ꓢꓲꓽ ꓒꓽ ꓡꓽ-ꓡꓴꓹ ꓔꓲ-ꓣꓲꓼ-ꓑꓲꓮꓽ-ꓛꓰ ꓓꓳꓹ ꓟꓴ ꓡꓯꓼ ꓫꓴ ꓪ ꓡꓰꓳ

ꓛꓬꓹ ꓑ-ꓔꓲ ꓢꓽ ꓡ ꓙꓵꓽ ꓢꓲꓽ ꓒꓽ ꓡꓽ-ꓡꓴꓹ ꓔꓯ ꓔꓲ-ꓣꓲꓼ-ꓑꓲꓮꓽ-ꓛꓰ ꓓꓳꓹ ꓟꓴ ꓡꓯꓼ ꓫꓴ ꓖꓶꓽ ꓔꓸ ꓟ ꓕꓵꓼ ꓪ ꓕꓳ ꓶ ꓔꓯ ꓠꓼ-ꓢꓼ-ꓗꓼ ꓡꓰ 2022 ꓘꓳꓼ 11 ꓦ 19 ꓠꓬꓲ ꓕꓯꓽ ꓓꓳ ꓩꓴ ꓡ ꓡꓳ꓿

ꓕꓱ ꓟ ꓠꓬ ꓠꓼ-ꓢꓼ-ꓗꓼ ꓢꓽ ꓡ ꓙꓵꓽ ꓢꓴ ꓡꓰ ꓖꓶˍ ꓟ ꓥ ꓢꓲ꓾ ꓗꓴꓷꓼ ꓪꓴꓽ ꓟꓴ ꓡ ꓠꓹ ꓟ꓾ ꓢꓲ ꓡꓲꓹ ꓔꓬ ꓢ ꓠꓹ ꓟ ꓮ ꓘꓶꓸ ꓢꓯꓼ ꓕꓵꓼ ꓢꓴ ꓐꓴ ꓔꓯ ꓖꓶˍ ꓟ ꓥ ꓡꓳ꓾ ꓐꓰ ꓕꓵꓼ ꓪ ꓕꓳ ꓶ ꓗꓪ ꓐꓳ ꓔꓸ ꓡꓳ꓿

ꓟꓬꓱ ꓓꓳ ꓡꓯꓼ ꓫꓴ ꓖꓶˍ ꓟ ꓗꓪ ꓟꓯꓼ ꓜꓲꓽ ꓐꓰ ꓗꓴꓷꓼ ꓟꓬꓱꓽ ꓬꓰ ꓢꓴ꓾ ꓢꓲꓽ ꓒꓽ ꓟꓬꓱꓽ ꓬꓰ ꓢꓴ ꓐꓴ꓾ ꓑ ꓫꓬ ꓕꓲ ꓒꓳꓹ ꓗꓪ ꓐꓰ꓾ ꓝꓮꓲ ꓦ ꓡꓱ ꓚꓱꓹ ꓕꓲꓽ ꓒꓳꓹ ꓗꓪ ꓟ ꓡ ꓞꓳ ꓐꓴ ꓥ ꓟꓲ ꓮ ꓟꓬꓹ ꓕꓱꓹ ꓞˍ ꓡꓳ꓿

ꓢꓲꓽ ꓒ ꓡ-ꓡꓴꓹ ꓠꓬ ꓛꓬꓹ ꓑ-ꓔꓲ ꓘꓴˍ ꓟ Lisu National Development Party (LNDP) ꓔꓯ 2013 ꓘꓳꓼ ꓗꓪ ꓔꓶ ꓪꓴꓸ ꓔꓴ ꓢꓲ꓾ ꓗꓴꓷꓼ ꓢꓲꓺ ꓡꓲꓹ ꓟ ꓚꓱꓹ ꓖꓪ ꓙꓱ ꓜꓲꓼ ꓓꓴ-21 ꓦ ꓜꓴ ꓘꓳꓼ ꓑꓲ-ꓡꓳ ꓗꓪ ꓟ ꓴꓑꓓꓙꓚ ꓜꓴ ꓗꓪ ꓥ ꓟꓲ ꓟꓬꓱꓽ ꓬꓰ ꓗꓷ ꓢꓴ ꓕꓲ ꓣꓳ ꓥ ꓡꓳ꓿