ꓢꓲ ꓡꓲꓹ ꓡ ꓚꓱꓹ ꓖꓪ ꓙꓱ ꓜꓲꓼ ꓓꓴ ꓫꓹ ꓠꓯꓼ ꓪꓴꓸ ꓔꓴ ꓓꓴ ꓥꓳ

ꓟꓬ-ꓟ ꓟꓯꓼ ꓡꓰ ꓘꓴ ꓔꓬ ꓟ ꓗꓴꓷꓼ ꓢꓲꓺ ꓡꓲꓹ ꓡ ꓚꓱꓹ ꓖꓪ ꓙꓱ ꓜꓲꓼ ꓓꓴ ꓔꓯ ꓫꓹ ꓠꓯꓼ 2022 ꓘꓳꓼ 5 ꓦ 20 ꓠꓬꓲ ꓕꓯꓽ ꓪꓴꓸ ꓔꓴ ꓓꓴ ꓥꓳ꓾ ꓐꓰ ꓟꓯꓼ ꓜꓲꓽ ꓜꓳ-ꓟꓰꓹ-ꓕꓴꓸ ꓡꓰ ꓠꓬꓲꓸ ꓠꓬꓲ ꓐꓯ ꓩꓴ ꓡ ꓡꓳ꓿

ꓬꓲꓸ ꓔꓯ ꓑꓳꓺ ꓔꓯꓹ ꓟꓯꓼ 10 ꓜꓴ ꓜꓲꓺ ꓡꓯ ꓘꓳ ꓓꓴ ꓪꓽ ꓔꓸ ꓢꓲꓸ ꓕꓲꓽ ꓜꓴ ꓑꓶꓸ ꓝꓸ ꓕꓲꓽ ꓜꓴ ꓬꓲꓸ ꓫꓳꓽ ꓜꓲ ꓡꓯ ꓘꓳ ꓓꓴ ꓥꓳ꓾ ꓐꓯ ꓡꓳ꓿

ꓖꓳ ꓡꓱ ꓥ ꓟꓲ ꓟꓬ-ꓟ ꓟꓯꓼ ꓔꓯ ꓬꓲꓸ ꓜꓲ ꓔꓳꓼ ꓡꓯ ꓘꓳ ꓔꓬ ꓟ ꓑꓳꓺ ꓔꓯꓹ ꓟꓯꓼ ꓐꓴ ꓠꓬ ꓖꓪ ꓙꓱ ꓜꓲꓼ ꓓꓴ ꓕꓱ ꓟ ꓗꓪ ꓟꓽ ꓔꓺ ꓡ꓿

ꓔꓺ ꓡ ꓟ ꓕꓱ ꓑꓳꓺ ꓔꓯꓹ ꓟꓯꓼ 10 ꓜꓴ ꓠꓬ ꓟꓬ-ꓟ ꓟꓯꓼ ꓔꓯ ꓔꓺ ꓔꓬ ꓢꓴ ꓗꓪ ꓛꓳꓽ ꓜꓴ ꓐꓴ ꓥ ꓡꓳ꓿ ꓖꓳ ꓟ ꓑꓶꓸ ꓓꓴ ꓟꓬ-ꓟ ꓗꓴꓷꓼ ꓘꓴꓽ ꓗꓪ ꓢꓲ ꓡꓲꓹ ꓡ ꓚꓱꓹ ꓥꓳ ꓡꓳꓸ ꓓꓴ ꓟꓽ ꓙꓳ ꓢꓰꓽ꓿