“ꓢꓲꓻ ꓑꓮꓲ ꓗꓪ ꓞꓳꓸ ꓬꓰ ꓖꓶ꓾ ꓟꓯꓼ ꓘꓶꓽ ꓟꓽ ꓞꓳꓸ ꓡꓰ ꓢꓰꓽ” ꓗ-ꓟ-ꓡ-ꓦꓯ-ꓬꓲ-ꓢꓲ

2024 ꓘꓳꓼ 11 ꓦ 6 ꓠꓬꓲ꓾ ꓪ-ꓫꓵ-ꓔ ꓟꓵꓽ꓾ ꓧ-ꓪꓼ ꓜꓲꓼ ꓓꓴ ꓗꓪ “ꓴꓢꓮ ꓗꓴꓷꓼ ꓙꓵꓽ ꓢꓴ ꓢꓲꓻ ꓑꓮꓲ ꓗꓪ ꓞꓳꓸ ꓡꓰ ꓥ ꓟꓲ꓾ ꓟꓯꓼ ꓘꓶꓽ ꓟꓽ ꓞꓳꓸ ꓡꓰ ꓢꓰꓽ” ꓐꓰ ꓗ-ꓟ-ꓡ-ꓦꓯ-ꓬꓲ-ꓢꓲ ꓡꓰ ꓢꓷꓸ ꓙ ꓟꓳ ꓙ ꓡꓳ꓿

“ꓢꓲꓻ ꓣꓴ ꓑꓮꓲ ꓗꓪ ꓓꓳ ꓡ ꓟ ꓬꓲꓸ ꓧꓶ ꓔꓯ ꓘꓳ ꓣꓴ ꓓꓴ ꓥꓳ꓿ ꓙꓵꓽ ꓪ ꓡꓯꓼ ꓙꓱ ꓓꓴ ꓥꓳ꓿ ꓖꓳ ꓡꓱ ꓥ ꓟꓲ ꓣꓳ ꓟꓽ ꓙꓬꓽ ꓢꓯꓼ ꓕꓵꓼ ꓔꓬ ꓕ ꓑꓳꓸ ꓴꓢꓮ ꓗꓪ Dꓰ-ꓟꓳ ꓗꓯ-ꓢꓰ ꓛꓲ ꓡꓯꓼ ꓡꓬ ꓔꓬ ꓡ ꓥꓳ꓿” ꓐꓰ ꓬꓲꓸ ꓔꓯ ꓢꓯꓼ ꓖꓶ ꓢꓴ ꓐꓴ ꓔꓯ ꓫꓸ ꓕꓱ ꓡꓳ꓿

ꓢꓲꓻ ꓧꓪꓸ ꓡꓰ ꓢꓴ ꓓꓳ-ꓠꓯ ꓕ-ꓣꓼ ꓔꓯ ꓩꓴꓸ ꓫꓸ ꓕꓱ ꓢꓲ ꓟꓬꓱ ꓓꓳꓽ ꓖꓶ ꓗꓷꓳ꓾ ꓝꓮꓲ ꓢꓲ ꓡꓲꓹ ꓐꓰ ꓙꓵꓽ ꓪ ꓡꓯꓼ ꓙꓱ ꓓꓴ ꓥꓳ ꓐꓰ ꓐꓯ ꓗꓷꓳ꓾ ꓐꓰ ꓐꓯ ꓡꓳ꓿