ꓡꓸ ꓛꓲꓸ 1 ꓕꓴꓽ 8000 ꓒꓯꓼ

ꓑꓴ-ꓔ-ꓳ ꓟꓵꓽ ꓗꓪ ꓡꓸ ꓛꓲꓸ ꓥꓸ ꓝꓲꓸ ꓛꓲ ꓡ ꓢꓲ꓾ ꓡꓸ ꓛꓲꓸ ꓮꓸ ꓠꓬꓲꓽ ꓠꓳꓹ ꓠꓳꓼ ꓕꓴꓽ 1 ꓕꓴꓽ ꓠꓬ 8000 ꓒꓯꓼ ꓒꓵꓽ ꓔꓬ ꓡꓳ꓿

“ꓮ ꓶꓹ ꓶ ꓗꓪ ꓙꓰ ꓟꓽ ꓖꓰꓼ ꓢꓴ ꓠꓽ ꓞꓳ ꓘꓹ ꓗꓪ꓾ ꓟꓶ-ꓡꓽ ꓘꓶꓽ ꓗꓪ ꓟꓶꓽ ꓘꓶꓼ ꓕꓲ ꓑꓹ ꓟ ꓓꓶꓽ ꓡꓯ ꓔꓯ ꓠꓬꓹ ꓥ꓿ 1 ꓕꓴꓽ 8000 ꓡꓲꓸ ꓪꓴꓻ ꓪ ꓟꓽ ꓓ ꓓ ꓔꓸ ꓥ꓿ ꓧꓶꓽ ꓡꓳ ꓑꓺꓳ ꓔꓶ ꓮ ꓘꓶꓸ ꓠꓵˍ ꓐꓶ꓿ ꓕꓱ ꓗꓪ ꓢꓴ ꓖꓶ ꓕꓲ ꓘꓳꓼ ꓢꓲꓸ ꓕꓲ ꓧꓪꓹ ꓓꓳ ꓡꓹꓳ ꓫꓵꓽ ꓠꓰ ꓜꓽ ꓟꓴ ꓢꓱ ꓫꓵˍ ꓠꓯꓸ” ꓐꓰ ꓘꓴ ꓜꓲꓼ ꓞꓳ ꓟꓸ ꓒ ꓕꓲ ꓣꓳ ꓡꓰ ꓐꓯ ꓟꓸ ꓖꓶ ꓡ ꓡꓳ꓿

ꓡꓸ ꓛꓲꓸ ꓔꓯ ꓠꓬ ꓞꓳ ꓘꓹ ꓗꓪ ꓡꓱ ꓢꓲꓸ ꓜꓽ꓾ ꓡꓹ ꓜꓶꓼ ꓔꓲꓸ ꓢꓲꓸ ꓜꓽ ꓗꓴ ꓡꓳ꓿ ꓧꓶꓽ ꓡꓳ ꓑ ꓐꓴ ꓠꓰ ꓠꓽ ꓑ ꓑ ꓗꓪ ꓡꓸ ꓛꓲꓸ ꓧꓶꓽ ꓗꓶ ꓢꓲꓸ ꓜꓽ꓾ ꓙꓲ ꓒꓶꓽ ꓗꓪ ꓗꓶ ꓢꓲꓸ ꓓꓳ꓾ ꓠꓯ ꓞꓲꓼ ꓠꓯ ꓟꓲ ꓬꓰ ꓢꓲꓸ ꓜꓽ ꓓꓳ ꓗꓴ ꓡꓳ꓿

Video:

ꓮ ꓘꓶꓸ ꓐˍ ꓟ ꓡꓸ ꓛꓲꓸ ꓔꓯ ꓜꓽ ꓜꓯꓼ ꓬꓰ ꓕꓽ ꓠꓽ ꓡ ꓛꓶ ꓒꓴꓽ ꓬꓰ ꓢꓲ꓾ ꓮ ꓫꓵꓽ ꓜꓽ ꓡꓲꓸ ꓬꓲꓸ ꓢꓯꓼ ꓟꓽ ꓢꓳ ꓗ ꓡ ꓗꓴ ꓡꓳ꓿ ꓗꓳ ꓟꓵꓽ ꓪ ꓚꓲ ꓗꓪ ꓓꓳꓼ ꓪꓰꓻ ꓛꓵꓼ ꓔꓸ ꓟ ꓡꓸ ꓛꓲꓸ ꓜꓽ ꓪ ꓡꓰ ꓢꓴ ꓔꓯ ꓥ ꓟꓲ ꓖꓳꓻ ꓡ ꓚꓰꓼ ꓥ ꓐꓯ ꓡꓳ꓿