ꓢꓯꓼ ꓟꓬ ꓝꓸ ꓟ ꓟꓸ ꓟꓲ ꓢꓳ ꓚꓱꓹ ꓕꓳ ꓶ ꓕꓱ ꓟ ꓠꓬ ꓟꓸ ꓒ ꓓꓽ ꓟ ꓟꓳꓹ-ꓜꓯꓼ ꓕꓽ-ꓪꓳꓽ-ꓚꓴꓸ ꓡꓰ 1988 ꓘꓳꓼ ꓕꓯ ꓐꓳ ꓗꓷ_ ꓟ ꓥ ꓡꓳ= ꓬꓲꓸ ꓪꓴ ꓠꓬ ꓢꓳ ꓣꓴ ꓚꓱꓹ 18 ꓚꓱꓸꓼ ꓡꓰꓽ ꓙꓳ ꓡꓳ= ꓖꓳ ꓡꓱ ꓥ ꓟꓲ ꓮ ꓟꓶ ꓠꓬ ꓖꓳ ꓟ ꓔꓯ ꓔ ꓢꓲ꓾ 24 ꓚꓱꓹ ꓗꓪ ꓛꓲ ꓢꓳ ꓣꓴ ꓚꓱꓹ ꓐꓳ ꓗꓷ ꓪ ꓡꓰ ꓟ ꓥ ꓡꓳ=ꓟꓸ ꓟꓲ ꓚꓱꓹ ꓕꓱ ꓟ ꓐꓳ ꓒꓬꓱꓼ ꓡ ꓝꓲ ꓢꓴ ꓢꓴ ꓣꓳꓽ ꓐꓹ ꓐ ꓪꓴ-ꓢ ꓔꓯ ꓫꓸ ꓟꓳ=
ꓢꓯꓼ ꓟꓬ ꓝꓸ ꓟ ꓟꓸ ꓟꓲ ꓕꓱ ꓟ ꓔꓯ ꓒꓵꓽ ꓒꓵꓽ ꓡꓰ ꓵ ꓢꓲꓸ꓾ ꓢꓳ ꓣꓴ꓾ ꓒꓳꓹ ꓖꓶ ꓟ ꓗꓪ ꓐꓰ ꓪꓴ-ꓢ ꓠꓲꓹ ꓡꓶꓽ ꓥ ꓟ ꓢꓯꓼ ꓟꓬ ꓝꓸꓸ ꓟ ꓙ ꓖꓴ ꓔꓯ꓾ ꓔꓲ ꓢꓲꓽ ꓢꓲꓽ ꓡꓰ ꓢꓷꓸ ꓡꓰ ꓢꓲ꓾ ꓘꓴ ꓣꓴ ꓗꓴ ꓠꓹ ꓟ ꓥ ꓡꓳ= ꓬꓲꓸ ꓜꓶ ꓐꓰ ꓢꓳ ꓣꓴ ꓢꓲ꓾ ꓠ ꓠꓬꓲ ꓘꓶꓽ ꓔꓯ ꓥ ꓟꓲ ꓒꓳꓹ ꓖꓶꓽ ꓟ ꓗꓪ ꓐꓰ ꓟꓬꓽ ꓠꓬ ꓙꓽ ꓜꓲꓽ ꓢꓷꓸ ꓡꓰ ꓓꓴ ꓙꓳ ꓡ ꓥꓳ=
ꓢꓯꓼ ꓟꓬ ꓝꓸ ꓟ ꓟꓸ ꓟ ꓢꓳ ꓚꓱꓹ ꓕꓱ ꓟ ꓔꓯ ꓥꓳꓽ ꓡꓶꓸ ꓖꓶꓽ ꓢꓴ ꓠꓬ ꓟꓸ ꓒ ꓤ-ꓗꓳ ꓥ ꓡꓳ=