2022 ꓘꓳꓼ 7 ꓦ 9 ꓠꓬꓲ ꓕꓯꓽ꓾ ꓗꓳ-ꓡ-ꓐꓳ ꓡꓳ ꓒꓱ ꓗꓪ ꓙꓳˍ ꓟ꓾ ꓢꓲ-ꓣꓲ-ꓡꓲ-ꓖ ꓪ ꓔꓲꓸ ꓦꓲ ꓗꓪ ꓠꓲꓹ ꓢꓲꓼ ꓔꓬ ꓟ ꓑ ꓫꓬ ꓐꓴ ꓓꓵꓽ ꓡ ꓠꓬꓲ꓾ ꓪ ꓔꓲꓸ Gotabaya Rajapaksa ꓠꓬ ꓔꓷꓹ ꓘꓰꓹ ꓙꓰꓳ꓿
ꓢꓲ-ꓣꓲ-ꓡꓲ-ꓖ ꓒꓴ ꓒꓵꓽ 70% ꓞꓰ ꓡꓰˍ ꓟ ꓑꓶꓸ ꓓꓴ꓾ ꓗꓴꓷꓼ ꓘꓴꓽ ꓗꓪ ꓙꓼ ꓞꓶ ꓐꓰ ꓜꓽ ꓓꓴ ꓟꓽ ꓙꓳ ꓡꓰ ꓠꓬꓲ꓾ ꓑ ꓫꓬ ꓐꓴ ꓠꓬ ꓠꓬꓹ ꓟꓽ ꓠꓬꓹ ꓙꓲ ꓟꓽ ꓙꓳ ꓠꓲꓹ ꓢꓲꓼ ꓗꓸ ꓧꓪ ꓡ ꓟ ꓥ ꓡꓳ꓿
ꓢꓲ-ꓣꓲ-ꓡꓲ-ꓖ ꓪ ꓔꓲꓸ Gotabaya Rajapaksa ꓠꓬ ꓧꓶꓽ ꓒꓽ ꓔꓯ ꓪꓽ ꓢꓲꓸ ꓒꓴ ꓮ ꓟꓬꓹ ꓛꓵꓽ ꓢꓴ꓾ ꓗꓴꓷꓼ ꓶ ꓡꓯꓼ ꓚꓱꓹ ꓗꓪ ꓘꓶꓽ ꓕꓴꓸ ꓜꓽ ꓢꓴ ꓥ ꓡꓳ꓾ ꓐꓰ ꓑ ꓫꓬ ꓐꓴ ꓡꓰꓽ ꓡꓲꓺ ꓔꓬ ꓡꓳ꓿
“ꓑ ꓫꓬ ꓪꓴꓽ ꓡ ꓗꓴꓷꓼ ꓪꓴꓽ ꓡ ꓚꓰꓼ꓿ ꓑ ꓫꓬ ꓔꓯ ꓫꓸ ꓡꓰ ꓝꓲ ꓟꓽ ꓓ꓿ ꓙꓵꓽ ꓢꓴ ꓠꓬ ꓐꓳ ꓢꓲꓸ ꓑ ꓫꓬ ꓠꓬ ꓮ ꓘꓶꓸ ꓫꓸ ꓓꓰꓼ ꓡꓰ ꓠꓬ ꓗꓴꓷꓼ ꓒꓳꓹ ꓡꓶꓸ ꓓꓴ ꓒꓬꓱꓼ ꓡ ꓚꓰꓼ ꓥ꓿ ꓑ ꓫꓬ ꓮ ꓙꓵꓽ ꓠꓲꓹ ꓢꓲꓼ ꓡ ꓢꓲꓸ ꓕꓲꓽ ꓔꓺ ꓦꓰꓼ ꓡ ꓠꓬ꓾ ꓙꓵꓽ ꓢꓴ ꓙꓵꓽ ꓟꓽ ꓐ ꓡ꓿ ꓗꓴꓷꓼ ꓙꓵꓽ ꓢꓴ ꓐꓴ ꓢꓯꓼ ꓟꓬ ꓐꓱ ꓶ ꓙꓲ ꓣꓴ ꓓꓴ ꓙꓳ ꓥ” ꓐꓰ ꓟꓲ ꓠꓯ ꓗꓴꓷꓼ ꓙ ꓖꓴ ꓚꓺ ꓟꓲ ꓡꓰꓽ ꓟꓳꓸ ꓖꓶ ꓔꓬ ꓡꓳ꓿