(ꓢꓷꓸ ꓡꓰ ꓓꓴ꓾ ꓧꓶꓸ ꓕꓯꓽ ꓑꓴ-ꓔ-ꓳ ꓡꓲ-ꓢꓴ ꓐꓯ ꓘꓶꓽ ꓝꓳꓹ ꓢꓳ ꓤꓽ ꓠꓬꓲꓽ 100 ꓔꓯ ꓔꓺ ꓩꓴ ꓡ ꓟ)
101. ꓚ ꓧꓶꓽ ꓡꓰ ~ ꓒ ꓫꓬꓹ꓾ ꓮ ꓙꓵꓽ꓾ ꓧꓳꓹ ꓞꓶꓽ ꓿ ꓔꓯꓺ ꓥꓳ꓾ ꓮꓸ ꓠꓬꓲꓽ ꓟ ꓠꓰ ꓢꓸ ꓑꓲꓸ ꓬꓸ ꓖꓶ꓾ ꓞꓼ ꓐꓳ ꓖꓶ ꓚ ꓧꓶꓽ ꓡꓰ ꓜꓽ ꓖꓴ ꓐꓶ꓿ ꓧꓪ ꓞꓶ ꓟ ꓖꓶ ꓟꓲꓸ ꓟꓲ ꓔꓲꓸ ꓟꓲꓸ ꓟꓲ ꓧꓳꓹ ꓞꓶꓽ ꓮ ꓡꓲ ꓖꓴ ꓬꓰ ꓡ ꓖꓯꓻ꓿
102. ꓡ ꓐꓯꓽ ~ ꓞꓳ ꓟꓶ ꓞꓳ ꓛꓲꓽ꓾ ꓞꓳ ꓖꓳꓽ꓾ ꓟꓽ ꓢꓷꓸ ꓟꓽ ꓕꓲꓺ ꓢꓴ꓿ ꓔꓯꓺ ꓥꓳ꓾ ꓮ ꓠꓯ ꓤꓽ ꓛꓵꓽ ꓡ ꓐꓯ ꓕꓲꓽ ꓫꓸ ꓤꓼ ꓟ꓾ ꓧꓪ ꓞꓶ ꓕꓲꓽ ꓜꓯꓻ ꓖꓶ ꓪꓴꓻ ꓪ ꓟꓽ ꓖꓰꓼ ꓐꓶ꓿ ꓠꓬꓹ ꓞꓲꓼ ꓠꓽ ꓟꓶ ꓞ ꓧꓶ ꓟ ꓔꓯ ꓕꓽ ꓔꓳ ꓔꓳ ꓦꓬꓼ ꓠꓬꓲ ꓕꓽ ꓗꓳꓸ꓾ ꓡ ꓐꓯꓽ ꓕ ꓗ ꓬꓰ ꓝꓲ꓿
103. ꓮ ꓔꓯꓸ ꓤꓼ~ ꓮ ꓔꓲꓸ ꓤꓼ꓾ ꓠꓱꓸ ꓠꓱꓸ꓿ ꓔꓯꓺ ꓥꓳꓽ꓾ ꓙꓼ ꓧꓪ ꓞꓶ ꓟ ꓮ ꓔꓯꓸ ꓤꓼ ꓪꓴꓽ ꓖꓴꓼ ꓡꓯ ꓐꓳ꓿
104. ꓐꓯꓽ ꓐꓯꓽ ~ ꓠꓲꓹ ꓞ꓾ ꓞꓽ ꓞꓽ꓿ ꓟꓬꓱꓽ ꓬꓰ ꓖꓴ ꓗꓪ ꓐꓯꓽ ꓐꓯꓽ ꓖꓰ꓿ ꓒꓴ ꓛꓵꓽ ꓦꓹ ꓓꓴ ꓟ ꓐꓯꓽ ꓐꓯꓽ ꓝꓱꓹ ꓖꓴꓼ ꓡꓯ꓿
105. ꓐꓶꓹ ꓔꓷꓼ ~ ꓫꓬꓻ ꓒꓰˍ ꓠꓯꓸ꓾ ꓮ ꓫꓵꓽ ꓡꓲꓸ ꓟꓽ ꓙꓳ꓿ ꓕꓱ ꓝꓲꓸ ꓟ ꓠꓽ ꓧꓪꓽ ꓪꓴ ꓜꓽ ꓗꓹ ꓓꓴ ꓒꓴ ꓖꓶ ꓐꓶꓹ ꓔꓷꓼ ꓕꓲꓽ ꓒꓯꓼ ꓖꓶ ꓟꓽ ꓙꓳˍ ꓟꓽ꓿
106. ꓗꓪꓯꓸ ꓗꓪꓯꓸ ꓟꓷꓼ ꓡꓷꓼ ~ ꓜꓽ ꓟꓴ ꓢꓱ ꓢꓲꓸ ꓟꓽ ꓛꓲ ꓟꓽ ꓡꓳꓼ꓿ ꓑꓮꓲ ꓟ ꓗꓪ ꓳꓽ ꓛꓬ ꓟ ꓠꓽ ꓗꓪꓯꓸ ꓗꓪꓯꓸ ꓟꓷꓼ ꓡꓷꓼ ꓗ ꓬꓰꓳ ꓟꓽ꓿ ꓟꓶ ꓞꓶꓸ ꓚꓶꓺ ꓟ ꓢꓲꓸ ꓥꓪꓸ ꓧꓪꓽ ꓟ ꓚꓸ ꓜꓽ ꓗꓹ ꓐꓯ ꓠꓽ ꓡꓯꓼ ꓥꓰ ꓡꓯꓼ ꓟ ꓡꓷꓼ ꓗꓪꓯꓸ ꓗꓪꓯꓸ ꓟꓷꓼ ꓡꓷꓼ ꓔꓲꓸ ꓥꓳ ꓟ꓿
107. ꓫꓵꓻ ꓒꓯꓽ ~ ꓫꓵꓻ ꓠꓹ ꓟ ꓙ ꓟꓳ ꓓꓳ ꓡꓰ ꓢꓴ꓿ ꓠꓴ ꓫꓵꓻ ꓒꓯꓽ ꓠꓰ ꓐꓶꓼ ꓡꓸ ꓬꓲꓻ ꓐꓱ ꓗꓪ ꓙꓰ ꓥꓻꓰ? ꓠꓴ ꓫꓵꓻ ꓒꓯꓽ ꓠꓰ ꓓꓳꓼ ꓠꓯꓺ ꓟ ꓜꓽ ꓥꓻꓰ?
108. ꓟꓶꓽ ꓶꓺ ꓫꓴꓽ ~ ꓜꓲꓽ ꓟ ꓚꓶ ꓟ ꓢꓲꓸ ꓡꓹ ꓜꓷꓼ ꓟ ꓕꓲꓽ ꓡꓯꓹ ꓐꓯ ꓟ ꓔꓯ ꓙ ꓟꓶ ꓗꓹ ꓥꓳ ꓐꓯ ꓠꓽ ꓟꓶꓽ ꓶ ꓫꓴꓽ ꓔꓲꓸ ꓥꓳ ꓟꓽ꓿ ꓛꓼ ꓟꓸ ꓚꓶꓺ ꓟ ꓔꓯ ꓙ ꓟꓶ ꓪ ꓖꓶ ꓟꓶꓽ ꓶ ꓫꓴꓽ ꓔꓲꓸ ꓔꓸꓮꓽ ꓟꓽ꓿
109. ꓟꓶꓽ ꓜꓲꓽ ꓥꓯꓽ ꓡꓯꓽ ~ ꓧꓪꓸ ꓟꓽ ꓛꓲꓽ ꓡꓰ꓾ ꓳꓸ ꓟꓶ ꓚꓳ ꓡꓰ ꓟ꓾ ꓬꓰ ꓫꓸ ꓓꓴ ꓙꓳ ꓟ꓿ ꓦ ꓐ ꓟ ꓟꓽ ꓞꓰꓹ ꓡ ꓢꓲꓽ ꓕꓽ ꓒꓴ ꓟ ꓞꓰꓹ ꓡ ꓥꓳ ꓐꓯ ꓠꓽ꓾ ꓟꓶꓽ ꓜꓲꓽ ꓥꓯꓽ ꓡꓯꓽ ꓔꓲꓸ ꓗ ꓡˍ ꓟꓽ꓿ ꓑꓲꓹ ꓡꓴꓸ ꓟ ꓠꓰ ꓐꓽ ꓚꓹ ꓗꓪ ꓜꓯꓼ ꓡ ꓢꓲꓸ ꓟꓶꓽ ꓜꓲꓽ ꓥꓯꓽ ꓡꓯꓽ ꓗ ꓬꓰꓳ꓿
110. ꓜꓻ ꓐꓯꓽ ~ ꓧꓪꓽ ꓐꓰ ꓳ ꓒꓬ ꓳ ꓟꓲ꓿ ꓜꓻ ꓐꓯꓽ ꓟ ꓠꓽ ꓫꓵꓸ ꓘꓴꓽ ꓡꓴꓽ ꓡꓹ ꓜꓶꓼ ꓓꓳꓸ ꓓꓳꓸ ꓟˍ ꓓꓰꓼ ꓗ ꓬꓰꓳ꓿ ꓗꓳ ꓟꓵꓽ ꓗꓪ ꓠꓽ ꓥꓪꓸ ꓧꓪ ꓜꓻ ꓐꓯꓽ ꓧꓪ ꓢˍ ꓖꓶ꓾ ꓡꓳ ꓒꓱ ꓗꓪ ꓠꓽ ꓥꓪꓸ ꓑꓲꓸ ꓛꓵꓽ ꓜꓽ ꓠ ꓗ ꓬꓰꓳ꓿