ꓢꓯꓸ ꓐꓬꓱꓽ ꓚꓰꓼ ꓒꓽ ꓙꓬ-ꓜꓯꓼ ꓓꓮꓳ-ꓡꓳꓥꓹ ꓠꓬ ꓗ-ꓛꓲ ꓐꓲ ꓜꓳꓽ ꓠꓴ ꓢꓯꓼ ꓜꓴ ꓢꓽ ꓡ ꓙꓵꓽ ꓠꓬꓲ ꓖꓴ ꓗꓪ ꓔꓬ ꓠꓹ ꓟ 2022 ꓘꓳꓼ 3 ꓦ 3 ꓠꓬꓲ ꓕꓯ ꓢꓲꓻ ꓣꓴ ꓪ ꓡꓰꓳ꓿
ꓗ-ꓛꓲ ꓐꓲ ꓜꓳꓽ ꓠꓴꓽ ꓢꓯꓼ ꓜꓴ ꓢꓲꓻ ꓣꓴ ꓑꓮꓲ ꓔꓯ ꓟꓶ-ꓚꓲ-ꓠ ꓢꓲ-ꓔ-ꓑꓴ ꓟ-ꓠꓳꓽ ꓐꓱꓻ꓾ ꓟꓶ-ꓙꓱ ꓦꓲ ꓗꓳꓹ ꓗꓪ 2022 ꓘꓳꓼ 3 ꓦ 2-3 ꓠꓬꓲ ꓗꓪ ꓛꓲ ꓬꓰ ꓗꓷ ꓟ ꓥ ꓡꓳ꓿
ꓢꓲꓻ ꓣꓴ ꓑꓮꓲ ꓗꓪ ꓢꓽ ꓡ ꓙꓵꓽ J.Z ꓓꓮꓳ-ꓡꓳꓥꓹ꓾ ꓔꓳꓹ ꓙ ꓢꓽ ꓡ ꓙꓵꓽ ꓐꓬꓱꓽ ꓢꓯꓸ ꓔꓶꓹ ꓢꓴ ꓡꓸ ꓙ-ꓔꓮꓳ꓾ ꓟꓬꓱꓽ ꓢꓲꓺ ꓡ-ꓙꓹ ꓜꓳ-ꓓꓱꓹ-ꓘꓮꓳꓽ꓾ ꓔꓳꓹ ꓙ ꓟꓬꓱꓽ ꓢꓲꓺ ꓟꓴ ꓖꓪ ꓖꓪ ꓒꓽ Kareng Kai Din ꓐꓴ ꓢꓲꓻ ꓪ ꓡꓰꓳ꓿
ꓗ-ꓛꓲ ꓐꓲ ꓜꓳꓽ ꓠꓴꓽ ꓢꓯꓼ ꓜꓴ ꓔꓯ 2013 ꓘꓳꓼ ꓕꓯ ꓒꓴ ꓪꓴꓸ ꓔꓴ ꓔꓸ ꓟ ꓥ ꓢꓲ꓾ ꓢꓽ ꓡ ꓙꓵꓽ ꓢꓴ ꓠꓬ Aba Di꓾ ꓜꓳꓥ-ꓓꓰ꓾ ꓐꓰ ꓮ ꓟꓶ 3 ꓣꓳ ꓕꓲ ꓣꓳ ꓠꓬ J.Z ꓓꓮꓳ-ꓡꓳꓥꓹ ꓥ ꓡꓳ꓿
ꓬꓲꓸ ꓠꓬ ꓧꓶꓸ ꓕꓯ ꓡꓲ-ꓢꓴ ꓐꓲ ꓜꓳ ꓠꓴꓽ ꓢꓯꓼ ꓟꓬꓱꓽ ꓬꓰ ꓢꓴ ꓐꓴ ꓐꓰ ꓖꓪ ꓙꓱ ꓖꓪ ꓟꓴ ꓗꓸ ꓘꓳ ꓢꓴ ꓕꓲ ꓣꓳ ꓥ ꓡꓳ ꓐꓰ ꓐꓯˍ ꓡꓳ꓿