ꓢꓲ-ꓑꓲ-ꓬ ꓗꓪ ꓝꓮꓲ ꓕꓲ ꓧꓪꓹ ꓟꓯꓼ ꓓꓶꓽ ꓡꓯ ꓘꓳ ꓔꓬ

ꓑꓓꓝ ꓐꓰ ꓗꓲꓮ ꓡꓰ 2022 ꓘꓳꓼ 2 ꓦ 1 ꓠꓬꓲ ꓕꓯꓽ ꓓꓶꓽ ꓧꓪꓸ ꓡꓰ ꓟ ꓢꓲ-ꓑꓲ-ꓬ ꓘꓹ ꓟꓯꓼ ꓦ ꓖꓴꓽ ꓓꓴꓽ ꓔꓯ ꓟꓬ-ꓟ ꓟꓯꓼ ꓐꓴ ꓡꓰ 2022 ꓘꓳꓼ 3 ꓦ 3 ꓠꓬꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓕꓲ ꓧꓪꓹ ꓓꓶꓽ ꓪꓴꓸ ꓔꓴ ꓡ ꓔꓬ ꓡꓳ꓿

“ꓮ ꓟꓲ ꓕꓲ ꓟꓳꓼ ꓡꓳ꓾ ꓟꓲꓸ ꓟꓲ ꓖꓶ ꓕꓲ ꓑꓹ ꓐꓶ ꓡꓯ ꓘꓳˍ ꓟ ꓢꓯꓼ ꓑ ꓙ ꓥ꓿ ꓢꓲ-ꓑꓲ-ꓬ ꓗꓪ ꓟꓯꓼ ꓮ ꓟꓬꓹ ꓓꓵꓽ ꓡꓻꓳ꓿ ꓞꓳ ꓘꓹ ꓗꓪ ꓦꓲ ꓖꓶ ꓕꓲ ꓐꓱ ꓛꓴ ꓩꓴ ꓐꓶ꓿ ꓶ ꓤ ꓗꓪ ꓚꓳꓸ ꓮ ꓔꓳꓸ ꓟꓴ ꓘꓴꓽ ꓟꓳˍ ꓥ꓿ ꓥꓪ ꓠꓴ ꓠꓬ ꓟꓵꓽ ꓗꓪ ꓛꓰꓹ ꓑꓬ ꓔꓬ ꓥ꓿” ꓐꓰ ꓘꓹ ꓡ ꓞꓳ ꓕꓲ ꓣꓳ ꓡꓰ ꓩꓴꓸ ꓕꓱ ꓩꓴ ꓡ ꓡꓳ꓿

ꓮ ꓟꓶ ꓠꓬ ꓢꓲ-ꓑꓲ-ꓬ ꓘꓹ ꓗꓪ ꓠꓬꓲꓽ ꓛꓱꓽ ꓗꓪ ꓟ ꓟꓯꓼ ꓐꓴ ꓓꓵꓽ ꓡ ꓢꓲꓸ ꓢꓰꓼ ꓡꓯ ꓘꓳ ꓡ ꓠꓬꓲ꓾ ꓑ ꓫꓬ ꓔꓬꓹ ꓟꓽ ꓑꓶꓸ ꓢꓲꓸ ꓞꓳ ꓘꓹ ꓡ ꓞꓳ ꓐꓴ ꓠꓬ ꓟꓶ-ꓚꓲ-ꓠ ꓟꓵꓽ ꓗꓪ꓾ ꓢꓲꓹ ꓠꓯ ꓮ ꓖ ꓟꓲ ꓗꓪ꓾ ꓑꓴ-ꓔ-ꓳ ꓫꓵꓽ ꓤ ꓪꓳꓼ ꓤ ꓔꓬ ꓗꓪ ꓟꓯꓼ ꓛꓰꓹ ꓙꓰ ꓖꓴꓳ ꓐꓰ ꓓꓳꓽ ꓜꓳ ꓡ ꓡꓳ꓿