ꓟꓳ-ꓬꓳꓮ ꓐꓱ ꓓꓴꓽ ꓗꓪ ꓡꓴꓽ ꓔꓸ ꓟ ꓢꓰꓼ-ꓗꓮꓲꓹ ꓟꓵꓽ ꓫꓴ ꓙꓵꓽ ꓢꓲꓽ ꓒꓽ ꓡꓵꓺ ꓓꓳ-ꓔ ꓟꓰꓼ-ꓠꓮꓲꓽ ꓔꓯ 21 ꓘꓳꓼ ꓡꓴꓽ ꓠꓹ ꓟ ꓠꓬꓲꓸ ꓠꓬꓲ 2022 ꓘꓳꓼ 2 ꓦ 28 ꓠꓬꓲ ꓕꓯꓽ ꓫꓵꓽ ꓘꓶꓽ ꓐꓯ ꓞꓷꓹ ꓗꓷꓳ꓿
“ꓥꓳ ꓡꓳꓸ ꓔꓸ ꓟ ꓡꓰ ꓔꓲꓸ ꓮ ꓡꓲ ꓜꓳ ꓜꓳꓽ ꓮ ꓡꓲ ꓫꓵꓽ ꓘꓶꓽ ꓡ ꓠꓬꓲ ꓥꓪ ꓠꓴ ꓮ ꓫꓵꓽ ꓡꓲꓸ ꓐꓯ ꓟꓴ ꓟꓽ ꓢꓱ” ꓐꓰ ꓬꓲꓸ ꓦꓲ ꓢꓲ ꓟ ꓛꓴꓹ-ꓛꓴꓽ ꓡꓰ ꓐꓯ ꓡꓳ꓿
ꓘꓶꓽ ꓕꓴꓸ ꓜꓽ ꓟ ꓫꓵꓽ ꓪꓴ (7) ꓚꓱꓹ ꓐꓱ ꓶ ꓕꓲ ꓚꓱꓹ ꓔꓯ 3 ꓘꓳꓼ ꓡꓴꓽ ꓠꓹ ꓟ ꓫꓵꓽ ꓘꓶꓽ ꓩꓴ ꓡ ꓠꓬꓲ 21 ꓘꓳꓼ ꓗꓷ ꓡꓰˍ ꓟ ꓥꓳ꓿ ꓝꓮꓲ ꓟꓽ ꓞꓲ 505 (ꓘꓼ) ꓐꓱ ꓶ 2 ꓘꓳꓼ꓾ ꓮ ꓟꓶꓐꓫꓵꓽ ꓟꓽ ꓘꓶꓽ ꓢꓰꓽ ꓟ ꓫꓵꓽ ꓪꓴ ꓚꓱꓹ 171 (ꓢꓼ) ꓥ ꓟꓲ ꓙꓳˍ ꓢꓰꓽ ꓡꓳ꓿ ꓮ ꓙꓵꓽ ꓫꓵꓽ ꓘꓶꓽ ꓡ ꓠꓬ 24 ꓘꓳꓼ ꓗꓪ ꓛꓲ ꓡꓴꓽ ꓙꓰ ꓐ ꓡ ꓡꓳ꓿
ꓓꓳ-ꓔ ꓟꓰꓼ-ꓠꓮꓲꓽ ꓠꓬ ꓑ ꓫꓬ ꓠꓲꓹ ꓠꓵˍ ꓟ ꓧꓳꓽ ꓪꓴꓸ ꓟꓴ ꓢꓴ ꓕꓲ ꓣꓳ ꓥ ꓢꓲ꓾ 1990 ꓘꓳꓼ ꓗꓪ ꓥ ꓟꓲ ꓑ ꓫꓬ ꓝꓲ ꓓꓴ ꓢꓲꓻ ꓟꓶ ꓢꓴ꓾ ꓝꓮꓲ 2012 ꓐꓰ 2015 ꓗꓪ ꓥ ꓟꓲ ꓢꓲꓻ ꓟꓶ ꓢꓴ ꓥ ꓢꓲꓸ ꓢꓰꓼ-ꓗꓮꓲꓹ ꓟꓵꓽ ꓫꓴ ꓙꓵꓽ ꓢꓲꓽ ꓒꓽ 5 ꓘꓳꓼ ꓬꓰ ꓗꓷ ꓢꓴ ꓥ ꓡꓳ꓿
2020 ꓘꓳꓼ ꓑ ꓫꓬ ꓝꓲ ꓓꓴ ꓢꓲꓻ ꓣꓴ ꓑꓮꓲ ꓗꓪ ꓥ ꓟꓲ ꓧꓪꓸ ꓡꓰ ꓢꓴ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓟꓬ-ꓟ ꓟꓯꓼ ꓐꓴ ꓡꓰ ꓑ ꓫꓬ ꓝꓲ ꓓꓴ ꓐꓴ꓾ ꓑ ꓫꓬ ꓧꓳꓽ ꓢꓴ ꓐꓴ ꓔꓯ ꓟꓬꓱꓺ ꓓꓳꓽ ꓒꓰꓼ ꓡꓰ ꓠꓹ ꓟ ꓘꓶꓽ ꓕꓴꓸ ꓜꓽ ꓡꓳ ꓐꓯ ꓢꓲꓸ ꓐꓯ ꓟꓴ ꓩꓴ ꓔꓬ ꓟ ꓠꓬ ꓮꓳ-ꓢ-ꓢꓴꓸ-ꓚꓰꓽ ꓗꓪ ꓐꓰ ꓟꓵꓽ ꓫꓴ ꓙꓵꓽ ꓢꓴ ꓐꓴ ꓮ ꓟꓬꓹ ꓙꓳ ꓡꓳ꓿
Audio News
ꓢꓰꓼ-ꓗꓮꓲꓹ ꓟꓵꓽ ꓫꓴ ꓙꓵꓽ ꓢꓲꓽ ꓒꓽ ꓡꓵꓺ ꓔꓯ 21 ꓘꓳꓼ ꓡꓴꓽ ꓠꓹ ꓟ ꓫꓵꓽ ꓘꓶꓽ ꓐꓯ ꓞꓷꓹ ꓗꓷꓳ=