶ ꓠꓽ ꓪꓯꓼ ꓒꓱ ꓧꓪꓽ ꓟ ꓓꓽ ꓖꓽ ꓙꓳꓽ 30 ꓚꓪ ꓝꓰꓺ ꓔꓸ ꓥ=(140) ꓢꓯꓽ – ꓪꓴꓽ ꓧꓶ ꓓ ꓡꓰ ꓟ=ꓳꓸ ꓟꓶ ꓚꓳ ꓠꓰ ꓔꓸ ꓓꓴ ꓟ ꓐꓲ-ꓬ ꓟ ꓓꓳ ꓜꓳꓽ ꓬꓰ ꓥꓻꓰ ꓟꓽ ꓢꓷꓸ ꓢꓯꓽ ꓗ ꓬꓰꓳ ꓟꓽ=(141) ꓠꓲꓹ ꓟ ꓞꓰꓸ – ꓠꓲꓹ ꓟ ꓙ ꓫꓸ ꓡꓰ ꓟ=ꓟꓲꓸ ꓟꓲ ꓠꓽ ꓠꓲꓹ ꓟ ꓞꓰꓸ ꓞꓰꓸ ꓗ ꓬꓰꓳ= ꓩꓴꓺ ꓐꓵꓼ ꓟ ꓔꓯ ꓕꓳꓼ ꓜꓯꓼ ꓬꓰ ꓢꓲꓸ ꓠꓲꓹ ꓟ ꓠꓬꓹ ꓖꓴ ꓗꓪ ꓟꓽ ꓠꓬꓹ ꓬꓰꓳ ꓟꓽ=(142) ꓚꓳ ꓠꓷꓼ – ꓙꓰ ꓚꓳ ꓗꓹ ꓚꓳ ꓛꓲ ꓬꓰ ꓟ=ꓟꓶ-ꓡ-ꓫꓵ-ꓓꓰ꓾ ꓟꓶ-ꓡ-ꓓꓰ꓾ ꓬꓲ-ꓚꓳ-ꓓꓰ ꓗꓪ ꓠꓽ ꓟꓲꓸ ꓟꓲꓽ ꓕꓲ ꓠꓬꓲ ꓡꓱꓸꓼ ꓚꓳ ꓠꓷꓼ ꓬꓰꓳ= (143) ꓑꓳꓽ ꓢꓲꓽ ꓛꓻ – ꓑꓳꓺ ꓓꓳˍ ꓟ ꓟꓵꓽ꓾ ꓦ ꓟꓲ ꓟꓵꓽ=ꓑꓳꓽ ꓢꓲꓽ ꓛꓻ ꓗꓪ ꓛꓲ ꓬꓰ ꓖꓶ ꓑꓳꓺ ꓟꓽ ꓶꓼ ꓛꓳ ꓡ ꓐꓶ=(144) ꓝꓴꓸ ꓧꓶꓽ – ꓬꓲꓸ ꓛꓲ ꓥꓪ ꓡˍ ꓓꓴ ꓟ ꓠꓽ ꓮ ꓐꓽ ꓐꓴ ꓡˍ ꓟ ꓝꓴꓸ ꓧꓶꓽ ꓥꓳ꓾ ꓐꓯ ꓢꓲꓸ ꓤꓽ ꓪꓴꓽ ꓟ ꓠꓰ ꓫꓸ ꓪ ꓕꓱˍ ꓥ= ꓟꓬꓱꓽ ꓓꓳ ꓒꓰꓼ ꓬꓰ ꓢꓴ ꓠꓽ ꓠꓬꓹ ꓡꓲꓸ ꓫꓵꓺ ꓝꓴꓸ ꓧꓶꓽ ꓥꓳ ꓟꓽ=(145) ꓖꓪꓽ ꓧꓶꓽˍ ꓡꓰ – ꓬꓲꓸ ꓧꓶꓽ ꓜꓴ ꓠꓴ꓾ ꓮ ꓚꓲ ꓛꓲꓽ= ꓦ ꓟꓲ ꓟꓽ ꓢꓴ꓾ ꓔꓶ ꓢꓴ ꓐꓴ ꓠꓽ ꓖꓪꓽ ꓧꓶꓽˍ ꓡꓰ ꓬꓰ ꓠꓬꓹꓳ ꓟꓽ=ꓟꓶ-ꓡ-ꓫꓵ-ꓓꓰ ꓗꓪ ꓙꓲ-ꓢꓴ ꓘꓴ ꓜꓲꓼ ꓞꓳ ꓐꓴ ꓠꓽ ꓟꓳꓽ ꓟꓸ ꓒꓽ ꓐꓴ ꓶꓼ ꓓꓳ ꓟꓬꓱꓽ ꓬꓰ ꓩꓴ ꓡ ꓟ 100 ꓘꓳꓼ ꓑꓮꓲ ꓔꓯ ꓖꓪꓽ ꓧꓶˍ ꓡꓰ꓾ ꓮ ꓚꓲ ꓛꓲꓽ ꓬꓰ ꓠꓬꓹꓳ ꓟꓽ=