ꓐꓳ-ꓖ-ꓡ ꓗꓴꓷꓼ꓾ ꓢꓰꓼ-ꓔ-ꓖꓮꓳꓹ ꓞꓽ ꓒꓳꓽ ꓠꓽ ꓔꓶꓸ (Chittagong Depot) ꓗꓪ 2022 ꓘꓳꓼ 6 ꓦ 4 ꓠꓬꓲ ꓟꓶꓽ ꓘꓶꓼ ꓗꓪ ꓚꓳꓸ ꓮ ꓔꓳꓸ ꓙꓬ ꓔꓬ ꓟ ꓟꓽ ꓢꓰꓼ ꓓ ꓬꓰ ꓢꓲꓽ ꓢꓲꓸ 49 ꓣꓳ ꓫꓵꓻ꓾ 100 ꓟꓽ ꓞꓲ ꓠꓻ ꓓꓴ ꓬꓰꓳ꓿
ꓓꓼ-ꓛꓲꓽ ꓗꓴꓷꓼ ꓐꓰ ꓐꓲ-ꓖ-ꓡ ꓗꓴꓷꓼ ꓪꓽ ꓢꓲꓸ ꓶ ꓡꓯꓼ ꓬꓰ ꓔꓬ ꓟ BM Inland Container Depot ꓶ ꓤ ꓶ ꓟꓲ ꓞꓳꓽ ꓦꓲ ꓗꓪ ꓐꓰ ꓪꓴꓸ ꓔꓴ ꓢꓲꓸ ꓮ ꓔꓳꓸ ꓙꓬ ꓡ ꓟ ꓥ ꓡꓳ꓿ ꓖꓳ ꓗꓪ ꓮ ꓔꓳꓸ ꓙꓬ ꓡ꓾ ꓑꓳꓺ ꓢꓰꓸ ꓐꓶꓽ ꓡ ꓟ ꓶ ꓤ ꓮ ꓟꓬꓹ ꓙꓴꓽ ꓔꓸ ꓠꓬꓲ꓾ ꓮ ꓔꓳꓸ ꓢꓰꓼ ꓟꓽ ꓓ ꓟ ꓥ ꓡꓳ꓿ ꓟꓲꓺ 2 ꓕꓷꓹ ꓐꓶꓽ ꓗꓪ ꓛꓲ ꓮ ꓔꓳꓸ ꓘꓴꓸ ꓑꓳꓺ ꓢꓰꓸ ꓔꓬ ꓡꓳ꓾ ꓐꓯ ꓡꓳ꓿
ꓮ ꓔꓳꓸ ꓢꓰꓼ ꓟꓯꓼ ꓥ ꓟꓲ 9 ꓣꓳ ꓫꓵꓻ꓾ ꓠꓯ ꓞꓲꓼ ꓦꓲ ꓗꓪ 10 ꓣꓳ ꓠꓻ ꓫꓹ ꓠꓬꓹ ꓥ ꓐꓰ ꓮ ꓔꓳꓸ ꓢꓰꓼ ꓟꓯꓼ ꓙꓵꓽ ꓪ ꓙꓳ ꓢꓴ Main Uddin ꓡꓰ ꓐꓯ ꓡꓳ꓿
ꓕꓱ ꓟ ꓠꓬ ꓓꓵꓽ ꓙ ꓟꓶ ꓓꓴ ꓗ ꓬꓰꓳ꓿ ꓠꓯ ꓞꓲꓼ ꓫꓬꓹ ꓙ ꓠ ꓔꓸ ꓢꓴ ꓮ ꓙꓵꓽ ꓔꓯ ꓬꓰ ꓙ ꓐꓰ ꓐꓲ-ꓖ-ꓡ ꓗꓴꓷꓼ ꓙꓵꓽ ꓢꓴ ꓢꓰꓸ-ꓧ-ꓢꓲ-ꓠ Sheikh Hasina ꓡꓰ ꓕꓵꓼ ꓪ ꓓꓳ ꓩꓴ ꓡ ꓡꓳ꓿