ꓬꓥ-ꓖꓳꓥ꓾ ꓑ-ꓜꓳ-ꓔꓮꓳ ꓑꓳꓡꓲꓚꓰ ꓟꓯꓼ ꓦꓲ ꓟꓲꓸ ꓙꓬꓽ ꓗꓪ ꓠꓬꓲꓸ ꓠꓬꓲ 2021 ꓘꓳꓼ 11 ꓦ 27 ꓠꓬꓲ ꓢ ꓘꓪ 10:40 ꓙꓵꓹ ꓕꓯ ꓟꓯꓼ ꓐꓴ ꓠꓰ ꓟꓳ-ꓓꓳ 1 ꓢꓶꓽ ꓔꓯ ꓡ ꓛꓴꓸ ꓢ ꓕꓶꓹ ꓐꓶ ꓡ ꓢꓲ꓾ ꓤ ꓟꓶ ꓤ ꓥꓴꓻ ꓢꓯꓼ ꓑ ꓙ ꓡꓳ ꓐꓰ ꓓꓳꓽ ꓜꓳ ꓛꓲ ꓡ ꓡꓳ꓿
” ꓡ ꓛꓴꓸ 3 ꓕꓶꓹ ꓛꓲ ꓐꓶ ꓟ ꓬꓲꓸ ꓢꓯꓼ ꓐꓯ ꓙꓽ ꓪ꓿ ꓐꓶ ꓜꓯꓼ ꓬꓰ ꓢꓴ ꓟ ꓤꓽ/ ꓤ ꓟꓶꓼ ꓮ ꓡꓲꓳ ꓫꓵꓽ ꓥ ꓟꓽ ꓢꓷ꓿ ꓤ ꓟꓶꓼ ꓕꓲ ꓣꓳ ꓥꓴꓻ ꓢꓯꓼ ꓓꓳ ꓡ ꓥ꓿ ꓫꓵꓽ ꓓꓳ ꓠꓬꓽ ꓜꓲ ꓬꓰꓳ꓾ ꓠꓯ ꓞꓲꓼ ꓦꓲ ꓗꓪ ꓠꓲꓹ ꓤ ꓧꓳꓽ ꓙ ꓡꓯ ꓐꓯ ꓠꓰ ꓘꓴ ꓢꓯꓼ ꓑ ꓙˍ ꓟꓲ ꓮ ꓡꓲ ꓟ ꓡꓲꓸ ꓖꓰ ꓟꓽ ꓑꓶꓸ꓿ ꓠꓲꓹ ꓟ ꓠꓻ ꓙ ꓟˍ ꓡꓰꓽ ꓟꓽ ꓥ ꓐꓯ ꓮ ꓫꓵꓽ ꓬꓰ ꓙ ꓟꓽ ꓐ ꓡ꓿ ꓟꓯꓼ ꓦꓲ ꓗꓪ ꓚꓳꓸ ꓖꓶ ꓕꓲ ꓣꓳ ꓡꓲꓸ ꓟꓽ ꓓꓳ ꓡ” ꓖꓳ ꓗꓪ ꓔꓬ ꓢꓴ 1 ꓣꓳ ꓡꓰ ꓐꓯ ꓡꓳ꓿
ꓟꓶ ꓘꓶꓼ 10 ꓙꓵꓹ ꓗꓪ ꓐꓰ ꓠꓯꓼ 4 ꓙꓵꓹ ꓗꓪ ꓛꓲ ꓙ ꓖꓴ ꓙ ꓐꓽ ꓓꓳ ꓚꓳ ꓟꓽ ꓓ ꓟ ꓟꓯꓼ ꓕꓵꓼ ꓪ ꓓꓳ ꓔ ꓡꓳ꓿